#حب بالاجبار
البارت السابع عشرر
ل ورد العامري
تعلم ان تكون مثل السهم يتراجع الى الوراء
لكي ينطلق بسرعه الى الامام
تراجعت وبتراجعي اذيت اقرب الناس الي جنتي ع الارض امي
دمعتها الي نزلت من عيونها
حسرتها ودفاعها عني
تحملها مسبه وغلط ومزاجيه ابويه
طلعت نفسها هيه لغلطانه وضربتني
وبرتني من اي غلط
تستاهل موبس انفذ رغبتها بااني انجح
تستاهل حته دمي الي يجري بجسمي
الي لولاها كان ابويه عرف ورغم. حنيته
كأي اب يغفر لكن ميغفر غلط مثل هذا
ولايتقبل الحجي الي نكال
وفوك هذا كله امي حته اهلها جانت مستعده تبعهم
واذا احد خابرها كان جوابها اني طلعت بدنيه ببناتي وولدي
كم. خميس فات. وامي تتحجج متروح وكان لوضع عاجب ابويه
كل متكوله مااروح ايكيف
ويرد والله احسن شعندج رايحه يمعوده
اليوم جمعه اتصلت خالتي سهير باامي
الو وينج عيني شدعواج
-هلا سهوره والله بالبيت وملتهيه
-ادري هيه كم ساعه نشوفج بيها شدعوه متكوليلي احنه هم بيوت شو مصرنه مثلج
-والله ملتهيه تدرين الولد يطلعون ويه ابوهم ويجون هلكانين ولبنات دراستهم وملتهيه بنورس هل سنه سادس
-اي عيني هيه كلها نورس كولي من وراها متجين
-ليش من وراها
-اكولج شنو احنه موخوات يعني من تضمين ومتحجين شعبالج لحجايه متطلع
-ياحجايه شبيج
-شغله نورس بله موعيب عليج تطردين اختج من بيتج من وره بنتج
-هاااا والله مواطرد اختي ابويه اذا حجه ع بنتي ماابااوع بوجهه بعد
-صدك كذب شوكت هيج صرتي انتي ادري شحاجيه اختج هذا كله لان كالتلج عامر ممفكر بزواج هسه شكو بيها شو بتج بعدها تدرس
-شنو يازواج شنو هل حجي ليش منو يريد الزواج اصلا اني بنتي اذا متاخذ شهاده ماازوجها
-اي بعد شكو تتعاركين ويه اختج موتدرين بضروفهم انتي هسه وين يكدر يخطب لولد ذاك ليوم تعين
-سهير شبيج انتي من كل عقلج تحجين هيه جانت تحجي بزواج واكولها بعد وكت
-هاي شنو لعدتكول تعاركت وياي تكولي تعاي خطبي نورس
