- يابختك جارك قناص
" قناص؟ ؟ مين ده"
- عمر قناص قلبي ....قمر بعنيه الخضرا دول
اتعصبت " ايه يابيست التفاح انتي بتكراشي على كراشي "
ضحكت' يابنتي دي جمهورية مصر كلها بتكراش على كراشك .. دا دكتور في الجامعة وكمان قمررز في نفسه وطويل وعنيه خضرا وكمان ذكي ذكي ذكي كمان مرة .
" ايوا يعني اعمل إيه انا دلوقتي... "
ضحكت ' يابنتي والله الفرق بينكم زي ااسما والأرض ...وكمان هو تنك ومغرور'
" برضوا بحبه. ..مهما عمل علي قلبي زي العسل "
- براحتك بس متجيش تعيطي في الاخر
" طيب نقعد نذاكر ونلم نفسنا شوية "
- يلا ياختي يكش نفلح
قعدنا نذاكر وبعديها سارة مشيت ..عملت كوباية نسكافيه وطلعت البلكونة كنت واقفة ماسكة كالعادة اول ماطلعت شوفته ابتسمت زي الغبية بس هو رد الابتسامة بنظرة احتقار وقفل اللاب ودخل .... دموعي نزلت تلقائي وضحكت باستهزاء على نفسي. ..ازاي دكتور عمر بجلالة نفسه يبص لعيلة زيي. ..هو اساسا شخص مميز الكل هيعجب بيه شاب عنده 29 سنة حقق طموحاته واثبت نفسه ..وسيم وذكي ...هو شخص مثالي بمعني اصح وانا مجرد طالبة في كلية تجارة فاشلة في دراستي وكمان مش جميلة زي باقى البنات ولا مميزة ولا مثقفة ولا اي حاجة انا بنت عادية المميز اني بحب أتعامل مع الكل بتلقائية ... انا مش هعرف اعمل حاجة عشان الفت انتباهه انا مقدرش اعمل كده ، لاديني ولا إحترامي يسمحلي بكده ، انا عارفة اني مش مميزة ومستحيل حتي يفكر فيا بس انا مش بتحكم في قلبي مش بقوله حب ده وأكره ده القلب بيسمع كلام العقل وياخد برايه كان زماننا مرتاحين اوي ، مسحت دموعي وانتبهت اني بشعري دخلت بسرعة واتضايقت اني طلعت كده صليت القيام واشتكيت لربنا عن كل حاجة بتتعب قلبي ، ان شايفة الحياة دي اتعب نزهة بنقضيها في حياتنا بنخسر كتير ونكسب اكتر بنتخدع في اقرب ناس لينا ونتنازل عن مبادئ كتير ونودع أحلام كتير بسبب عجزنا ...الحياة متعبة والصلاة بشوفها الطاقة اللي بتخلينا نكمل. ...
---------
- ياتسنيم هانم. ..يااخت تسنيم عندك علم اننا متاخرين على المحاضرة
" وايه الجديد يعني "
- ياباردة هنسقط ...احنا بنيجي ليه طول ما احنا مش بنحضر
ضحكت " باجي اشوف الكراش طبعا هو ده سؤال "
مسكت من ودني 'صحبتي محترمة اوي'
"طبعا يابنتي انا في الاحترام معنديش ياما ارحميني.... ايه ده البنت الملزقة دي واقفة معاه ليه؟ "
- وانتي مالك طالبة بتسأل دكتورها
" والله ...ده منظر واحدة تعرف حاجة في حياتها "
- ياست كخة كفاية تنمر. .. وبعدين بلاش تفكري فيه كتير انتي واخدة للموضوع هزار بكرة يقلب جد وانتي اللي هتتعبي '
سكت لاني عارفة انها صح ...ان حد يفوقنا
كل مانتوه ويقف معانا وان واحد يثق ويامن بيكي وسط العالم المحبط ده دي احسن شعور ممكن تحس بيه كل حياتك. ..
