رواية بنت بمدرسة عيال اغنياء

"مئة وخمسة"

السلام عليكم ورحمة الله وبركاته
.
.
مئة وخمسة بنت بمدرسه عيال اغنياء
.
.
   
ما احلل النقل دون ذكر المصدر واسم الكاتبة
.
.

                 [الــتــنمر] 
.
.
اعتذر على الاخطا الاملائيه   ×__×
.
.
كان واقف وراها ويناظرها بعيون ضيقه حزينه مليانه ألم.
كانت قاعده وتلعب ب لعبتها الي كانت اخر هديه تجيبها لها امها.

ضم شفايفه لبعضها وهو يغمض عيونه بحزن.

:زينب.
نادها بصوت هادي مخفي حزنه.

وقفت عن اللعب والتفت براسها ل شخص الكبير الي نادها بصوت حزين.
ناظرت الاشخاص الي كانوا جنبه وبعدها ناظرته.

ابتسم ف قال: سكرتي الحلوه.

قامت من على الارض وتقدمت له بخطوات متثاقله بطيئه.
وقفت قدامه وارفعت راسها تناظره.

جلس على ركبته والثانيه ثاناها قال ب ابتسامه:سكرتي تحب بابا؟.

امأت براسها ب ابتسامه ف قال:يعني سكرتي راح تسمع كلامي؟.

ناظرت الاربع الاشخاص الي كانوا ورا ابوها وناظرت ابوها هي تدري وش راح يطلبون منها وتدري ان ابوها مجبور وعشان تهون عليه.

امأت براسها بالموافقه.

:حسين مافيها شي كلها عدسه وخلصنا.

قال الثاني بتذمر من اخوه الكبير.

:هذا شي راح يدمرها نفسياً ف عشان  كذا  لازم نخفيه عن الناس ولا راح يشوفوها بنظره غريبه.

قال الاول بعد ما اعطى لثاني نظره معاتبه.

بعدها عم الصمت بالارجاء ف قال الثالث ب ابتسامه وهو يناظرها:زينب تبين تصيرين حلوه؟.

:اي مثل فزاع.

قرب لها وحضنها بقوه وهو يقول:حلوتي انتي اميره الاميرات انا حلو انتي ملكه الحلوين.

لفت ايديها الصغيره حول رقبته وهي تضحك لانه بدا يدغدها.

:زينب تعالي.

ابعدت عن فزاع تقدمت ل ابوها.

:حبيبتي الكلام الي راح اقوله اكيد ما تفهمينه بس احفظيه ولا كبرتي راح تفهمين.

غمض عيونه وتنهد وبعدها طلع علبه صغيره من جيبه وناظر زينب وقال:انا احبك مهما كان شكلك سوا كنتي تبكين دم او............ عايلتك يعرفون سببك بس الناس ماتعرف والحاقدين راح ينهشون عضمك انتي صغيره واي كلمه تاثر فيك ولا انا مجبور افسر لناس سبب. .............. انا ماسوي كذا لاني خايف منك او خجلان منك انا اسوي هذا كله عشانك لا كبرتي راح تفهمين قصدي.

ابعد نظره عنها وهو يرجع شعره لورا.

نزل عيونه للعلبه الصغيره وفتحها وقال وهو يناظرها/سكرتي لا صرتي مستعده تواجهين الناس بشكلك شيلهم لاصرتي مستعده تسمعين كلماتهم ونظراتهم شيلهم اذا كنتي راح تنجرحين منهم خليهم ولا تشليهم لا لقيتي حب حياتك واشخاص يستاهلونك وريهم ولا تخجلين.