رواية بنت بمدرسة عيال اغنياء

"مئة ست واربعين"

واصعب مرحله بيد مجروحه
اني احط اكل لصحني.

حاولت امسك ملعقه الشوربه
كانت شوربة بيضاء بدجاج مقطع مع بطاطس مقطع وبقدونس وكزبره.
ريحه لحالها تناديك من على خمسين قدم.

ولاني معهم انا تحت التهديد لو استعملت يدي المجروحه.

سحب فارس صحني والملعقه من يدي وحط لي من الشوربه وحطها قدامي واخذ ثلاث صحون صغار واملاها بالسلطه ولحم مشوي وشوربة بداخلها قطع كرش الخروف.

/اول مره اسوي شوربه كرش سمعت ان لها فوايد كثيره.
قال وهو يحط الشوربه قدامي.

هذا هو فارسي.

سامي/انا احس بالغيره.
قال وهو يناظر فارس بوجهه منزعج.

ابتسم فارس وهو يسحب صحن سامي.

/اههخ راسي يوجعني ماقدر احط لي.
قال باسل وهو
يرجع الاكل الي حطه لصحن الرئيسي:).

ضحك فارس وهو يحط الصحن قدام سامي ويأخذ صحن باسل

خالد/عيوني ماشوف فيهم زين ماقدر احط اكل.

توقعتها من الكل الا خالد
صدمه.

وصار الكل يتوجع على الطاوله
وانتهى هالشي ب ان فارس يحط لهم اكل.

وجاء دور مهند الي كان يناظر فارس بلا مباله
انقلبت عيون فارس اللامعه لعيون بارده وهو يرمى الملعقه على الطاوله متجاهل مهند الي أظهر صوت منزعج.

هذولي الاثنين لا صارو لحالهم وش راح يصير!.

تجاهلت الاثنين وانا آهم بالاكل
دقايق
حتى قال باسل بتعجب/انت تقدر تاكل باليسار بسهوله.

/حتى اقدر اكتب وارسم واقاتل واسوي اشياء ثانيه مثل يدي اليمين بكل سهوله.
قلت وانا أوقف عن الاكل واناظره.

باسل/محظوظ انا حتى لو مسكت ملعقه باليسار راح ترتجف يدي وتطيح الملعقه.

تركي/انا اعرف اكل باليسار بس ماعرف ارسم.

حمد/غريبه تعرف كل هذا.

أشرت على مهند/مو بس انا حتى مهند مثلي.

فهد/وش السبب.

ابتسمت وانا اقول/ لو انقطعت يدنا نستعمل الثانيه بديله للاوله.

وعم الصمت بالارجاء
كأنهم تفاجاو بالجواب.