#بلاعنوان
البارت السابع والسبعون
ل وردالعامري
زينه: وره طلعتهم بشويه صار رمي
حضنت جهالي وكعدت جوه الدرج
يارب تحفظه يارب
صوت ركضه بطرمه وانفتحت لباب مديت راسي
مؤيييد
شجابك
مؤيد: رجعي بمكانج ع ولد
زينه: سد لباب واجه يمنه جوه الدرج خاتلين الولد يصرخون من الصوت واني خايفه
محصورين كلنه بحضنه الي يعيط يحطه ع صدره يسكته
حته اني جنت احط راسي ع صدره
الامان كان عنده
ومن تصير ضربه قويه يذب روحه علينه
كأنه يغطينه بصدره بحضنه يحمينه
وكف القصف بعد ساعتين هدء الوضع طلعنه من جوه الدرج بيده ادم وعمر علي بس راح الصوت غفه بحضني
حبيبي شجابك بهل رمي
مؤيد: ماكو شي الله الحامي
زينه: وصلتهم
مؤيد: اي بباب بيت عمي وصار الرمي
زينه: اووف وليش جيت شلون تغامر هيج
جان انتضرت تهدء
مؤيد: واعوفج انتي ولجهال مخبله السياره طارت من السرعه اريد بس اوصلكم بين لفروع فتت
زينه: يروحي الله يحفظك النه
سويت اكل وكلت الولد ونامو
وهوه تمدد نام نص الليل صار قصف
نزل الولد شايل ادم وعمر وبيدي علي ورجعنه جوه الدرج وهوه محاوطنه
لجهال واحد بحضنه خاتل نايم ولثاني شايله حاضنه مؤيد وهوه راسه ع كتف ابوه رغم الصوت والبيت ينهز ناموو
بحضنه
شوكت توكف
مؤيد: ان شاءالله هسه تهدء لاتخافين
زينه: علاوي بيدي حاضنته حطيت راسي ع كتفه مد ايده مسد ع راسي
مؤيد: لاتخافين اني يمج
زينه: مد رجله حط راس عمر ع وحده ولثانيه لمؤيد
وفتح ايده طوقني ويشوف علي من يصير ضرب ايحط ايده ع اذن الولد ويصيح غطي اذن علي
مرت علينه ليله رغم الخوف جان هوه الامان النه
للفجر وكف القصف
مؤيد: صعدي حبي اصعد الولد
اني
زينه: خلينه هنا اخاف يرجع لقصف
