#حب بالاجبار
البارت الثالث والستون
ل وردالعامري
نور: ارفع دعوه طلاك
لؤي: متأكده نور
نور: اي واريدك تساعدني
لؤي: نور فكري بعد
نور: لا لؤي اترجاك اريد اخلص
لؤي: لخاطر بنتج فكري بعد
نور: قراري نهائي
لؤي: الله كريم عود انشوف شوكت اروح
نور: باجر لؤي اروح
لؤي: نور اطي صبر شبيج فكري
نور: لؤي اطيتني وعد واجيتك اترجاك
لؤي: هذا هوه حضري نفسج واني احاجي ابويه
نور: العصر رادني ابويه
ابونور: نواره اخوج كال تردين ترفعين دعوه
نور: اي
ابونور: بابا فكري زين
نور: فكرت بابا وهذا قراري ومااريد احد يغصبني بعد ع شي
ابونور: بنتي محد يغصبج بس لخاطر بنتج
نور: اريد اطلك هذا قراري
ابوعدي: اني اطيت كلمه بعد ماادخل كل الي اكوله الج فكري وانتي حره
نور: ثاني يوم عفت دموع عند امي ع ممه وطلعت اني ولؤي
للمحكمه لؤي خابر ع محامي الي طلعلنه شغله السيم كارت
اتفق وياه من الليل ورحنه شاف العقد غايبي جان 25مليون وحاضري كيلو ذهب
المحامي: الزواج ع مذهب لجعفري يعني ايحقلج اطالبين بالغايب مالتج من غير طلاك
نور: لالا ماريد شي بس اريد طلاك
المحامي: وبنتج
نور: شبيها
المحامي: رفعي دعوه نفقه وحضانه عليه
نور: ماااريد شي بس لطلاك
المحامي: يعني متنازله عن غايبج وحاضرج
نور: اي متنازله
المحامي: بس تكدرين تاخذيهن لي
نور: ماريدهن اريد طلاكي فقط
المحامي; خلص بكيفج راح ارفع دعوه نلحك ع التبليغ ان شاءالله
نور: طلعنه وياه رفعلنه دعوه بحضوري وسلمناها للمبلغ واطيناه العنوان ع باجر ايسلمها
مردت اسوي توكيل يمكن هل مواجهه تبرد كلبي مااريد احد يتواجد غيري بيها
ثاني يوم كان لازم يتبلغ منعرف وقت لتبليغ شوكت
المبلغ يطلع ع اكثر من دعوه ولحد ميوصله مينعرف شوكت