#بلاعنوان
البارت الثلاثون
ل وردالعامري
تهب الرياح وتعصف
قدتقتلع الاشجار من جذورها
وقد تحمل لبذور لمكان اخر تنبت به
زينه: يمكن مامر يوم عليه كنت مرتاحه بي لهل درجه
ضحكه امي وصوت دعائها
الله يهدي
الله يثبته
الله يرزقه ويكون بعونه
كنت اردده وياها
وكل يوم يجي بحلم اكبر
خصوصا اذا كان اكو للحلم
دليل
والدليل
امي الي منعها تطلع وياهم
هوه وتعامله ويانه
يطلع ويدور ع شغل
ولحمدلله مبقه شي ع راس لشهر
ويطلع يشتغل
وهل ايام الي تمشي بتخطيط للمستقبل
ابوزينه: اني ناوي ان شاءالله انأجر مشتمل ع كدنه
ام زينه: اي عيني شعدنه لعد لوغرفه لحمدلله
ابوزينه: بس اشتغل ان شاءالله اطلع ادور بيت
ام زينه: ان شاءالله وناخذلنه كم شغله
ابوزينه: شويه شويه هسه اهم شي اخذيلج طباخ ثلاجه
هذا لفراش لكنتور انشيله
والله يرزقنه ناخذلنه نص تخم نكعد عليه
ام زينه: شويه شويه ان شاءالله
ابوزينه: ان شاءالله بس الله يسهلي هل شغله
زينه: استمتع من اسمعهم يحجون استبشر خير بفرح
نزلت لصبح امي تشتغل اليوم كاعده متأخره
هههههه كثر ماحلمت بحجيهم وشلون تحقيقه
ماريد اكعد
كعدت متأخره امي مخلصه كلشي وهديل وزوجها وزوج عمتي وابويه بصاله كاعدين
وره ساعه طبت سمر التهينه بصب لغده اني وامي
بعدنه ننكل المواعين وفاتت للمطبخ تريد تطلع
ام زينه: ها رايحه ماتتغدين
سمر: لالابالعافيه
زينه: طلعت واحنه التمينه تغدينه ولمينه اني وامي
بالمطبخ ونزل ابويه مبدل
ام زينه: شو مبدل وين
ابوزينه: اروح لاابو لمطعم هم يكول كتلك لراس لشهر وبعد مااجيت عباله مااشتغل يروح ايشغل غيري
