لحظات مؤلمه للكاتب محمد مالك

البارت (٢٧)

رواية لحظات مؤلمة

البارت السابع والعشرون

للكاتب المصري محمد مالك

جميع الحقوق محفوظة
ويذهب الضابط هشام الي منزل احمد البستاني ليقدم واجب العزاء في ابنتهم بوسي ويقابل الاب وشيرين ومرفت
هشام .. البقاء لله يا جماعة .. شدوا حيلكم
الاب .. حياتك الباقية يابني
هشام .. ممكن اعرف ايه اللي حصل ؟!!
شيرين .. اللي حصل قلناه كله في المحضر
هشام .. انا قريت فعلا المحضر بس اااا...!!
شيرين .. مش مصدق طبعا !!
هشام .. حطي نفسك مكاني يا مدام شيرين .. الكلام اللي انتوا قولتوه في المحضر دا كلام عجيب جدا وللأسف صعب اي عاقل يتقبله او يصدقة !!
شيرين .. عندك حق .. بس للأسف برضوا .. هو دا اللي حصل
هشام .. معقول !! فرخة هي اللي تقتل اختك !! دا كلام اساطير يا جماعة !!
شيرين .. ما هو لو مكنتش الفرخة اللي عملت كدا هيبقي يا انا يا ماما يا مرفت !! لانه مكنش فيه غيرنا في الشقة .. وما اطنش يعني ان واحدة فينا هتعمل كدا !!
هشام .. حاجة غريبة فعلا !! مدام شيرين .. ايه معلوماتك عن المرحومة مروه زوجة اكرامي اللي قبلك ؟
شيرين .. معرفش عنها حاجة خالص !! مفيش غير مره واحدة قابلت امها تحت البيت وكان بتتصرف بطريقة غير طبيعية !!
هشام .. ازاي ؟!
شيرين .. كانت ماسكة فردة جزمة في ايديها وبتقول انها لبنتها وكانت بتدور علي الفردة التانية وقالتلي انا كل يوم بعدي من تحت البالكون الساعة ٨ بالليل وطلبت مني ادورلها علي الفردة التانية
هشام .. معقول !! انتي تعرفي ان مروة وقعت من البالكون وهي بتنشر الغسيل !! ودا كان سبب وفاتها!!
شيرين .. ايوا .. مامتها قالتلي كدا برضوا
هشام .. طب محاولتيش تسألي جوزك ايه ظروف الحادثة دي ولا ما اهتمتيش بالموضوع ؟
شيرين .. سألته اكتر من مره وفي كل مره بيعرق ويتوتر جامد وكانه افتكر حاجة ضايقته !! لدرجة انه ......
هشام .. انه ايه ؟!!
شيرين .. ولا حاجة .. بس فيه حاجة عايزة اقولها لحضرتك
هشام .. اتفضلي
شيرين .. نورا طلعت فعلا بتاخد ادوية اكتئاب !!
هشام .. وعرفتوا ازاي ؟!!
شيرين .. بالصدفة لقينا الادوية جوة الدبدوب بتاعها
هشام .. اها !! .. يعني كلام هيثم طلع مظبوط !!
شيرين .. بس هي متعرفوش زي ما هو بيقول !
هشام ..للأسف المعمل الجنائي اكد ان الفيديوهات والمكالمات اللي سجلها هيثم مظبوطة
شيرين .. ايه ؟!!
هشام .. ايوا .. يعني نورا كانت فعلا علي علاقة ب هيثم وكانوا بيتكلموا مع بعض وبيتقابلوا كمان .. وحضرتك بتقولي انكم اكتشفتوا وجود ادوية اكتئاب جوا الدبدوب بتاع نورا !! ودا دليل علي انها فعلا كانت بتعاني من الاكتئاب وبتاخد علاج كمان ولو ربطنا دا كله ببعضه هنستنتج ان نورا بالفعل انتحرت !!
مرفت .. لا .. مش ممكن نورا تكون انتحرت ابدا !!
شيرين .. فعلا نورا ما انتحرتش !! انا كنت معاها في البالكونه وشفتها وهي بتصرخ وبتقول الحقيني يا شيرين في حاجة بترفعني لفوق!! .. وفعلا زي ما يكون في حاجة كانت بترفعها فوق سور البالكونة وعايزة ترميها من فوق !! وبعدين انا عاوزة اسأل سؤال .. هي مروه مرات اكرامي لما وقعت هي الاخري من البالكونه .. كانت انتحرت هي كمان ؟!! وعلي فكره لما قابلت امها حذرتني من اكرامي واهله ولما عرفت اني انا مراته انصدمت وقعدت تواسيني زي ما تكون حاسة ان في حاجة هتحصلي زي بنتها !!
مرفت .. ثواني .. انا افتكرت حاجة
شيرين .. ايه؟!!
مرفت .. نورا لما وقعت من البالكون انا لاحظت ان كان في رجلها فردة جزمة واحدة !! والفردة التانية مكنتش موجودة !! مش صح يا شيرين ؟!!
شيرين .. ايوا فعلا .. وانا نزلت الشارع ودورت عليها في كل حته ملقيتهاش !!
مرفت .. امال هتكون راحت فين ؟!! وبعدين انتي بتقولي ان مامت مروه قالتلك ان بنتها هي كمان لما وقعت من فوق ضاعت منها فردة جزمة !! ايه معناه الكلام دا ؟!!
شيرين تتذكر شئ ما تنهض مسرعة وتتوجه نحو باب الشقة وتقول
شيرين ..بعد ازنكم يا جماعة .. مشوار وراجعة علطول
الاب .. رايحة فين يا بنتي ؟!!
شيرين عند باب الشقة وهي تفتح الباب تقول
شيرين .. حالا اجي يا بابا
الضابط هشام غير مطمئن
هشام .. بعد ازنك يا استاذ احمد
الاب .. ما تخليك قاعد يابني
هشام .. معلش .. افتكرت مشوار مهم جدا .. ومش عايزكم تقلقوا خالص قريب جدا هنوصل للحقيقة .. سلاموا عليكم
الاب .. وعليكم السلام ورحمة الله وبركاته...
تابعوني والبارت التالي اللي هيكون مثير جدا جدا .. تحياتي ..