لحظات مؤلمه للكاتب محمد مالك

البارت (١٣)

رواية لحظات مؤلمة 

البارت الثالث عشر 

للكاتب المصري محمد مالك

جميع الحقوق محفوظة
بوسي .. انت شكلك بتستهبل ولا مسطول مش عارف بتقول ايه ؟!!
هيثم .. احترمي نفسك لو سمحتي وبلاش قلة ادب
بوسي .. انت اللي مش محترم ولو ما مشيتش من هنا انا هضربك بالجزمة
هيثم .. لا دا انتي مش متربية وعاوزة تتربي بقي من اول وجديد!!
بوسي .. وريني هتربيني ازاي يا بتاع انت ؟!!
تأتي شيرين والضابط هشام واللذان كانا يقفان في زاوية بعيده عن الباقيين تقص له ما حدث بالضبط
هشام .. ايه في ايه ؟! انت مين ؟!!
هيثم .. خدامك هيثم يا باشا .. اخو الدكتور اكرامي جوز المدام ( ويشاور علي شيرين )
هشام .. ومالك بتزعق ليه يا سي هيثم ؟!
هيثم .. الهانم بتشتمني عشان قلت الحقيقة !!
هشام .. حقيقة ايه ؟!!
هيثم .. ان نورا اختها انتحرت
هشام .. انتحرت !! وانت عرفت ازاي انها انتحرت ؟!
هيثم .. هي قالتلي كدا في التليفون كذا مره
مرفت .. دا كداب !! انا اختي متعرفوش اصلا
هيثم .. هأو .. اللي متعرفوش حضرتك ان اختك تعرفني وتعرفني كويس اوي كمان وفي بينا كلام ياما ومقابلات
شيرين .. انت بتقول ايه ؟!! انا اختي كانت بتكلمك وبتقابلك كمان ؟!! بمناسبة ايه بقي ؟!!
هيثم .. بمناسبة استلطاف .. كانت مستلطفاني ومعجبة بيا وكانت راسمه علي جواز وكدا
شيرين .. متصدقهوش يا حضرة الظابط .. دا انسان مش طبيعي اصلا ومريب كمان
هيثم .. لا دا انا طبيعي جدا واعجبك كمان
الام .. انت انسان سافل وحقير لما تقول انك علي علقة ببنتي وهي لا شافتك ولا تعرفك من اساسه !!
هيثم .. سامع الغلط يا باشا ؟!! دا سب وقذف علني يا حكومة !!
هشام .. انت فعلا تعرف المرحومة ؟!!
هيثم .. عز المعرفة يا باشا
هشام .. وايه دليلك ؟!!
هيثم .. اهوه .. الموبيل دا مسجل كل حاجة .. كل لحظة بينا هتلاقيها متسجلة .. مكالمات .. فيديوهات .. كله صوت وصوره يا باشا
هشام .. وريني كدا
هيثم .. اهوه .. دي اخر مكالمة كانت بينا .. قبل انتحارها بيومين .. اسمع يا باشا ..
الجميع يستمع الي المكالمة بانصات شديد والحوار الاتي :-
نورا .. ايوا يا هيثم انت فين ؟!
هيثم .. في البيت .. مالك يا بنتي انتي بتعيطي ولا أيه ؟!!
نورا .. مخنوقة يا هيثم .. مخنوقة علي الاخر !!
هيثم .. اهدي بس كدا وقليلي مالك ؟!!
نورا .. مش عرفة !! حاسة اني مخنوقة كدا .. وقلبي مقبوض .. انا زهقت با هيثم ..  والله زهقت !!
هيثم .. زهقتي من ايه بس ؟!!
نورا .. زهقت من الدنيا كلها .. زهقت حتي من حياتي .. مش طايقة اشوف حد ولا اكلم حد .. ولا حتي اروح الكلية ولا ليا نفس افتح كتاب واذاكر !! شايفة كل حاجة قدامي بقت سودا ومريبة !!
هيثم .. انتي مش قلتي انك بدأتي تاخدي علاج الاكتئاب ؟!
نورا .. ايوا ومش عامل حاجة !!
