بلاعنوان

السابع والثلاثون

زين اني اكثر من مره لمحت وكتلج احنه فتره مع بعض زين مااريدج ترفعين حته سماعه التلفون خوفا ايكون احد من اهلي ويعرف بيج هذا كله هم مفهمتي مفكرتي بي

زينه: عصرت جبيني باايدي وغمضت عيوني ندم ع غبائي

لا ممفكررت بيه ماافتهمت

مؤيد: بله بجي احجي بله بجي

زينه: بس شلون انتبه عله عله واحد كالي فتره وتتعلمين

يحاجيني ويكولي مشتاقلج

شلون افتهم واحد يكولي اتمنه تلتزمين ويوكف واني اصلي وراه

زين شلون افهم ع واحد ثاني يوم من زو هههههه

مؤيد: كافي خلص اهدي

زينه: من شنو شكول شيسمه هذا لحضه شيسمه هاا لازم اله تسميه بيع لو رخص لوشنو شسمي

مؤيد: اووووف خلص سدي لموضوع

زينه: لابالفعل شسمي هااا

تكولي مفهمتي شلون افهم هااا

انت ثاني يوم اندكت لباب حذرتني اطلع اذا موشايله شعري ولابسه شي عريض

طلعت وياك بنفس الطريقه

مو يكولون الحرص

اني شفت حرص منك مثل حرص امي عليه

امي هم جانت متقبل البس شي ضيق

متقبل شعري يكون مفتوح

جانت تفسر كل هذا انها تخاف عليه وتريد تحافظ عليه

انت انت سويت نفس الشي شلون افهم اني بكل هذا اني اني مجرد

مؤيد: خلص كافي شيفيد هل بجي والرجيف هسه

زينه: ميفيد صح ميفيد بعد شي

تدري هسه فهمت سؤال جان ابالي بموت سديل

ليش حركت نفسها

واسمعهم يكولن شلون رخصت نفسها عليها

اكيد حست بهل رخص بنفسها

بابا كال ل امي طلع الضنه غالي ويكسر الضهر

يعني اني الضنه موصح

بس مطلعت لاغاليه ولااكسر الضهر

بس تدري طلع عمل الاب يكسر الضهر الي يسويه بيك يكسر لضهر ويخلي كلبك يشتعل نار متعرف اطفي

تذكر كل مره تكولي كذابه وافلام

ومن تحجي ويايه تخلي عينك هيج بعيني مثل هسه

مجنت افهم بس هسه فهمت

وعرفت شنو معنه انك تفتح عينك هيج وتركز ع عيوني ووجهي

هل مره صدك كذب لاتصدك شي

لان اني نفسي ممصدكه كل الي سمعته