#بلاعنوان
البارت التاسع والعشرون
ل ورد العامري
كم من باب فتحت
لتوصد بجدار
يقتل املي ويمحي فرحي
البيت كلها اجتمعت بي هديل وزوجها
زوج عمتي وابويه
سمر وام سهام
ام سهام الي مايفوت يوم
اذا ماتجي
تكول امر اشوفكم
وهيه وسمر جانو يشتغلون ع شغله عمتي
جانت مرات تجي وتروح
ومرات تبقه وبيوم الي تبقه يعني اكو هوسه ليوم بليل حتصير
جنت انتضر لسبوع شوكت يخلص
فات اول يوم كلها كاعده بالبيت وامي لاتكدر تطلع ولاتكدر تتصل ب ام هناء
وابويه بذات كاعد بصاله 24ساعه
صبحنه ثاني يوم
سمر مموجوده من لبارحه راحت ويه ام سهام
نزلت بين لتنضيف اني وامي وتحضير لغده بعدنه مصابين طبت سمر وام سهام
اني وامي بالمطبخ انحضر حته نصب
وهمه طبو للصاله يم ابويه وزوج عمتي وهديل
ام زينه: زينه لمي الاستكاين من لصاله حته نودي لغده
زينه: صبينه الهم جاي رادو
فتت للصاله ابويه صاير بنص بين سمر وام سهام ويحجون جانو من طبيت سكتو
وبعدين حجو بموضوع عمتي ومكانها خالي وهل حجي
التمينه ع غده كلنه كعدنه
وسمر اخذت صوره بالكاميرا النه
ام زينه: هاي شنو
سمر: هههه صورتكم حلوه خوش لمه
هديل: اي خل نبدل انعدل وجوهنه
سمر: هههه يله خلصو واخذلكم
ابوزينه: اني اريد وحده ويه زيونه وفاتن
موتكوليلي خلص لفلم
سمر: لالا بعده جديد هاي اول صوره
زينه: خلصنه غده واسمع ياخذون صور
سمر: يله مخلصتو
ام زينه: اخذو عيني انتو
سمر: لايمعوده للذكرى حلوه تضل تعاي يله انتي وزينه
خالوووو وينك تعال مو ردت صوره
ابو زينه: اي جيت يله
ام سهام: يااا هيج راح تاخذيلهم ع كولت هديل خل يبدلون