- انسة سارة ممكن دقيقة
" نعم مين حضرتك؟ "
- انا اخو زميلة لحضرتك واسمي مازن كنت عايز بس رقم والد حضرتك مش اكتر
كنت هضحك علي خجلها فرديت انا " اتفضل حضرتك الرقم. ......... بس نصيحة كنت تقدر تسال وتجيبه شغل الجمجة دي شوية "
ضحكت بصوت عالي علي احراجه
- انا اسفة لو ضايقت حضراتكم عن اذنكم
" مفيش مشكلة. ...اتفضل "
مازن مشي وانا بصيت علي سارة وضحكت سارة معجبة بمازن من اول مرة شفته في الكلية هو اكبر مننا ب4 سنين واخ صحبتنا شيماء. ..
" امك دعيالك يابنت المحظوظة هتتجوزي الكراش"
- اشششش هتفضحينا يازفتة
ضحكت وغمزتلها "ياتري عملتي ايه بقي عشان يطلب ايدك ؟"
ابتسمت بخجل ' لما الموضوع يكمل هقلك'
" اوك ...يلا بقي نحضر المحاضرة التانية. ..صح انا ممكن اسافر لخالي "
- ليه خير؟
" مفيش مليت من الجامعة والبيت وخالي قالي اروح عنده اغير جو قبل الامتحانات "
- بس الامتحانات قربت
" خلاص بعد مااخلص الامتحانات المهم اني اروح عنده لانهم زي ماانتي عارفة هو ومراته في البيت لوحدهم وانا بروح اونسهم خصوصا بعد ابنهم الحقير قطع علاقته بيهم ...مش عارفة ازاي جاب البجاحة دي دا ذنب كبير قطع الارحام ده ..."
- ادعيله بالهداية وبس ...انتي كده هتساعديه
بصتلها بعدم اهتمام وهي فهمت نظرتي ضحكت وبعديها دخلنا حضرنا المحاضرة. ..عدي الأسبوع بروتين ممل الجديد ان ميعاد خطوبة سارة ومازن بعد الفاينال......كنت نازلة السلم بسرعة عشان الحق اشتري غزل بنات من الشارع بس اتزحلقت فوقعت درجتين
- اااااه يارجلي.... رجلي ياماااا ...اعيط دلوقتي ولا اعمل ايه. ..طيب هي رجلي انكسرت ولا دقيقة كده اشوف. ..ااااه ...باين كده اتكسرت "
-وانتي نازلة تجري ليه؟
دا صوت الكراش...قلبي بيتكلم. ..بصتله لقيته لابس ترينج وبرضوا قمر. ..غض البصر هو لازم يتجوزني كفاية ذنوب كده '
" وانت مالك؟ " دبش ولساني عايز قطعه....' مش قصدي والله انا اسفة بس كنت نازلة اشتري غزل بنات ليا انا وعمر
رفع حاجب ' عمر مين؟ '
" لا مش انت، انا قصدي عمر ابن اختي ، اجبلك معايا يا دكتور عمر غزل بنات "
- وهو انا تافه زيك عشان اكل الحاجات التافهة دي،بذمتك دا منظر واحدة عندها20 سنة..بتاكلي شكولاتة وتلعبي مع الأطفال بالشارع وتنزلي ااسلم جري، انتي تقدري تقوليلي ايه تقديرك في الكلية. ..طيب انتي عارفة حاجة في المحاسبة والتجارة. .
طيب عندك ثقافة...انتي واحدة غبية وتفاهة جدا ...المرأة مساحيق جمالها ذكائها وثقافتها زي ماقال ادهم الشرقاوي بس انتي واحدة مالهاش هدف عايش كده عالهامش واخرك تتجوزي واحد تافه زي مازن وتجيبي كام عيل تافهين زيك وبعديها مازن يطلقك لانك تافه وفاشلة ومش هتنجي في كونك زوجة ولا ام. ...انتي اساسا. ........'
