رواية بنت بمدرسة عيال اغنياء

"مئة وخمس وثلاثون"

السلام عليكم ورحمة الله وبركاته
.
.
تابع مئة ووثلاث وثلاثون بنت بمدرسه عيال اغنياء
.
.

ما احلل النقل دون ذكر المصدر واسم الكاتبة
.
.

[العــــيد]
.
.
"لا ترى العين عيباً ؛ إذا أحب القلب قلباً"

#خــالد.♪

-
-
#المسقبل البعيد.

كانت واقفه مع مهند ترتب ملابسه بالشنطه.
سكرت الشنطه وحطتها على الارض.
ناظرت سامي الي كان يرتب شنطته فناظرت مهند الي جالس على الكنب لاف يدينه على بعض ومتهكم.

ماكان راضي يروح ويخليها.

تنهدت وهي تقول/جهزت شنطتك والحين راشد بيروح لسياره.

سامي سكر شنطته وحطها على الارض وسحبها لخارج الغرفه.
بعد ماطلع سامي وفضت الغرفه من احد غريب قال مهند بغير رضاء

/ماراح اتركك هنا واروح.

زينب/كلها عشر ايام روح ولا تخلي امنا تعيد وحيده.

مهند وعلى نفس وضعه/ماهي وحيده معاها جدتي.

زينب/انت فاهم قصدي.

تجاهلها وهو يبعد نظره عنها ف تنهدت وقالت/قبل ثلاث سنوات كنت اعيد معاها احول املي مكانك لكن مهما سويت مايمتلي الا الربع كل الثلاث سنوات كانت تنتظرك تنتظر تعيد معاها.

تنهد بنزعاج وقال/اعيد واخليك هنا لحالك؟.

ابتسمت وقالت/عشت شهور طويله لحالي ماوقفت على هاللحظة.

مهند/بس هاللحظة غير.. لو اخذتك راح تصير مصيبه ولو ماخذتك راح تحسين بالوحده والحزن انا ماقول هالكلام الا وانا متاكد من هالشي انتي حساسه.

ضربت كتفه بخفيف وقالت/انا قويه مافي شي راح يخليني ابكي وبعدين هذي السنه ماراح يعيدون معكم السنه الجايه كلنا راح نحتفل انا وانت وامنا وجدتي هالمره بس روح وعيد معاها لحالكم.

غمض عيونه وهو يدق برجله على الارض بخفيف ..
فتح عيونه وناظرها
ف قالت/الشباب بيروحون يعيدون مع اهاليهم حتى راشد رايح يعيد مع اصدقاءه وش ذنب عمتي ماتعيد بفرحه مثلهم؟لاتحرمها من هالشي وروح وانا راح انتظرك هنا.

بهاللحظة دخل باسل وهو يقول/راشد اتصل ويقول انتظرك تحت.

وقبل لايتكلم مهند معترض قامت زينب ومسكت يده وقومته.
سحبت الشنطه وهي ماسكه يده.

اطلعو من الشقه
شافت اكثر الطلاب طالعين ساحبين شنطهم وراهم

وليش لا بما انها عطله ماقبل الاختبارات النهائيه وخصوصا ان هالعطله باخر ايام شهر الفضيل رمضان حيث خصص عشر ايام
اجازه لطلاب والعمال والمدرسين
خمس ايام يصومون مع اهاليهم وخمس ايام يعيدون معهم.