#حب بالاجبار
البارت السابع
ل ورد العامري
ساره: ماما ماما
ام. نور: ها ولج يمه شبيج شنو السالفه ركضي جيبي مي ل اختج ماما نور حبيبتي
لؤي: شكو بعدها تبجي كومي يايمه خل ناخذها للمستشفى
حازم: هااا لؤي خير
لؤي: نازلك حازم لحضه
ام نور: روح يم الولد يمه هسه اطيها مسكن وتنام لعصر انوديها دكتور خاص هيه ضاله عدنه مستشفيات بيها خير احنه
ساره: هاج نور شربي
نور: اريد اجر نفس مااكدر ليش هيج صار هذا كله بسبب الي سويته وين وصلت روحي شكيت بي خليته يضوج. حته يسمعني بعد جنت ابجي بكل ندم ع كل حجايه حجيتها وياه
لؤي نزل وساره اطتني مي وماما جابت لكبسول اخذته وبدلت ساره واكفه يمي وخايفه عليه مكان بعيني كل هل خوف الي ده اشوفه من اهلي كان كل الي ابالي عامر عامر وبس
سمعت صوت بابا يكول موكتلها اوديج عاندت وجان صوته يقترب من لغرفه كأنه ديصعد الدرج وبالفعل فات للغرفه
ابونور: ها بابا شبيج
نور: مابيه شي
ابونور: شنو هل بجي رايح نفسج كوه تحجين كومي بابا البجي ميخفف الالم لولبارحه مخليتنه انروح للدكتور استغفرالله يله مضل شي بالاربعه نطلع ندورلنه دكتور اكلي شي ساره سوي غده ل اختج يله بابا
نور: نزل بابا ونزلت وياه ساره اخ لوتعرفون شنو الي يوجعني لوتعرفون حجم الوجع الي بكلبي
صعدت ساره الاكل ومكدرت اكل وقبلها ماما صعدت وهم. مكدرت
نزلت الصينيه ساره ووره شويه اجه لؤي بيده علاكه بيها عصير ونساتل وبسكت
لؤي: كومي ادري بيج ادورين هيج شغلات كومي اكلي
نور: مااكدر والله
لؤي: لج ميصير اطوج دوه وبله اكل هاج بس شربي عصير جبتلج هذا برتقال ايفيدج
ام. نور: هاا لؤي وين جنت
لؤي: رحت للاسواق جبت عصير ل نور
ام. نور: يا هوه هذا هم عصير مليان اصباغ برتقال بثلاجه هسه اسويلج
نور: مااكدر والله مااريد
لؤي: هسه هيه تحب هذا ابوالاصباغ بس خل تشرب شربي نور والله ازعل بهل حر رحت جبتهن واجيت
نور: اخوتي اعصاب ويتناكرون ويانه ويعلقون ع كلشي بس عدهم حنيه رهيبه لؤي مخبوص ويصعد وينزل وعدي بالمحل خابره بابا وكله اختك متخربطه عزل عود وارجع للبيت
ضل كل شويه يخابر ها شلون صارت
عدي اكثر واحد بالبيت نخاف منه ولهل سبب هددني بي عامر لان عدي الايد اليمنه ال ابويه يعني شيصير يوصل لاابويه لهل سبب منحجي شي كدامه وفوك هذا هوه عنده حاله يعني شلون اوصفها ان تجي اوقات ينعزل وحده وميحاجي احد ويكون عصبي اذا احد تحارش بي ياويله