.صفعة، ،،، هي الرد الوحيد علي كلامها....انا دموعي نزلت واعلنت ضعفي بس انا مستحقش حد يشوه نفسي كده ...انا مش تافهة ولا فاشلة انا بس اهتمامي غير اهتمامه ...انا بنت يتيمة اساسا بصرف علي نفسي بالأكل اللي بعمله ...انا بشتغل
. اونلاين واكسب مصاريف عشان جامعتي انا مدخلتش الجامعة عشان التقدير. ..انا كنت نفسي اكون معيدة في الكلية بس اداس عليا كتير مليش واسطة عشان أوصل بذلت جهدي كله بس موصلتش انا في سنة تالتة وحقيقي انا تعبت والله بذاكر بس مش بلاقي تعبي عشان كده دورت علي نفسي في مجال تاني لقيت نفسي محترفة في الطبخ. والحلويات ..بقيت اعمل حلويات وابعتها لمطاعم كبيرة بس كل ده من غير ماابين لحد اني بشتغل لاني اختي وخالي واخويا هيزعلوا ...انا مش فاشلة ولاام فاشلة انا معاش بابا بقسمه نصين نص لاولاد أخويا ونص لاولاد اختي واوقات اجيب هدايا ...انا مش واحدة فاشلة انا بساعد ناس كتير سواء ماديا او معنويا. ..انا مش هكون زوجة فاشلة ..لا انا مش هكون كده انا اتحرمت من الحب والحنان بدري عشان كده هدي جوزي كل ذرة حب في قلبي وهخلص ليه. ..انا هحبه لانه هيكون سندي واماني وثروتي ...ثروتي اللي طول عمري بجمعها عن طريق الدعاء ....ان ربنا يرزقني براجل يتقي ربنا فيا ويخاف عليا ومتهونش عليه دموعي ولا زعلي ...يفرح لفرحي ويكون اكبر سند ودعم ليا ...يكونلي كتف انام عليه يكونلي حضن اتحامي فيه...... انا معرفش ازاي مديت ايدي عليه انا حتي مخفتش من عروق ايده ولا عصبيته ولا شعره اللي ماسكه بايده عشان يتحكم في عصبيته انا ضربته ردا علي كلامه ونزلت بكل برود اشتري غزل البنات رغم وجعي الجسدي والنفسي ... اشتريت وطلعت فوق عشان اختي وابنها فوق. ..اختي خافت عليا عشان دموعي الكتير
- يعني اتاخرتب تحت ؟ مالك ياتسنيم؟ انتي كنتي بتعيطي ليه؟
ضحكت " اصلي وقعت حتة وقعة رهيبة وبعيط علي كرامتي اللي اتبعترت عشان وقعت "
ضحكت هي وابنها. ..قعدت معاها لحد مامشيت عشان جوزها قرب يرجع من الشغل، اخواتي مش وحشين كل واحد بيزوني مرة كل أسبوعين انا مش زعلانة منهم هما مشغولين وانا حاسة بتعبهم كفاية انهم بيفتكروني ويكلموني دايما ، انا برن عليهم كل يوم وأسأل عنهم عمري ماقلت لنفسى طيب اسأل ليه انا مايسالوا هما مرة؟ عمري مافكرت كده عارفين ليه لان المريض هو اللي محتاج الدوا مش العكس انا مريضة وحدة وهم ونسي وراحتي....قمت صليت عشان اهدا شوية فكرت اسافر لخالي بس للاسف الامتحانات هتبدا الاسبوع ده وبعديها خطوبة سارة ....قريت وردي القرآن وسلمت أموري لربنا بس الغريب اني معيطتش رغم وجعي بس دموعي اتجمدت ، بدأت الامتحانات وانا كنت بتجنب اني أشوفه بس الظروف جمعتنا شفت في عنيه نظرة كره واستحقار ...دايما كنت أغمض عنيا واستغفر عشان معيطش ...انا للأسف وبكل غباء لسه بحبه. ..بس انا كرامتي اهم عندي من حبي
--------
"الف مليون مبروك يااجمل عروسة ..."
