#بلاعنوان
البارت الثاني والثلاثون
ل وردالعامري
قد تكون بعض التلميحات لي ايصال القصه +18اعتذر مقدماااااا
كسفينه تجري
تسير في البحار
بلا بوصله بلااتجاه
لاتملك سوى شراع
تحركه الرياح
هاا انا اليوم
لااملك سوى حلم
في بحر حياتي
وسفينتي وشراعي
زينه: جنت خايفه حته اجر نفس اخاف يطلع صوت نفسي
ضاغطه ع ايدي باايدي الثانيه
حته خايفه ادير عيني او احركها
جانت عيني مثبته ع ايدي واني اعتصر ايد باايد
مصار اي حديث ولاحجه شي
كل الي صار ان كح بس
كانت ال احم احم
فزه بنسبه الي فزيت غمضت عيوني وسحبت نفس
احس بخوف يمتلك كل سي بداخلي
مشت لسياره مسافه مكانت قريبه من بيتنه
وفجأه توقفت فتح لباب ونزل رفعت راسي
شفت لشارع شقق سكنيه وشارع عام
صوت لجنطه مال السياره انطبكت
فتح لباب مالتي
-نزلي
زينه: بفتحته للباب رفعت عيني بوجهه ابتسم كال نزلي
نزلت بتردد ماعرف ليش احس خدر برجلي وكأني اجر بيها وامشي
رجعت عيوني التصقت بالكاع لسبب ماعرفه شنو
بس الي بداخلي يدفعني اني ماارفع عيني يمكن خايفه ويمكن متردده ويمكن خجل ماعرف مشاعر هواي ثارت بداخلي
مشه كدامي بيده لجنطه مالتي
-يله ليش واكفه
زينه: تحركت وراه دخل باب لعمار صعد واندار عليه جتي عيني بعينه نزل ثلاث درجات
-هههه وبعدين اضل اكول امشي صعدي يله صعدي كدامي
وبعدين منا لعالم تسمعنه
وبعدين تعاي صعدي
زينه: تقدم عليه واكفه بمكاني رجلي اثبتت بالارض امنيتي اكدر احجي اكوله مكادره رجلي ماتتحرك خدر بيها واحسها ترجف
لكن حته لساني كان يخاف من النطق
جر ايدي وصعد واني وراه تعثرت اكثر من مره ع درج
صعدنه طابق لثاني وكف يم باب شقه نزل لجنطه وطلع مفاتيح من جيبه فتح لباب ودخل
-دخلي
