مؤيد: لا هدئت ان شاءالله صعدي نامي
زينه: صعدنه الولد نايمين يمنه بالكاع واحنه ع جربايه ايحوص ميكدر اينام
شبيك حبيبي
مؤيد: فرشيلنه يم الولد زينه بالكاع انام
اخاف واحد منهم يفز ع صوت طبه ضربه احنه يمه
زينه: جبت فراش وفرشت بصف الولد نام بنص ادم وعمر من جهه واني وعلي من جهه للثانيه
نام واحس عليه يفز يرفع نفسه يغطي الولد ويباوع عليه ايشوف نومه علي
ويرجع ينام لصبح يروح يشوف
كوثر ولجهال ويمر لهله
السيارات صارت متطلع حته بالافرع ايروح مشي ايشوفهم
وكل طلعه يطلعها اني روح متضل عندي من لخوف
لحد ميرجع اني اسب والعن بكوثر
لوباقيه جان ميطلع
استمر ايام هل وضع وجتي ليله يومين قصف
اتصالات انقطعت ومحد يكدر يطلع وهوه يلوب
احمد ونور اهلي اخوتي
هدت ويريد يطلع اتوسل بيه مقبل وصل للباب رجع لقصف
طب يركض
يومين ايلوب هوه
حبيبي يم خوالهم شكو عليهم
مؤيد: هذا احمد ميكعد متكدر تلزمه
زينه: لاحبيبي والله ماكو شي احنه قريبين ع شوارع همه جوه ماعليهم شي ان شاءالله
بس شافها هدئت طلع
بيومها اتأخر يله رجع واني تخبلت وين راح
مصدكت رجع كال سقطت لمحافضه
سقطت بعد ايام واسابيع قصف ورمي ع روسنه
ثاني يوم طلع لشغله
ورجع وياه محمد واخوته وابوخليل
كعدوبصاله يسولفون ع وضع والكراجات
ورد طلع وياهم واجه لليل
الله يساعدك حبيبي
مؤيد: تعبت اليوم هواي
زينه: الله يعينك هسه اسبح وتعشه ونام
وين ركض عليه عوفوه تعبان
مؤيد: لالاخليهم تعالو بابا
زينه: اي وين شلته لعمر انت تعبان
كاد ادم وشال عمر وطب
مؤيد: لامتعبان خليهم
زينه: لك ماما ادم انزل
مؤيد: عووفي
زينه; شعوفه يكمز ع ضهرك انت تعبان
مؤيد: عوفي مرتاح متعبان لاتصيحين عليهم
السابع والسبعون
Comenzar desde el principio
