رواية لحظات مؤلمة
البارت الخامس عشر
للكاتب المصري محمد مالك
جميع الحقوق محفوظة
شيرين في قمة الغضب لا تصدق ما قاله هيثم
شيرين .. انا ممكن اعرف ايه معني الكلام اللي قاله اخوك دا ؟!!
اكرامي مرتبك.. انا .. انا معرفش حاجة !! انا كمان متفاجأ زيك كدا !!
شيرين .. اها !! متفاجأ زيي !! انت تعرف ان اخوك دا سافل وحقير وانسان معندوش اخلاق ولا دين !!
اكرامي .. شيرين .. من فضلك انا ما اسمحلكيش تغلطي في اخويا قدامي
شيرين .. لكن تسمحله هو انه يفتري علي بنت ميعرفهاش ويقول انه علي علاقة بيها وانها كمان عندها اكتئاب وبتفكر في الانتحار!!
اكرامي .. اظن شفتي وسمعتي الفيديوهات والتسجيلات بنفسك!!
شيرين .. كدب وغش وتدليس !!! انا من اول يوم شفت فيه اخوك وانا مش مرتحاله اصلا .. انسان غامض وغريب
اكرامي .. من فضلك يا شيرين .. كدب .. حقيقة.. طلعيني انا بره الموضوع دا من فضلك .. عامةً في تحقيق شغال دلوقتي والحقيقة هتبان
شيرين .. بصراحة انا مندهشة جدا !! انت ريلاكس خالص ولا كأن في حاجة حصلت ولا في واحدة ماتت هنا امبارح بسببكم ؟!!
اكرامي .. بسببنا ؟!!
شيرين .. ايوا بسببكم انتم .. بسبب البيت الملعون دا !!
اكرامي .. احنا بيتنا ملعون يا شيرين ؟!
شيرين .. ايوا ملعون وكله عفاريت واشباح !! هي دي الحقيقة اللي انت عاوزين تزيفوها فأخترعتوا حكاية علاقة اخوك ب نورا وانها فكرت في الانتحار اكتر من مره .. عشان الناس تصدق فعلا انها انتحرت وانها ما اتقتلتش !
اكرامي .. اتقتلت ؟!!
شيرين .. ايوا اتقتلت .. والقاتل جني حقير ساكن في البيت الملعون دا !!
اكرامي .. كل دي اوهام في دماغك ملهاش اي اساس .. علي فكرة انا بدأت اشك فعلا انك انسانه مش طبيعية !! عندك هلاوس وتهيآت .. زي اختك نورا بالظبط !! .. واضح ان المرض النفسي عندكم وراثة !!
اكرامي .. احنا مش مرضي نفسيين يا اكرامي!! انتم اللي شكلكم بتوع سحر وشعوذه
اكرامي .. ربنا يشفيكي يا شيرين .. ع العموم انا عازرك عشان حالتك اللي انتي فيها دلوقتي بسبب موت اختك
شيرين .. انتوا اللي قتلتوا اختي يا مجرمين !
اكرامي . احترمي نفسك بقي ؟!! متخلنيش اخرج عن طوعي وتفقديني اعصابي لو سمحتي !!
شيرين .. حاضر .. انا في بيت بابا يا اكرامي ومن فضلك ورقتي تجيلي علي هناك
اكرامي مصدوم .. انتي بتقولي ايه ؟!
شيرين .. بقول اللي سمعته .. انا يستحيل اعيش معاك تاني بعد اللي حصل
اكرامي .. وانا ايه ذنبي في اللي حصل ؟! شيرين .. من فضلك متخربيش بيتك عشان شوية اوهام في دماغك ملهاش علاقة بالواقع نهائي !!
شيرين .. الكلام بينا انتهي .. وياريت تنفذ اللي طلبته منك لأني مهما عملت مش راجعالك تاني ..
ثم تتركه وتنصرف ورد فعل علي وجه اكرامي
ونذهب الي عسكري القسم الذي ارسله الضابط هشام لأستدعاء الرجل الذي يسكن في العقار المقابل ل منزل اكرامي والذي شاهد شيرين ونورا يقفان في البالكون فأشار لهما بالدخول فورا ويصعد العسكري السلم ويقف امام الشقة ويضغط زر الجرس عدة مرات ولا احد يجيب
العسكري .. هو مفيش حد هنا ولا ايه ؟!!
العسكري يقوم بطرق الباب بيده فيشعر به احد الجيران بالشقة المجاورة وهو رحل مسن علي المعاش فيفتح الباب مندهشا لرؤيته فيدفعه الفضول الي معرفة سبب حضورة
الرجل .. عاوز مين يا حضرة الصول ؟!!
العسكري .. عاوز الجماعة اللي ساكنين الشقة دي مطلوبين في القسم
الرجل .. مطلوبين في القسم !! بس اللي ساكن هنا راجل اخرص عايش لوحدة
العسكري .. راجل اخرص !! اها .. وانا اقول مش عاوز يرد ليه ؟!! يبقي اكيد مش سامع الخبط دا كله !!
الرجل .. لا ما هو عامل انوار في الشقة كلها .. لما حد بيرن الجرس اللمض تنور علطول
العسكري.. يبقي مش قاعد بقي !! خلاص بقي لما تشوفه قله جالك استدعا من القسم
الرجل .. استني بس .. دا مبيخرجش من البيت خالص .. دا مالوش حد وميعرفش حد .. تلاقيه بس نايم ولا حاجة .. ثواني هو سايب معايا مفتاح الشقة عشان الطوارئ وكدا .. ثواني لما ادخل اجيبه
العسكري .. اتفضل
ويحضر الرجل المفتاح ويفتح باب الشقة
الرجل .. تعالي اتفضل يا حضرة الصول .. انا متأكد انه نايم .. اقعد ارتاح لما اصحيه
ثم يدخل هذا الرجل الي غرفة النوم ليصرخ بعدها قائلا
الرجل .. الحقوني !!!
تابعوني والبارت التالي .. تحياتي ..
JE LEEST
لحظات مؤلمه للكاتب محمد مالك
ChickLitانا شيرين البستاني ٢٦ سنه صيدلانيه من اسرة متوسطة الحال .. بابا علي المعاش كان شغال في السكة الحديد وماما ست بيت عندي ٣ اخوات بنات انا اكبرهم .. اتجوزت من ست شهور صيدلي زميلي بس ما اتوفقناش مع بعض واتفقنا ننفصل بكل هدوء وبدون مشاكل وفعلا انفصلت بعد...