هيثم .. يا حبيبتي الادوية دي بتاخد وقت طويل لحد ما تجيب نتيجة وانتي لسة يدوب بدأتي العلاج من اسبوع بس
نورا .. صدقني كله كلام فاضي .. ولو قعدت عمري كله اخد علاج مش هيتغير شئ من الواقع اللي انا عايشاه او الالم اللي انا حاساه  .. هو مفيش غير حل واحد بس !!
هيثم .. اوعي تقوليلي الانتحار ؟!!
نورا .. للأسف مفيش حل غيره
هيثم .. احنا مش اتفقنا تشيلي الفكرة دي من دماغك خالص ؟!! وبعدين انا مش قلتلك اني خلاص هكلم مامتك عشان اخطبك !!
نورا .. ايوا يا هيثم
هيثم .. طب خلاص فكري بقي في حياتنا مع بعض وانسي الكلام الفاضي دا ارجوكي
نورا .. مش قادرة يا هيثم ابطل افكر في الانتحار !!
هيثم .. يبقي انتي مش بتحيني ؟!!
نورا ..  بالعكس انت شعاع النور الوحيد في حياتي اللي كلها بقت سواد في سواد
هيثم .. خلاص يبقي توعديني متجبيش سيرة الانتحار دا نهائي .. اوعديني يا نورا
نورا .. مش عرفة يا هيثم
هيثم .. اوعديني يا نورا لو سمحتي
نورا .. مش عاوزة اوعدك وانا واثقة ومتأكدة اني هخلف في وعدي ليك
هيثم .. وبعدين معاكي بقي ؟!! طب بقلك ايه نتقابل احسن .. اجهزي وانا اول ما اجهز هرنلك
نورا .. اوكيه ماشي .. سلام
انتهت المكالمه المسجلة
هيثم .. ايه رأيك يا باشا ؟ سمعت بودانك اهوه .. المكالمة كلها عن السواد والاكتئاب والانتحار !!
هشام .. دا صوت اختكم نورا يا جماعة
شيرين .. مش معقول !! لا يمكن دي تكون نورا ابدا !!
مرفت .. انا مش قادرة اصدق .. نورا تعرفك انت واحنا منعرفش ؟!!
هشام .. يعني دا صوتها ؟!!
بوسي .. هو شبه صوتها !! بس انا متأكدة انها مش هي .. صدقني يا حضرة الظابط هي متعرفش الجدع دا من أصلة .. يبقي ازاي هتتكلم معاه بالطريقة دي ؟!!
الام .. وبعدين انا بنتي طول عمرها بتضحك ومرحه وبتحب الحياه وعمرها ما كان عندها اكتئاب ولا زفت !! وبعدين انا بناتي متربيين كويس اوي وعمري ما واحده منهم تستجري تعرف حد وتستلطفه زي ما هو بيقول وتتكلم معاه وتقابلة كمان ؟؟! دا انسان كداب وانا من ساعة ماشفته وانا حاسة انه مش ساهل وبتاع ٣ ورقات !!
هيثم .. يا باشا انا بيني وبينهم خبير اصوات هو اللي الحكم بينا .. هما بيقولوا كدا عشان مصدومين في بنتهم !!
هشام .. بس مدام شيرين حكيتلي قصة تانية غير كدا ؟!!
هيثم .. قالتلك ان البيت طبعا مسكون والكلام الفارغ دا !! لا سعتك دا كلام فاضي ومفيش عاقل يصدقة .. انا بقول لسيادتك الحقيقة فياريت تصدقني
هشام .. تمام .. تعالي معايا يا هيثم
هيثم .. عنيا يا باشا ..
هيثم ينظر ل شيرين نظرة اللئيم وعيناه فيها خبث شديد
شيرين لا تصدق .. ايه معني الكلام ده يا اكرامي ؟!!
اكرامي لا بجيب ويكتفي بالنظر الي الارض !!
الرواية اصبحت اكثر حدة واثارة .. تابعوني .. الشاعر والكاتب والسيناريست المصري محمد مالك..