Witchcraft

Tale 73

Tale 73
Prelude to the End

“There is nothing more beautiful than the way the sea refuses to stop kissing the shore no matter how many times it was sent away by the shore.”
-TheSirenAndThePirate, written by S. Harper

Sa isang bangin malapit sa malawak na karagatan ng Gorgona, isang babaeng may mahabang puting buhok ang makikita, sa tabi nya ay isang binatang may raven na buhok at kulay abo na mga mata na nakatanaw sa malawak na karagatan.

Ito ang islang tinatawag na Forsaken Island. Subalit para sa mga dragon ay ito ang Sacred Island of Dragons. Ito ang kanilang graveyard.

Isang gravestone na gawa sa isang pangkaraniwang bato ang nasa harap ng dalawang Tao. Ilang mga salita ang naka-engraved sa bato,

The First Human Queen.

“She's very beautiful.” Saad ng dalagang may puting buhok.. May lungkot sa kanyang mga mata.

Tumango naman ang binata.

“The reason why she vanished years ago is because she was transported back in time. She was the Priestess of Ice Dragon Magic. The bringer of spring and the peaceful winter. The first human queen, Lady Crystal.” Saad ng babae

“Im sure she had a wonderful adventure and a very colourful life.” Saad ng binata

“I hope so.” Tugon ng dalaga

Hindi nagtagal ay magkahawak-kamay na naglaho ang dalawa.

Samantala, sa isang munting syudad sa hilagang bahagi ng kaharian ng Ventus, makikita ang ilang madudungis na tao sa loob ng mga metal na kulungan. Nakadisplay sila na tila mga produkto sa pamilihan. Makikita ang ilang mga Tao na may marangyang kasuotan na sinasaktan o di kaya ay tinatapaktapakan ang ilan sa mga binili nilang ‘alipin'.. Sa pinakamalaking Auction House ay makikita ang masiglang bidding ng mga Tao para sa mga ‘alipin’ na may potensyal sa mahika o alkemya o iba pang sining. Kahit pa mahigpit na ipinagbabawal ang slavery sa ibang mga kaharian, pangkaraniwan lamang ito sa liblib na syudad na ito na mas kilala ng lahat bilang Land of Shiva.

Lahat ng mga alipin na nabibili sa lugar na ito ay nasa ilalim ng isang hypnotismo kung kaya wala silang magawa kung hindi maging masunurin sa kung sino man ang kanilang magiging amo.. Karamihan sa mga naipagbebentang alipin ay nagiging mga lihim na tagapagsilbi ng mga kilalang pamilya na lihim na bumibili sa lugar na ito. Karamihan sa mga alipin ay gumagawa ng mga maduduming trabaho para sa kanilang mga amo.. Dahil sa kanilang sobrang katapatan dulot ng hypnotismo ay sila ang pinakamagandang kandidato para sa mga lihim na assassination at iba pang maduduming trabaho. Hindi sila magsasalita ng mga bagay na ikapapahamak ng kanilang amo kahit pa buhay nila ang nakasalalay. Karaniwan ay namamatay sila ng walang katarungan. Karamihan ay namamatay sa pagnanais na maisakatuparan ang misyon na ibinibigay sa kanila ng kanilang mga amo. Namamatay sila na walang libingan o pagkakakilanlan.

“Balita ko ay wala na ang reyna ng Aragon. Binitay sya noong nakaraang linggo lamang.”

“Tsk. Sinusuportahan ko pa naman ang pag babalik nya sa Slavery. Hindi mabuti para sa negosyo ko ang pagkamatay nya.”

“Siraulo ka ba? Hindi mo ba alam na tinangka nyang patayin tayong lahat gamit ang isang kakaibang mahika!”

“Tama sya! Isang uri ng sacrificial magic ang plano nya sanang gawin! Hindi pa malinaw kung ano ang totoo nyang pakay sa pagtatangkang isakripisyo ang milyon-milyong buhay. Hindi ipinaliwanag ng Council kung ano yun.”

“Pero ito lang ang tanging digmaan kung saan mababa ang bilang ng mga namatay.. Maraming nasaktan at nasugatan, pero karamihan sa mga nawalan ng buhay ay dulot ng ilang aksidente.”