Entity Of Promises

Chapter 9

"Let's go?" Niyaya na ako ni Skiel na umalis na. Tumango lang ako sa kanya bilang pagsagot ko sa kanya. I have nothing to say! Sino ba siya?

Sumunod lang ako sa kanya. Sasakay kami siguro sa kotse niya. Ilang saglit lang ay tumigil siya at ganoon din ang ginawa ko. Nauna na siyang pumasok sa kotse niya at ako din. Hindi man lang gentleman unlike Gab. W-wait! Bakit ko sila pinagkukumpara na dalawa? Mas lamang si Gabriel kesa kay Skiel.

At isa pa, muntik ko na palang makalimutan ang sinabi ni Kuya Carlos kanina. Anong gagawin ko sa bahay nila mamaya? Sana si Ate Tori nalang ang sinama nila at hindi ako! Naiinis ako ngayon.

"Ang tahimik mo yata, Lhi" Panimula ni Skiel.

Tinignan ko ang kabuuan ng kotse ni Skiel. Nothing new, ganoon pa din. Seryoso lang na nagmamaneho si Skiel. Natatandaan ko pa noon na kapag may lakad kami ito yung kotseng dinadala niya para sa akin. At natatandaan ko din ang sinabi ni Skiel na wala ni isang babae ang sumakay sa kotse niya maliban nalang sa akin. Ewan ko lang ngayon.

Hindi ko nalang sinagot si Skiel. Ilang minuto lang ay nakarating na kami sa Mall. Malapit lang naman ang school ko at ang Mall dito. Nauna akong bumaba at hinintay si Skiel. Bakit ko ba ito ginagawa? Huminga muna ako ng malalim kaya nakakuha ako ng lakas para hindi magiging akward yung pagsasama namin ngayong araw.

Natanaw ko na paparating na siya sa direksyon ko kaya ngumiti ako ng peke.

"Let's go?" Tanong ko at tumango lamang siya.

"Anong bibilhin mo rito?" tanong niya sa akin.

Ano ba ang pakialam niya? Diba ang sabi samahan niya lang ako? Wala sa usapan na makikialam siya! Naiinis na talaga ako sa lalaking ito. Ano nga ba ang bibilhin ko? Sana magugustuhan ni Gab ang bibilhin ko para sa kanya bukas.

"Hey. I'm talking to you" Nabalik lamang ang diwa ko kaya tinignan ko siya at sinamaan ko siya ng tingin.

"Then don't talk to me."Angil ko.

"Lhiane. I'm serious"

"Then I'm serious too" seryosong sagot ko sa kanya.

"Lhi..."

"Ok fine! Bibili ako ng regalo para kay Gab!" Iritadong sagot ko.

Nakita kong nanlaki ang kanyang mga mata at huli ko lang nalaman na napasigaw pala ako kay Skiel. Tinignan ko ang paligid ko at maraming tao ang nakatingin sa akin. Napayuko nalang ako sa kahiyaan. Narinig ko pa ang reklamo ni Skiel mula sa akin.

Umalis kami sa aming kinatatayuan at humanap ng pang regalo ko para kay Gabriel.

Ilang oras na kami naghahanap at mukhang tinulungan ako ni Skiel. Pero merong akward sa pagitan naming dalawa habang namimili. Tinago ko yung regalo ko sa bag ko at lalabas na sana ng Mall kasama si Skiel pero napahinto siya dahil nagugutom na siya. Gusto kong umuwi pero no choice kaya sumama ako sa kanya. Hindi naman pwedeng mauna nalang akong umuwi dahil bastos iyon since sinamahan at tinulungan niya akong mamimili ng regalo.

Pumasok kami sa isang restuarant na kung saan pinakilala ni Ate Tori si Kuya Carlos sa amin.

"Umupo ka muna" Utos niya kaya umupo naman ako.

Umupo siya sa harap ko at tinawag yung waiter. Pinapili niya ako kung ano ang kakainin ko kaya agad ko naman tinuro ang paborito kong pagkain at ganon din siya.

"Are you okay?" Biglang tanong ni Skiel at tinignan ko siya na may halong pagtataka. Anong ibig niyang sabihin?

"Yeah! I'm okay" sagot ko.