#حب بالاجبار
البارت الخامس والاربعون
ل وردالعامري
نور: كعدت ع صوت قرائه قرأن وصلاه هوه بعده نايم
جان اذان لمغرب
وره شويه دك تلفوني
ع صوت الدكه كعد هوه نايم بالكاع وتلفون بجنطه قريب عليه
الووو
نوارتي شلونج
زينه هاي حازم وياك
نور: حازم فاتح تك عين يكولي منو شمرت لتلفون عليه ورحت للحمام
الووو
هلاهلا ابوعدي حبيبي
فتحت مي حته لايصيحني ع تلفون
اتأكدت ان مده يحجي ويه احد يله طلعت
حازم: ابوج رادج كتله بلحمام عود دكي عليه
نور
نور ليش شمرتي لتلفون عليه ابوج مخابرج ع رقمج وهوه من حجيه امبين مطالبني
نوورر
نور: ها ها نور نور ماريد احجي وياه ارتاحيت هسه
حازم: نور
نور: اغير اسمي وارتاح لوشسوي
حازم: الي دتسوي غلط ابوج حرام تعاملي بشي موزين
نور: سؤال
حازم: جواب
نور: لحرام ع منو عليه لوعليك
حازم: تؤ شحاجيج لبسي بابا ده ننزل نزور لبسي
هههههه والله ياالله شكولها وشتجاوب
نور: بدلت وطلعت لكيته ده يلبس بعده قميصه مفتوح ده يمشط
انتضرته ايوخر ووكفت سويت حجابي
حازم: نور عبايه ماعندج مو
نور: اي بس موجود من افوت يطوني ازور بيها
حازم: لاقصدي عبايه ماعندج بالبيت
نور: لاشسوي بيها
حازم: هسه نشتري وحده
نور: تره كتلك شسوي بيها
حازم: تلبسيها غير
نور: لاتحلم بحياتي احطها ع راسي
حازم: هههههههه الله كريم
نور: المعنه شنو من هل ضحكه
حازم: لاهيج ماكو شي
نور: هااا
صدك ليش ده اتعاند وياك اني
اليوم اخر يوم يجمعنه
من باجر ح..
حازم: يله ده ننزل يله وين تلفوني
نور: اتقصد ان ميخليني اكمل كلامي نزلنه تمشينه مسافه ودخلنه بشارع الامام
