#بلاعنوان
البارت الاربعووون
ل وردالعامري
تسير ام تتسير
تقاد ام تقود
في كل مجالات حياتي
كنت انا المسير وانا المنقاد
متى سأكون القائد!!!!!!!!
زينه: طلع وهوه ايأكد ع كلامه وع لمده الي اطاها
سمعتي شروطه شرط مابي انصاف هذا
يعني يجردني من كلشي وهوه يعيش
يعيش بالي يريده يعيش زوج كدام اهله واب وابن يعتمد عليه
واني شنو هااا اني شنو
ام زينه: تكدرين تسكتين من طلع لهسه تنكين انتي تره
حقه ابن ناس وعالم معروفين شيكولهم هاي مرتي بت منو بله
بت يونس الي ماعنده غالي ولاعزيز
زينه: لايكول ولايحجي لهنا وع كولته انتهينه
ام زينه: تعاي وين رايحه
زينه: ابدل ونطلع خلص مابقه هنا
ام زينه: ووين اروح
زينه: شنو وين اروح نروح لاي مكان
ام زينه: زينه كعدي هنا افضلج تبقين ويه مؤيد هوه يكدر يحميج منهم وتعيشين وياه
زينه: اعيش وياه شلون اعيش سمعتي الي حجاه شنو
ام زينه: اي محجه شي غلط شنو الاهل البيهم خير لعندج وترديهم
زينه: اني ماريدهم كلهم بس انتي م
ام زينه: اني اول الناس احمي نفسج ماما خلصي
زينه: اكون وياج واحمي نفسي
ام زينه: لوبيه خير اني جان حميت نفسي لوجان حميتج صدك وانتهبت ان كل الي صار لعبه
زينه: هل مره نخلص منهم
ام زينه :منكدر نخلص
زينه: انتي ليش هيج تسوين فهميني ليش هيج اسوين بيه موانتي نفسج الي كلتي راح نخلص اروح لاابعد مكان ونكون سوه ونعيش اح..
ام زينه: كلت بس منخلص مادام همه ورانه منخلص اني ماكدر احميج
زينه: بس مجان هذا حجيج
ام زينه: حجيتها وكلت احاول ياتصيب ياتخيب
زينه: خلص نحاول
ام زينه: بشنو احاول اخذج لدرب مجهول وماعرف نهايته
زينه: اي اخذينه حته اكول امي صدك حاولت حاولت تحميني مومثل كل مره بس وعد وقصص واحلام وكلشي مايتحقق
ام زينه: لان ماكدر اسوي شي ولدليل طلعتي من كدامي وسحبوج من بين ايديه من غير ماحس
زينه: انتي شتردين مني ليش دائما تعوفيني بمكاني مثل التايه
