#بلاعنوان
البارت العاشررر
ل وردالعامري
زينه: مااريد اسمع شي
لاتلزميني ولاتقربيلي اني اكرهج
اكرهكم كلكم
بين ليله ويوم استيقظت من حلم
لااعرف باانه كابوس
كابوس يرافق حياتي
جنت نابذه حته روحي
يومين اني بالغرفه
مالي نفس احجي ويه احد
وحته الاكل مثل مصعده امي مثل ماينزل
اسمع اصواتهم جوه وسمعت تعاركو واني بمكاني
ام زينه: زينه يعيون امج انتي
لج يمه ياريت الله ماخذ روحي
ولاصار الي صار
يمه حبيبه ولج مالي غيرج
انتي اهلي وعشيرتي وكل دنيتي
يمه فدوه لطولج ولج اني مااستاهل
ايطكني طكاك مالج دخل بيه
يمه كومي اكلي لخاطر روحج
مدرستج صار يومين غايبه
ليش يمه منو ليستاهل
اني مااستاهل اني مااستاهل حته تكونين انتي بنتي
انتي روحي وردتي ودنيتي انتي
هديه ربي الي
بس مااستاهلج اعرف
لاشوفي لكيت حل اسمعيني
شنو رئيج تحسبيني خدامه يمه واخدمج
واراعيج
هااا شنو رئيج حته لاتكوليلي يمه
لاتحاجيني
بس اخدمج
زينه: جانت تبجي وتحجي تمسح دموعها
من كالت خدامه غمضت عيوني
احس كلبي انعصر
كافي
ام زينه: لاتسدين اذنج
خادمه الج اني حسبيني
جني موامج ولاعرفتيني بيوم
زينه: سكتي
ام زينه: ابوس ايدج يمه كافي لزمن كسر ضهري لاتكسرين ضهري انتي هم
حسبيني متت اي ياما بنات ايموتن امهاتهن
هاا تذكرت هاي صديقتج الي حجيتيلي عنها كلتي امها ميته
حسبيني انه هم ميته خليني هيج
بس عيني عليج ولخدمتج
زينه: مستحيل قلب اي بشر يكدر يكره اويقسه ع امه
