#بلاعنوان
البارت الثامن والثلاثون
ل وردالعامري
تجي اوقات تحس ان
الدنيه كلها ضدك
كل متحاول تتقدم ترجع
كل متحاول تتنفس تختنك اكثر
وكأن مسير الدنيه متوقف عندك
مثل ميكولون كأن الهم ولحزن مفصل علي تفصال
زينه: جان كاعد كبالي كاتف ايد باايد يباوع عليه ويحجي بكل راحه
حرك ايده حط كيس الفلوس كدامي
ومن كمل كام وكف ارفعت عيني عليه ويه كومته
كان مرتاح وكأن الحمل الي ع ضهره ذبه بهل كلام
ياتكونين زوجه بضلام
ياتكونين بدرب مجهول
غطيت وجهي اريد استوعب كل الي يصير حواليه
اني غبيه لو الي يصير ويايه
تحمل فهمه صعب
فكرت باامي اريد احد احجيله ويشرحلي كل شي وحده وحده
مو غباء ولامفهمت بس اريد احد يشرحلي
اريد استوعب اكثر
رفعت لسماعه واذكرت
لاادكين انتي اني اتصل بيها
سديته ورجعت بعدم اهتمام لكلامه رفعت السماعه
واجه ع بالي حته امج تنسيها
سديته شكولها شلون احجي
شنو هل حكم اكو انسان ينمنع من شوفه امه
امي مالها ذنب وهوه شاف بعينه
امي هيه تريد توصلني لبر الامان
ليش هيج يتصرف هوه
جريت نفس دخل لصدري بتعب
حته تنفسي تعب من الي اعيشه
لامااعوف امي مو من حقه يمنعني من امي
وحته فلوس ماريد ولااروح لهذا لعنوان
كمت بتجاه لغرفه واني احجي بيني وبين نفسي
فتحت لكنتور اطلع هدوم
ماروح للعنوان ارجع لبيت عمتي
لبيت عمتي
سديت لكنتور بخوف شلون اروح
شلون اشوف ابويه واشوفهم
شيصير اذا رحت
ياربي ليش هيج معقده حياتي
ليش ماكو الها حل وين اروح
اروح ويه امي
اي انتضرها هوه كال يتصل بيها تجيني
