#حب بالاجبار
البارت العاشر
ل ورد العامري
اصعب احساس هوه ان تتمنى الموت لكن لاتحصل عليه
من تريد تختفي عن الانضار تصير مثل البخار وتمتزج بالهواء
محد يشوفك ولااحد يلمسك
يمكن مجرد اللمس يوجعك
لالنفس الي يكون قريب عليك يذبحك
شعور صعب من تحس بالغضب والزعل والقهر والحب ولكره بوقت واحد
كل مشاعرك تهيج بوقت واحد تتصادم انت ومشاعرك وماتعرف احساسك شنو بهل لحضه
بس تحس بضياع وكان الكون الحواليك فارغ صار بصدى يضغط ع روحك ع اعصابك ع جسمج
كاعده ع درج احس دماغي ممستوعب وكلبي راح يوكف معقوله الي صار
ضرب امي وغلطها عليه كان بي الم
لكن الالم الي بداخلي اعضم واكبر
امي واكفه وتدعي وتغلط
فجاءه لزمت راسها من فوك من يم شعرها من نص راسها
وصاحت يمه لحكولي تبعدني عنها مسافه كلش قليله كمت بعدني مخاطيه خطوه امي تمددت بالكاع
ركضنه اني وساره
للحضه حسيت الدنيه كلها سدت ابوابها بوجهي وسودت بعيني
توقعت امي ماتت جانت مغمضه
وجهه شاحب
ساره ركضت جابت مي واذب ع وجهه وصيح ماما
اني جنت بس اباوع كأن كل جسمي خدر واحس جسمي كله يرجف بس عيوني مفتوحه وبعقلي امي ماتت بسببي ماتت
فتحت عيونها بتثاقل ركضت عليها
ماما الله يخليج سامحيني اسفه والله ماعيدها بعد اتوبه العفو اعتذر بس كومي الله يخليج
ساره غسلتلها وشربتها مي
وتوجت علينه كومناها من الكاع
ام نور: اخ يمه قبغ راسي احسه راح يطير يمه دخيلكم عيوني ابر بيهن
نور: كعدناها وتصيح من راسها هيه عدها ضغط بس مسيطره عليه بدوه ركضت ساره لبيت ام اياد جيرانه عدهم جهاز ضغط صاحت بنتهم وجابت لجهاز وجتي شدت اللاصقه وادوس بمثل النفاخه بي اني عيوني تغوش من لدموع يمكن نسيت كل الي صار ونسيت حته نفسي بس خوفي ع امي ابالي
-هاي شنو خاله ضغطج معلك
ساره: شنو صاعد
-يااا داده ياصاعد مفول 20ع 11
حته الواطي صاعد عيني ناطيها دواها
ام نور: لامااخذته اطيني ساره ولكم راسي حينفجر
-عيني لوتاخذوها للمستشفى لاتروح تنجلط لويصير بيها شي مفول ضغطها
نور: ركضت جبت مي وساره جابت الدوه اطيناها ولبنيه راحت وامي تصيح راسي عيوني
ساره: عيني راح اخابر ع بابا
احسن وين لتلفون
