Witchcraft

Tale 39

Tale 39 

Trials 

Puno ng curiosity ang mga estudyante ng Imperial Academy of Magic. Nakansela ang kanilang mga klase sapagkat may biglaang announcement ang kanilang Headmaster. 

Nagtungo ang lahat sa open Arena ng kanilang paaralan. Isang lumang mansion ang kanilang school at hindi ganoon kalaki ang papulasyon ng mga estudyante. Wala pang isang libo ang mga mag-aaral. Dahil dito ay higit na napagtutuunan ng pansin ng mga professors ang bawat mag-aaral. 

Napapaisip ang lahat sa rason kung bakit sila tinipon sa lugar. Noong marating nila ito ay natagpuan nila ang kanilang headmaster na may kausap na mga bagong muka. 

Tahimik at organized subalit puno ng pagtataka na naupo ang bawat isa sa mga bakanteng upuan sa open arena. 

Disiplinado man ang bawat isa sa mga mag-aaral, hindi sila mababakasan ng resistance. Tila natural sa kanila ang pagiging disiplinado. Hindi ipinilit. Malayang desisyon nila ito na ikinamangha nina Flay na lihim na inoobserbahan ang mga mag-aaral. 

"Magandang araw mga minamahal kong mag-aaral ng Imperial Academy!" nakangiting bati ni Headmaster Lockwood at nagboom ang boses nya dahil sa mga magical floating speakers sa paligid ng arena.

"Isang hindi pangkaraniwang bisita ang ngayon ay nasa inyong harapan. Ang dragong priestesses at ang dragon princess!" announce pa ni Headmaster Lockwood

"Ang dragon princess?!"
"Sino sya sa mga babae? Is she the blonde one? Or the one with the silver hair?"
""I bet she's the one with the arrow! She look strong!"
"No way! It's probably the kid! She's the youngest and the most enigmatic!"

Ang kaninang kalmadong mga estudyante ay napuno ng excitement. Para sa kanila ay isang alamat ang tungkol sa Dragon Princess. Ang iba sa kanila ay mga survivors mula sa pamilya Lockwood. Ang iba naman ay mula sa mga pamilya ng Dragon Clans na piniling humiwalay sa kanilang clan para libutin ang mundo at maencounter ang paaralang ito. Ang ilan ay mula sa mga dating aristocratic families na nawalan ng kapangyarihan dahil sa royal families or dahil sa mga kalabang noble families. Habang ang iba naman ay mula sa mga normal na pamilya na biniyayaan ng magic subalit hindi makapag-aral sa paaralan ng mga noble families tulad ng Aurum.

Kung ang Aurum Magique University ay para sa mga noble families. Ang Imperial Academy naman ay para sa lahat ng taong may magic pero hindi makapag-aral nito.

Ito ang mapait na katotohanan sa mundo ng Aralon ngayon. Tanging mga noble birth lamang ang maaaring mag-aral ng magic.

Ang mga normal na mamamayan na ipinanganak na may mahika ay hindi nabibigyan ng pagkakataon makapag-aral ng mahika. Sa mga normal school lamang sila nagkokolehiyo at nag-aaral ng mga normal course.  Yes, may mga engineering at management students sa Aralon.

At tanging ang mga noble birth lamang na walang magic ang nakakapag-aral ng alchemy. Bihira lamang ang mga scholar na tulad nina Javen, Jaden at Avril na mula sa mga normal na pamilya. Isang malaking karangalaan ang maging alchemist at mage ang isang normal na mamamayan, yun ang nais ng mga kababayan nina Jaden at Javen para sa kambal.