#بلاعنوان
البارت الثامن والخمسون
ل وردالعامري
يجي وقت نحس ان خلص
صرنه نعرف كلشي بدنيه
ومرات نضن ان دراسه وتخرج
خلص فهمنه الدنيه
بس شكد مانكبر وشكد ماندرس ونوصل
وشكد نشوف وراح نشوف
انضل مفاهمين الدنيه
الدنيه مدرسه
ماالها صفوف نهائيه
كل يوم تصدمك بشي جديد…..
زينه:حسيت اني مخنوكه حطيت ايدي ع ركبتي وافركها حاسه
النفس وكف
ليش الدنيه كل يوم تصدمني بشي جديد
اذا ماكو امان بالي مثلك من جنسك
انتي وياها بنفس المكان بنفس الحكم بنفس هل مساحه لمربعه
تكون عدها تفكير قذر بيك
اني فرحانه كلنه بنات وسجاناتنه نسوان
طلع ماكو امان بااي مكان
طلعت محجيت ويه احد جريت بطانيتي ونمت
او مثلت النوم حته مااشوف احد
شكد تكول نسيت تعلمت اتأقلمت تكتشف بعدين انك لانسيت ولاتأقلمت
انت استعملت لروحك مخدر ع غفله يخلص ويرجع وجعك ايعيط
رحت ل ايام عمري معشتها قبل مؤيد
لضحكه ترن بااذني
لراحه لنوم بعمق بااطمئنان
شلون كدر معقوله كل هذا لعشته وياه
جان مجرد تمثيل هوه تفكيره بيها هذه
تفكيره اني رخيصه اني حنيت اريد دربهم
معقوله كل هل فتره معرفني
غمضت عيوني واني اذكر نضرتي اله جنت استجدي منه لنضر براحه بحب بسعاده عرفتها وياه
جيته بيه الم يذبح
شفته موجوع دست ع جرحي
بس هوه لازاد الوجع وجع انتي كتلتي ابني
موام مؤيد ولاعمتي هوه قتل ابني
من لبدايه هل حمل جان ثقل عليه
وبعدها صار جزء انكشف كدام اهله
ميكدر ياخذه مني ومستحيل اتنازل عن ابني
يعني راح يدخل بمشاكل اكثر
فالاحسن يتخلص من هل حمل
اذا قارنوني بينج وبين اهلي اختارهم