-الله يبارك فيكي ياتسنيم. ..انا مبسوطة انك معايا اليوم كله '
" انتي هبلة دا انتي بيست التفاحة حقي "
ضحكت' طيب مش هتقولي للببست مالك متغير من شهر '
اتوترت " الامتحانات وتعبها بقي بس الحمد لله خلصنا علي خير ...وبعدين خلينا فيكي ياقمري انتي "
- انا هسيبك براحتك بس انا موجودة اول ماتحبي تحكي ....
" ربنا يحفظك ليا ياست حلويات "
ضحكت وضربتني' بطلي تفاهة واعقلي شوية.... اقولك علي سر'
" انا اللي قتلت موفاسا
ضحكت ' مش ده ياتافهة فاكرة لما قولتلك اني هقولك علي الحاجة اللي عملتها عشان مازن يتقدملي'
" آه فاكرة "
- تركته لربنا وفوضت امري ، دعيت دعوة واحدة بس لو هو خير ربنا يجمعني بيه في الحلال لو شر يعوضني بواحد احسن منه '، بس دا كل اللي عملته محاولتش الفت انتباه ولا اعمل اي شي يشوه منظري قدام نفسي. ..'
قطع كلامنا زغاريد معناها ان العريس وصل كتبوا الكتاب ودي كانت مفاجأة من والد سارة ومازن. ..قابلت عمر في الخطوبة كان حلو في بدلته السودا ...وقفت بعيد عن الكل. ..
- اميرتي الحلوة واقفة لوحدها يعني ؟
" خالو امجد " حضنته جامد وهو حضني وشالني اتفاجأت بوجوده ومن كتر المفاجأة عيطت. ...
- اهدي يابنوتي مالك؟ بس ايه القمر ده
" دا انت اللي قمر ياخالو ، بس فرحت بمفاجاتك دي"
- لسه في مفاجاة تاني
كنت لسه هتكلم بس قطع كلامنا ان النور قطع والنور اتسلط عليا وعلي ......علي عمر، كان واقف بعيد ومبتسم مركز في عنيا ماسك مايك وبيقرب ناحيتي ' هبدا كلامي باعتذار ليكي، انا عارفة اني مستحقش السماح منك وانا جرحتك بس انا اسف، انا من غيرتي وعصبيتي قولت كده انا بعترف اني بحبك اه متتفجئيش مستر اينشتاين بيحبك لا بيعشقك والله ...انا شخص حياته مملة دراسة ودراسة ودراسة حتي اهلي ميعرفوش عني غير حبي للدراسة والقراية الوسط المحيط حواليا كله كان كده وانتي لما سكنتي جاري جديد استغربت حياتك استغربت نمط حياتك وعالمك، حبيت ضحكتك وهزارك وجنانك ...حبيت فساتينك المبهجة ولمعة عنيكي ، حبيت الخاتم اللي في ايدك الشمال اللي كان قلبي هيقع لما فكرت انه دبلة ، عارفة ساعتها خوفت انك تكوني من نصيب حد ...حسيت انك بتاعتي انا ....لما كنتي بتقفي في البلكونة كنت بدخل بسرعة واراقبك ..لما كنت بشوفك بشعرك بالغلط كنت بضايق جدا، كنت بتخنق لما كنت بشوفك بتعيطي وانا بس واقف أتفرج. ...انا عرفت اني بحبك لما واحد صاحبي سالني نفسك في ايه؟ رديت بكل تلقائية انك تكوني من نصيبي. ..تلقائيتك وضحكتك لونوا حياتي. ..بس وقت شوفت مازن واقف معاكي وبياخد رقم منك وعرفت بعديها انه خطب اتجننت وقتها لاني كنت فاكر انه انتي اللي خطبها ووقتها كان راجع ومتعصب وقابلتك علي السلم معرفتش اتحكم في نفسي وقلتلك كل الكلام ده، بس بعديها عرفت الحقيقة وطلبت ايدك من خالك واخوكي سليم ...تسنيم انا بحبك تقدري تشاركيني حياتي؟
كان واقف قدام عنيا الكل كان منتظر الاجابة وابتسامته كانت مرسومة علي وشه
" مش موافقة لاني بحب واحد تاني "
اتصدم مهتمتش بيه او بتعبيراته ولا ردة فعل الكل ...مشيت وانا عارفة اني كسرت كرامته بس دا اقل رد علي اللي عمله، مشيت بكل ثقة سافرت مع خالي ، منكرش اني رديت كرامتي بس وجعت قلبي ...مر 5 شهور وانا معرفش عنه حاجة حكيت لخالي كل حاجة ومرات خالي زعلت مني خاصمتني كام يوم عشان كسرت قلبه ماهو زعلني وكسر قلبي يعني ومحدش زعل كده ناس غريبة صحيح
"خالو. ...ياخالو ..."
