#بلاعنوان
البارت السابع والستون
ل ورد العامري
زينه: خلص ع شنو يهتم طبعا ولد وعنده صار
وسماه احمد حته بتسميه جان يخاف ايسمي ابني ع اسم ابوه
حقه طبعا اهله شلون يقبلون وحده مثلي
بس عادي يكتلون روح بريئه مالها ذنب
ام خليل: زينه عذريني خيه والله مادري ماتدرين
زينه: لاحبيبتي عادي بس تفاجأت
ام خليل: بس شعجب مكلج مؤيد
زينه: مادري
ام خليل: اكيد رادج بس ترجعين يولي يحبج والله
زينه: اي اي مبين جوي الجهال
كامت تتلكاهم ودخلت للحمام بحجه اسبح شبعت بجي حته مكال خلفت
طبعا يخاف احسده ل ابنه
مثلت. ان ماكو شي العصر خليل كال عمو يريدج بالباب
طلعت وكفت بوجهه حاقده عليه احس روحي اكرهه
مؤيد: ها حبيبتي شنو الاخبار زوزو يمعوده وين صافنه
زينه: ل اخبار يمك ابو احمد
مؤيد: هممم احم اي شكو ماكو
زينه: روح مؤيد
مؤيد: زوزو يروحي
زينه: رووح كتلك روح ولدوصار عندك بعد ع شنو تهتم للراح
مؤيد: بله خبال صوتج
زينه: روح مؤيد روحح ابو احمد
مؤيد: ادري شنو جريمه تكزين ع اسم كز ابو احمد
زينه: روح مؤيد وبعد مالك شغل بيه اطيني لعنوان واوراقي حته اولي
مؤيد: اووووف زينه
زينه: عوف زينه بحالها روح لمرتك ول ابنك
مؤيد: وانتي مرتي وان شاءالله تصيرين ام ابني
زينه: لااصير ولااريد اصير روح عندك ولد خلص شتريد بعد
مؤيد: ادري10شهور بعيده عني توصلني اخبارج زينه وبخير وجيتج مرجعتي شسوي
10شهور اروح اللعب طنب زوجتي و
زينه: اسكت احسن مكضيها سفررخطيه
مؤيد: ادري مكضيها سفر هم اجي يومين وين اولي
زينه: ررروح مؤيد
مؤيد: مخبله والله احبج لاتضلين تلحين بهل سالفه
زينه: واني ماريدك لاتحبني ولاابد كمل جميلك ودليني درب امي
مؤيد: وليش هل دموع
زينه: وخر ايدك مؤيد
مؤيد: اااااااه والله انتي هنااا بوسط هذا اتقبلي وجودها
