៙មន្ទីរពេទ្យ
Jungkook ដើរចុះដើរឡើងពេញមុខបន្ទប់ ICU ទាំងចិត្តអន្ទះអន្ទែងបារម្ភពីបងប្រុស។
« អ្នកប្រុស! អង្គុយមួយកន្លែងសិនបានទេ? ខ្ញុំវិលមុខណាស់... »ដោយសារតែទ្រាំមិនបានទើប Din សម្រេចចិត្តនិយាយវាចេញមក
« បិទមាត់របស់ឯងទៅ!! យើងចង់ដើរ!! »
Jungkook ងាកទៅសម្លក់កូនចៅរបស់ខ្លួនដែលហ៊ានថាឲ្យគេ អ្នកកំលោះមិនខ្វល់ពីសម្តីរបស់ Din គិតតែពីដើរចុះដើរឡើងមិនឈប់។ មួយម៉ោងក្រោយមកលោកគ្រូពេទ្យបានចេញមក ទឹកមុខរបស់គាត់ហាក់ដូចជាមិនសូវល្អសោះ
« បងប្រុសរបស់ខ្ញុំយ៉ាងមិចហើយលោកគ្រូពេទ្យ? » រាងក្រាស់ចូលមកសួរភ្លាមៗព្រោះតែចិត្តបារម្ភខ្វល់ខ្វាយពី Taehyung វាច្រើនណាស់
« អ្នកជំងឺរួចផុតពីគ្រោះថ្នាក់ហើយ...គ្រាន់តែគេអាចនឹងត្រូវដើរមិនបានមួយរយៈព្រោះតែគ្រាប់កាំភ្លើងបានបាញ់ទម្លុះជើងស្តាំរបស់គេ »
« អរបាទ...អរគុណលោកគ្រូពេទ្យច្រើនណាស់ » អ្នកកំលោះឱនគំនាប់គ្រូពេទ្យទាំងចិត្តសប្បាយអរជាខ្លាំង ដឹងត្រឹមតែបងប្រុសរបស់នាយផុតពីគ្រោះថ្នាក់ Jungkook ធូរទ្រូងណាស់ទៅហើយ
« បាទ មិនអីទេ វាជាតួនាទីរបស់ខ្ញុំស្រាប់ទៅហើយ » ថាប់លោកគ្រូពេទ្យបានលា Jungkook ចេញទៅចំណែកឯអ្នកកំលោះបានចូលទៅមើលបងរបស់ខ្លួនដែលកំពុងតែគេងនៅលើគ្រែ...
+Aerin Scene
SuuE អង្គុយទាំងមិនស្ងប់ចិត្ត ភ្នែករបស់នាងចេះតែសម្លឹងទៅកាន់បន្ទប់ ICU ។ ក្នុងចិត្តបន់កុំឲ្យតែ Rin កើតអីទៅបានហើយព្រោះនាងរងទុក្ខមកច្រើនណាស់ហើយកន្លងមក...មួយសន្ទុះក្រោយលោកគ្រូពេទ្យបានដើរចេញមក។ SuuE រហ័សងើបឡើងសួរទៅកាន់លោកគ្រូពេទ្យ
« មិត្តភក្តិរបស់ខ្ញុំយ៉ាងមិចហើយលោកគ្រូពេទ្យ? »
« អ្នកម្តាយនឹងកូនរួចផុតពីគ្រោះថ្នាក់ហើយ »លោកគ្រូពេទ្យនិយាយឡើងទាំងញញឹម
« កូន? » SuuE សួរបញ្ជាក់ម្តងទៀតក្រែងលោនាងស្តាប់ច្រឡំ
« បាទ! អ្នកជំងឺមានផ្ទៃពោះកន្លះខែហើយ »
YOU ARE READING
ស្អប់ពេញស្រឡាញ់
RandomKim Aerin ពីនារីហាយសូម្នាក់ ចាយលុយដូចជាចាយក្រដាស មានចរិតក្អេងក្អាង មិនចេះខ្លាចអ្នកណា បែរជាត្រូវធ្លាក់ខ្លួនក្រដោយសារតែ នាងមិនមានឈ្មោះក្នុងវង្សត្រកូលរបស់នាងបន្ត ។ ចៃដន្យនាងតូចបានជួបជាមួយនឹងមិត្តកាលពីនៅរៀន មិត្តភក្តិប្រុសដែលលលួចស្រឡាញ់នាងជាយូរណាស់មកហើយ...
