#حب بالاجبار
البارت الثاني عشر
ل ورد العامري
نورس: خلصن امتحانات نص لسنه وتوتر موطبيعي بالبيت
صرت اني بقلق اخاف ماانجح رغم اني ذبيت كل قوتي ع دراسه ودروس لتقويه مقصرو ويانه لمدرسات وبذات ست مياده الي صار كرهي الها من يوم الي حاجت بابا جانت قاسيه ويانه عكس لمدرسه ممكن تضحك تسولف ويانه بدروس لخصوصيه عكس من اول منطب لحد منطلع وجوهنه بالكتب وكل شي نقراه لازم نمتحنه وتجيبه بااكثر من صيغه وياويلها الي محاله صح تترزل رزاله غسل ولبس كمت اخاف مجرد التفكير افكر اني اسرح بخيالي اواصفن بدرسها
عدت العطله احنه بالبيت جان لمكان لوحيد الي اروحله هوه بيت جدي وهسه امي بالكوه تروح واذا راحت متاخذنه
وبسبب هل اوضاع كل العالم محبوسه ببيوتها ولوما لمدرسه قريبه جان كعدونه من لمدارس
هل خميس راحت امي لبيت جدي والولد لؤي بالمحل وعدي ايودي امي ويروح ايجيب لؤي من المحل ويجيبون امي وبس بابا بالبيت نايم دزينه ع احلام وكعدنه نسولف لحد مجوي اول مشافتهم احلام راحت كوه سلمت ع امي وركضت طلعت بس امي مو ع بعضها
محجت شي بس احسها موع طبيعتها موبس اني حسيت هيج لا
ساره: نور امي شبيها
نور: مادري اني عبالي بس اني منتبهه
ساره: لاولج شو مبينه ضايجه جتي
نور: والله مادري
التمينه ع عشه وامي ساكته يحاجيها بابا ع كد لسؤال ويانه من تحجي بعصبيه
ابونور: شبيج ليوم
ام نور: مابيه شي عيني ليش
ابونور: شنو مابيج وجهج مايتفسر شنو جيتي مشحونه من بين اهلج علينه
ام نور: لاوالله شنولقصه عيوني انت ماكو شي والله بس احس روحي تعبانه صايره لسياره ادوخني
ابونور: هااا لارجعنه ع زمن الاول خواتج وامج ايوزن بيج وز ليش ماعرف
ام نور: اوووو يارجال راح زمن واجه زمن وانت بعدك متنسه شي
ابونور: لاماانسه كلبي اسود اني وهوه مخليني اعرف اوادمي
ام نور: هههههه والله ماشاءالله ذاكرتك قويه
عدي: زين احنه اطرش بزفه فهمونه
ام نور: ماكو شي يمه ابوك يطلع دفاتر كاتلها لتراب
ابونور: هااا دفاتر عتك يعني قصدج
ماكو شي يابه بس سنه من لسنين تعاركت اني وامك مثل اي مره ورجال لاضربتها ولاسويتلها شي انت ولؤي صغار ونورس ع ايدها ساره بعدها مجايه
