#حب بالاجبار
البارت الخمسون
ل وردالعامري
نور: عيوني تعلقت بجامه المكسوره والكزاز مطشر حالها يشرح الي بداخلي هيج كسر وره كسر
وكل مره اطشر هيج
بس ماالكه الي ايلمني ضاله اجرح بروحي
كمت لبست ونزلت الكاع دم ولدرج ع طوله وللهول ولباب والطرمه
شمس قويه جانت رفعت راسي للسمه
ياربي اني مومراضيه بقضاك
بس ياربي برد كلبي وخلصني من هل حيره
ياربي اريده واتردد اوصله
يارب كون ويايه اني مالي غيرك
كون ويايه ياربي
رجعت للبيت جكايره وتلفونه ع طبله بمكانهن
كعدت مالي حيل لكلشي
وبالي يمه ع دم الي بالكاع
رحت للمطبخ اشرب مي
نفتحت باب لشارع
رحت اشوف منو هوه طب باوع عليه
وشمر روحه ع قنفه حط ايده فوك راسه
جاان لافه بوصله يمكن مال السياره وكلها دم صايره
ركضت ادور شي اشد ايده لوصله مبينه مال سياره هاي لبازه هسه ايده تلتهب
ملكيت شي جريت شال ونزلت
ع نومته
مديت ايدي ع ايده فز فتح عيونه يباوع عليه جريت ايده كام كعد
فتحت لوصله دم ع حالها وايده مجروحه اصابيعه كلهن ينفضن دم
هاي شنو ايدك روح للمضمد لصيدليه
حازم: مابيها شي
نور: شنو مابيها شوف لدم
حازم: طبهامرض عوفيها
نور: لاتنام ايدك تجري دم كوم غسلها ع اقل
كام حطها جوه لمغسله تجري دك ويه لمي
حازم ميصير هيج
حازم: عوفيها نور
نور: راح كعد وهيه تنكط دم بالكاع
رفعتها شديتها بالشال وكمت لزم ايدي
كام وكف كبالي مسح دموعي باس راسي وجرني حط راسي ع صدره
وكأن منتضره احد حته ازيد البجي اكثر
حازم: لهل درجه تكرهيني
نور: لا لا والله ممااكرهك بس بس جنت ااريد شويه وكت بعد
حازم: اششش جري نفس كافي اوووووف نور انتي حكمتيني وجبرتيني خليتيني بهل موقف
