Page 70-78
Page-70
အခန်း (၄)
နောက်တစ်နေ့မနက် မိုးလင်းချိန်မှာ ဖုန်းကျိုတစ်ယောက် အိပ်ရာပေါ်မှာထိုင်ရင်း ဘဝမှာကြုံတွေ့ရတဲ့ ဖြစ်ပျက်ကိစ္စအဖုံဖုံကို စဉ်းစားတွေးတောနေလေရဲ့။
ညတုန်းက သူမကို မင်းသား Qing ဘေးမှာနေနိုင်ဖို့အတွက် သတိမေ့မြောသွားအောင်ရိုက်ပေးတဲ့ Su Moye ရှိလို့ တော်သေးတာပေါ့။ မင်းသား Qing တစ်ညလုံးမအိပ်ဘဲ သူမဘေးမှာ တလျှောလျှော လျှောက်ပတ်နေတယ်လို့ပြောတယ်။ မနက်မိုးလင်းလို့ ရစ်ငှက်တွေတွန်မြည်ခါကျမှဘဲ မောကြီးပန်းကြီးနဲ့ လှောင်အိမ်ထဲမှာအိပ်ပျော်သွားတာတဲ့။ တစ်ချိန်တည်းမှာ ဖုန်းကျို ပျော်လည်းပျော်မိသလို စိတ်လည်းပူမိတယ်။ ပျော်ရတဲ့အကြောင်းက ဒီနေ့တော့ သူမ မင်းသားQingနဲ့ ရင်ဆိုင်စရာမလိုတော့ဘူးလေ။ ဒါ အရမ်း အရမ်းကို ဝမ်းသာစရာကိစ္စပဲ။ ဒါပေမယ့် ညအချိန်ပြန်ရောက်တာနဲ့ Su Moye ကို သူမထပ်ပြီးရိုက်ခိုင်းရအုန်းမှာလား? Su Moye ဘယ်လောက်ပဲအရိုက်တော်တော် သူမတစ်ညလုံးမေ့မြောနေပြီး နောက်တစ်နေ့ကျပြန်တော့လည်း ခေါင်းကမူးတူးတူးဖြစ်နေတဲ့အပြင် အရိုက်ခံရတဲ့ လည်ကုတ်နေရာကလည်း နာနေသေးတယ်။ ဒါ ရေရှည်မှာကောင်းတဲ့ ဖြေရှင်းချက်မဟုတ်ဘူး။
ဖုန်းကျိုရဲ့ကိုယ်ရေးကိုယ်တာအစေခံ Chacha တစ်ယောက်လည်း အတွေးထဲမှာနစ်မြောလို့နေပါတယ်။ သူမလည်းပဲ တစ်ချိန်တည်းမှာ ပျော်လည်းပျော်သလို စိတ်လည်းပူမိတယ်။ သူမပျော်ရခြင်းက အခုတလော မင်းသမီးလေး ဘုရင်ကြီးဆီကနေ တစ်နေ့ထက်တစ်နေ့ အရေးပေးခံလာရလို့ပါ။ မနေ့ညတုန်းက မင်းသမီးလေးအပေါ် ပိုပြီးဂရုစိုက်ပေးဖို့ အရှင်Xizeကို သူအမိန့်ပေးခဲ့တယ်လေ။ နောက်ဆုံးတော့ မင်းသမီးလေးရဲ့ခက်ခဲကြမ်းတမ်းတဲ့နေ့တွေ ကုန်ဆုံးတော့မှာပဲ။ သို့ပေမယ့် အရှင် Xize တော်ဝင်အမိန့်ကိုလိုက်နာပြီး ညက မင်းသမီးလေးကိုအဖော်ပြုမပေးခဲ့ဘူး။ ပြောရရင် သူမဒါကိုစိတ်ပူမိတယ်။ ညတုန်းက သူမ တံခါးမကြီးကို အနည်းငယ်ပဲဟထားခဲ့မိလို့များလား? ဒါဆိုရင် ဒီည သူမ တံခါးကိုမပိတ်ဘဲ ခန်းစီးလေးပဲချထားမယ်ဆိုရင်ရော? မဖြစ်ပါဘူး... မြစ်လေက ဒီလောက်အေးတာ။ မင်းသမီးလေး အအေးမိသွားရင် ဘယ်လိုလုပ်မလဲ?
YOU ARE READING
Eternal love of dream-Three lives Three World The pillow book 2-Unicode version
Romanceဒုတိယတွဲ (Unicode version ) သုံဟွာသီကျွင်း၊ ဖုန်းကျို တို့်ရဲ့ love story line 💗💗💗 three lives three world the pillow book 2 Myanmar translation by three live three world: the pillow book-Myanmar translation 💖 ဖတ်ပီးရင် vote 💗 👈 ပေးခဲ့ဦးနော် ...
