-ميصير ميصير
زينه: سحبني من ايدي دخلنه للمحكمه مؤيد ورانه
مؤيد: حبيبي رحمه لهلك كلمتين احاجيها وذني مال ريوكك فدوه لهل وجه
-بسرعه بس
مؤيد: ليش عيونج مدمعه
زينه: خايفه
مؤيد: من من شنو خايفه
زينه: مادري كلبي راح يوكف القاضي اخاف يكتشف
مؤيد: اشششش زوزو شايفه ذيج لباب
زينه: اي باب قصدك باب لمحكمه
مؤيد: اي هاي لباب الي هسه دخلتي منها باوعي عليها
زينه: درت راسي عليها ناس اطب وناس تطلع
مؤيد: هاي لباب راح نطلع منها واحنه ماخذين البراءه راح نطلع منها وايدج بيدي
زينه: ابتسمت لمجرد تخيل المنضر اطلع اكون حره بس من كال ايدج بيدي جريت نفس بحسره وانداريت عليه ضحك بوجهي
مؤيد: شبيج
زينه: بردت شويه
مؤيد: هاج قمصلتي
زينه: لالا ماريد
-اخي ميصير كلت كلمتين كافي
مؤيد: ماشي صيري قويه ولاتنسين راح نطلع من هل باب
زينه: هزيت راسي وكف بعد مسافه بينه
اجه لمحامي كال راح تبدي الجلسه مثل محجينه اذا سئل لقاضي ماشي
زينه: ماشي ماشي
عشر دقايق ودخلني الشرطي للقاعه حطني بمثل القفص حديد
عيني ع مؤيد واكف يحجي ويه المحامي
طب كعد بس لهسه ماكو لاعمتي ولااحد منهم
دقايق وفاتت من شفتها حسيت نار بعيوني صارت
متمنيه الزمها
اتجهت ع مؤيد ولمحامي ماعرف شحجو وراحت كعدت وياها هيه هم محامي
بدت لجلسه بدخول القاضي
حسيت جسمي كله يرجف وكل متصير عيوني ع مؤيد
يغمض ويهز راسه ويبتسم
بده الحوار ع القضيه وكام المحامي الي من طرف عمتي
حجه هواي حجي مختصره ان كان اشتباه
بسبب تضليل قام بيه احد افراد الاسره
وبعد اعاده مجريات الحادث والعثور ع ادله ملموسه
كشفت لنا الحقيقه وقدمنا المذنب للعداله واوراق تثبت تورطه في اخفاء الدلائل
زينه: القاضي طلب الاستماع كامت عمتي
الرابع والستون
Начните с самого начала
