انتي هتدخليها كمريضه مش ك ممرضه انتي طلع عندك لوكيميا
تقريبا مشوفتش بعدها واغمي عليا
مصطفي
اول مره قلبي يوجعني ع حد كدا انا بشوف ناس كتير وبتاثر بس يمكن اتعودت لما شوفتها اول مره قلبي اتخطف مع ابتسامتها وضحكتها اللي ملهاش زيي لبسها وتدينها. لما عرفت انها مريضه خوفت حسيت بحزن كبير كانها مسئوله مني حقيقي
انت غبي انت ازاي تقولها كدا
-احترم حدودك انت عارف انت بتكلم مين
معرفش. ولا عايز اعرف بس انا عايز افهم لي قولت ليها كدا
- ملكش دعوه انا الدكتور مش انت اللي هتفهمني الصح والغلط فين
مش هفهمك اه بس اللي اتعلمناه هوا نفس الحاجه فين الكلمه الحلوه انت قولتهالها بطريقه لو كانت طفله كانت ماتت م الصدمه
سيبته ومشيت روحت اشوفها لقيتها فاقت وباصه لفراغ
انسه حنان
- نعم
بصتلها باستغراب ازاي متماسكه كدا وردت
انتي كويسه
- الحمد لله ع كل شي
انتي سمعتي الدكتور قال اي
- اه سمعت
انتي في المراحل الاولي واطمني العلاج هيجيب مفعول
- يارب
عن اذنك اخدت شنطتها وروحت. وطلبت منها تيجي بكرا عشان تعمل تحاليل وتبدء العلاج
**
مشيت مش عارفه انا رايحه فين بصيت للسما
يارب انا كنت بطلب ادخلها دايما بس مكنتش متوقعه ادخلها للسبب دا انا مش معترضه ع مرضي ولا ع حكمتك بس انا خايفه ع اهلي بابا وماما واخواتي هيموتوا من الوجع لو حصلي حاجه يارب هون عليهم هما يارب انا راضيه بحكمتك بقيت بتكلم وانا حاسه اني بنهار مبقتش فاهمه بيحصلي اي
روحت بيتنا
الجزمه اللي مشيت ونسيت اني هنا
-...
ماما: حنان عملتي اي ?!
بابا: طمنيني قبلتي
محمود : حنان ردي حصل اي
بابا: لو مش قبلتي دا نصيبك
محمود : علفكره هما الخسرانين هما يطولوا ياخدوا سرنجه حلوه زيك كدا
- انا هروح المستشفي بكرا
نورا: يعني قبلتي يا شيخه وقعتي قلبنا
- كمريضه
ماما : ازاي مش فاهمين
- طلع عندي لوكيميا هروح بكرا ابدء علاج انا في المرحله الاولي ادعولي ومحدش يعيط انا راضيه بكدا ادعولي بس بالله
سيبتهم ودخلت كلهم كانوا مصدومين حسيت ان كل واحد في دوامه البيت كان هادي هوا دايما هادي بس المره دي هدوء يخوف
فضلت قاعده في الاوضه لقيت ماما دخلت وعينيها ورامه من العياط
حنان يابنتي انتي كويسه
- اه هيكون فيا اي يعني
متاكده
-ضحكت ايوه يا ماما كويسه فيه اي
لقيت بابا واقف ونورا ومحمود
اي يا جماعه بتتصنتوا ولا اي
لقيت محمود دخل وحضني
هتخفي والله وهتبقي كويسه متخافيش. وبابا ونورا حضنوني
كنت محتاجه حضنهم اوي فجاه لقيت الناس كلها. جمبي كله بيقويني
**
وصلت للمستشفي. لقيت مصطفي مستني معرفش لي مهتم كدا بس انا مبفكرش في حاجه هوا انا في اي ولا اي
لبست لبس المستشفي طلبت ادخل قسم الاطفال اتحايلت ع مصطفي هوا شخص طيب جدا
دخلت كنت خايفه اوي دخلت لقيتهم كلهم مبتسمين بيضحكوا وهما بياخدوا الكيماوي !!!!!
ازاي
ازاي عندهم القدره بعد دا كله يضحكوا مش عارفين يستمتعوا بطفولتهم ولا اي حاجه بيضحكوا ع اي ع شعرهم اللي راح ولا طفولتهم اللي ضاعت ولا جسمهم اللي مش قادر يقف حتي
لقيت عنيا بدمع لوحدها
لقيت طفله مسكت ايدي
متخافيش هيوجع شويه وهتخفي قولي يارب وهتخفي
ابتسمتلها ومقدرتش ارد
سببتها ودخلت اوضه العلاج
"كنت دايما بدرس ان فيه علاج بالموسيقي بس لما دخلت اكتشفت نوع علاج حلو اوي العلاج بالقران "
لقيت كلهم قاعدين ومشغلين قران وفيه اللي بيقرا وفيه بيسمع منه كان وشهم بينور رغم السواد اللي تحت عنيهم رغم جلدهم اللي دبل بس كانوا منورين
حقيقي اخدت منهم قوه رهيبه واني لازم اتحمل لاني الكبيره ولازم يتعلموا مني
دخلت واخدت الجلسه حسيت بنار بتجري في دمي حسيت اني بموت. رجعت كتير حسيت بدوخه اكتر من مره كل مره كنت ببص للطفله المبتسمه اللي قدامي وارجع افوق تاني
مصطفي : حنون انتي كويسه
- امم حنون
عندك مانع
- تقريبا لا
انتي طيبه اوي
- شكرا
وطيبتك تتحب
-شكرا
بردو
- امال اقول اي
قولي انك بتحبيني مثلا
- ضحكت انت مجنون يابني انا في ايه ولا اي
انتي في اي يا بنتي عسوله وقمر اهوه مالك يعني
- بجد انت شايف كدا
طبعا ومش شايف غير كدا
- انا مريضه يا مصطفي
اسمها انا هخف واشتغل ممرضه معاك يا مصطفي
- اممم انت بتحاول تشقطني
يلهوي لسه واخده بالك امال فين قوه الملاحظه بتاعت الممرضه ي خساره التعليم
- والف خساره
محمود جيه يلا سلام ي حنون
- سلام ي صاصا
حياتي اتغيرت كتير ناس معرفهاش دخلت حياتي. ناس حلوه بغباء اهلي حبوني اوي شوفت ناس مش شوفتهم من قرن المرض حلو المرض بيحنن القلب !!
اتقدم ل بابا. رغم اني مريضه قال اني هخف قال لو مخفتيش انا عايزك انا عايز حنان كلها كدا انا حبيته وحبيت طيبته انسان طيب روحه طيبه ويتحب فعلا. صحيح لو مش دا اللي يتحب يبقي مين اللي يتحب مثلا !!!!!
يا حنون
- عايزه اي يا زفت
اي يا طور انتي ردي عدل
- انا تعبانه
مش هتعمليهم عليا اضحكي ع الواد الغلبان اللي برا دا بس
- هوا مين اللي برا
مصطفي
- فطيت من ع السرير بجد
مش كنتي تعبانه
- ي شيخه وسعي بقي
طلعت ليه لقيت بابا اول ما شافني ابتسم ودخل
ازيك يسطا
- نحمده
يدوم الحمد
- جاي ليه
عشان بحب
- وتحب لي
مش من حقي احب
- لا
ليه
-عشان قلبك مش ملكك
امال ملك مين
-ملك مريضه
ملك ممرضه واجمل ممرضه 💙
"ياليت المرض يدوم ل يدوم حبه لي "
#شخابيط
#حنين سالم
حنين سالم
Start from the beginning
