#حب بالاجبار
البارت التاسع والثلاثون.
ل ورد العامري
نور: يمكن اني امام. انسان ثاني موهذا ابويه
ابويه الي امي ضربتني. وكنت اني الغلطانه
وشسوه باامي ليوم اتكفخ كدام ابويه وهوه يزيد عليه
كل. هذا ليش علمود كلمه انحجت كدام كم شخص
حته لايكولون رجع بكلمته
ضاج. لان كتله اني مكتلك احجي هل كلمه عصبته وخلته يضربني
بس ياترى غلط حجيت
موكأن لازم يكون الي رئي بهل موضوع
لو حكم. حكم كلمه نطقها رجل
لازم. تكون. كحد السيف تقطع ولايقطع كلامه
نزل ابويه وراه عدي امي صفكت ايد باايد
ام نور: هذا هوه هذا حكم فرعون يافرعون من فرعنك
عدي فرعون وحنين فرعون وابوجن فرعون
ساره: كافي نور هسه شيفيد الي يسويه ملختي وجهج
ام. نور: يمه يمكن هاي قسمتج شبيدي عليج يايمه هذا الله وهذي حكمته
نور: قسمه وين لقسمه يمه بالموضوع هذا حكم. وبس
بحكمهم وافقت وبحكمهم راح امشي بس والله مااهنيهم والله
والله مويخاف تنزل كلمته. كدام الزلم اله كدام الزلم. كلها ارفض واخلي بنصهم. وشيصير يصير
اول وتالي يجي سيد يعقد بسيطه
ام. نور: اي حته يحطج ويذبحج
نور: خل يذبح عود شيسوي يسوي
ساره: صوتج لايسمعج
نور: خل يسمع
ام. نور: ولج. اشششس سدي لحلكج بس اذا ماسمعج لحيه الي طببتها بعين تضحك عين. تبجي فاتت
لنص بيتي اسمعج
نور: واني مخايفه منها
ام. نور: ولج. كافي وجهج دم صايرواثار اصابيعهم مطبعه بوجهج
ساره: شوفي والله هسه تلكيها اذنها ويانه
نور: ميهمني
ام. نور: كافي صايره مثلهم تردين مشكله وبس كافي والله تعبت
نور: يعني اني لغلطانه هسه
ام. نور: اووو دروحي والله راح اهج منكم كلكم
نور: نزلت امي ضليت بغرفتي احس نار بداخلي ومده اكدر ابرد اصعب شي انك تحس ان الكل ضدك
بس قررت افضحه كدام العالم كلها مومتفق يجون ويجيبون سيد كدامهم كلهم اكول غصبني ابويه ومااريد ازوج
