#حب بالاجبار
البارت التاسع والخمسون
ل وردالعامري
نور: يمتلكك احساس ان جبال الدنيه كلها نبتت بضهرك
الم وهم وقهر ودموع ويئس
كل يوم يمر عليك اثكل من الي قبله وكأن انت
بزجاج كساعه رمليه ينفذ صبرك مثل ماينفذ الرمل
وترجع وتعيد الصبرمن جديد
كلشي صعب بس مااكو اصعب من الضلم
والمضلوم ليله طويل وساعاته دهر
ايام عدت عليه جنت اطلب الرحمه
ليلي يمر دمعتي تحفر بخدي الم جديد كل ليله
جسمي روحي كياني كله احترق
لكن……..
اليوم انفض تراب الضلم بوجوهم
ارفع راسي واعدل ضهري وكأن الجبال تكسرت
دموعي تنزل بس تنزل بطعم ثاني زال لمراره الي جنت احس بيها
عيونك الي كانت نار بغضب تنضر الي
اليوم يامحله الندم الي بيهن يكسر القضبان الي حبستني بي
دمعتك تلكتها ضحكتي وجره نفس براحه
مشمته لا
الشماته قليله بيك
بس بعد متهزني
لاتهزني نضرتك ولادمعتك
لؤي: بره واني اعرف شلون اتصرف وياكم
قاسم: لؤي ياخويه
عدي: خليتو خوه انتو وتحجون بيها حته خوتكم مريدها
طلعو كفونه شركم
وهااااااااا اختك خليها يمك استمتع بشوفه طولها
ومثل الكلته ع اختي
اله اخليها لامعلكه
ابوعدي: عمت عيني عليج يايابه شسويت بيج
لؤي: اطلع شتريد بعد احنه من يومنه ماغطينه ع غلط ولخيسه الي حجيت بيها
روح نضف لحيتك منها
من نايم بنص بيتك ومتعرف اهل بيتك شيسون وشيخططون
بنصاص الليالي بس شحجي انتو موزلم
الدنيه فرتها سريعه تحملنه الحجي ونعرف رايتنه بيضه
وكل الي كلته ارجعه الك بس والله لرجعه الك بنص زلم مشوربه
عدي: يله بره كلت ع نور كلشي،يطلع منها الي تحجي برساله
ههههه شكد طالع لعد من الي جوه شاربك وانت نايم ورجلك بشمس