- تعالي يازفتة انا في الصالة
" انا جاية اهو....ايه دا عيد ميلاد مين "
سليم: عيد ميلادك انتي
" ايه دا كلكم هنا سليم ومريم وامنية وحمزة وابنهم عمر وسارة ومازن و.......و عمر...كان واقف ومبتسم ابتسامته القمر دي رغم تعبه اللي باين علي ملامحه. ...'
" هو بيعمل ايه هنا؟ "
- أمجد : عرفت اربي انا ....في ايه يازفتة دا ضيفي وجوز بنتي ان شاء
ضحكت ضحكة مكتومة ' بنتك مين ياخال؟ هو انت هطلق امنية وتجوزها لعمر'
حمزة : معلش بقي سبوني عليها عشان انا هموتها بأيدي .. حبيت فيها اي دي ياعمر ؟ يابني الحق اهرب قبل ماتدبس فيها
بصلي جامد في عنيا اتوترت ورديت" وانت مالك. .."
عمر : وانا حابب ادبس فيها ...
" انت تطول اساسا "
- انا طولي185 ياشبر ونص
" انا مش شبر ونص ...شايف ياخالو ... اي ده امال فين الكل؟ "
- سابونا لوحدنا عشان نشوف حل. ...تسنيم خلاصة الكلام انا بحبك جدا وعايزك ام لعيالي .... كفاية كده خدتي حقك ورديتي كرامتك انا عندي استعداد استحمل اي حاجة بس في الاخر تكوني ليا ...هو انتي بتحبي حد ولا قلتي كده عشان تغيظيني؟
كان واقف قصادي وهو متوتر ....فرحت فيه بس منكرش اني حقيقي بحبه. ..دعيت نفس دعوة سارة. ..خالي قالي ان عمر طلب ايدي منه كذا مرة خصوصا ان خالي فهمه اني عملت فيه كده ليه ... خالي اوووووي.... كفاية عند لحد دلوقتي ابتسمت ورفعت حاجب
" اه بحب واحد اسمه عمر اينشتاين جاري. ..دايما قاعد علي اللاب ومعاه كوباية القهوة بتاعته. ..هو ده اللي بحبه "
ابتسامته اختفت ' ربنا يجمعكم علي خير '
ضحكت " وأوقات بيكون غبي برضوا "
رجع تاني ووقف قدامي وضحك' انا ده .. ...انا عمر اينشتاين صح ...انا جارك الرخم صح'
ضحكت " اه صح "
- ياعمي أمجد.... يا جماعة. ..اطلبوا الماذون عشان هكتب عليها دلوقتي
" مستر أينشتاين اتجنن"
- اتجنن بيكي وبعنيكي
لا السيف يفعل بي ماانت بفاعله
ولا لقاء عدوي مثل لقياك
لو بات سهم من الاعداء في كبدي
مانال مني مانالته عيناك 💜
#صغيرتي
#خلود ناجي
#رايكم💙
#حبيت اشاركم فرحتي اني قدمت قصتين وفزت بيهم واحدة مركز تاني والتانية مركز خامس في الجامعة 💙
************
تابعوا الكاتبة إسراء بتكتب روايات جميلة جدًا
Esraa_Elzoghbi
