#حب بالاجبار
البارت العشررررون
ل وردالعامري
صرت بينهم حارس ومرسال فرحانه بهل وضع
اغله ثنين ع كلبي
المكالمه مطول دقايق بينهم ناس تسئل ناس وشتحبين. وانت شحتحب. واي لون واي اكله وهكذا
لؤي: ده ادرسين
احلام: اي والله وراح. نبدي بعد بالخصوصي
لؤي: يله ان شاءالله تنجحين هيه هل سنه تعدي هذا هوه
احلام: اي والله بس كون اطلع معدل
لؤي: هههه يمعوده طلع ولا لا شسويله
احلام: ههه لا شلون غير حته واحد يروح كليه زينه
لؤي: كليه
احلام: اي يعني اذا معدل
لؤي: لالحضه يعني انتي تردين تكملين كليه
احلام: اي طبعا ليش يعني انت متريد اكمل لوشنو
لؤي: احلام طبعا ماريد يعني اضل وين مرتك بالكليه جتي من لكليه اني غير اريد استقر ازوج لو اجي للبيت الكه مرتي ملتهيه بدراستها
احلام: بس يعني هذا مستقبلي
لؤي: ع عيني وعله راسي بس اخذتيها شنو يعني راح تتعينين
احلام: وشنو يعني اذا تعينت هم نكون. نفسنه ونعين بعض
لؤي: لالاهوب اني ماجنت اعرف هيج تفكيرج انتي اني مرتي لااطب ولاتطلع شنو تتعين مادام كادر ان شاءالله اسد كل احتياجاتها ليش تتعين
احلام: ماشي ع تعين بس كليه يعني اني اريد ادرس هذا ضمان لمستقبلي
لؤي: احلام انتي راح تتزوجين شلج بشهاده بعد
احلام: ضمان الي واني تعبت كل هل تعب حته ادخل كليه
لؤي: ادري ضمان شنو يعني شايفتني مو. رجال واخاف اعوفج وترحين تتوضفين تعيشين جهالج مثلا
احلام: لالاحشاك بس اني حلمي ادخل كليه
لؤي: والله احلام بصراحه هيج موضوع مااريده اني من هسه اكولج وانتي حره تردين. تكملين لسادس لان خلصت لسنه وحرامات تعبج يروح
تخلصيها ونكمل امورنه حسب الاصول
تكولين لا لكليه ف اني جدا اعتذر هذا الشي مااريده والج القرار
احلام: بس انت حته مانطيت مجال للمناقشه
لؤي: احلام عيوني انتي اني مثل اي رجال او اغلب الرجال موكلهم يريد مرته اله وبس يريد يطب للبيت يلكاها متفرغه اله مو يطب بيدها كتاب ويطلع والله راحت للدوام
احلام: بس خاله كالت عادي وانتي ونور
لؤي: قصدج.امي
احلام: اي
