لأجل أمي أصبحت خادمة🌺

البارت الحادي عشر

فهد : ههههه كيف ما فهمتكش ع شن تحكي قوللي شن درت ...

أحمد " انصدم " : لما خديت الموس و قريب ذبحتها ...

فهد : شكلك تحلم ...

أحمد : توا كنت بتذبح ماري قدام الشباب في المربوعة ...

فهد : شن ؟؟ بنذبح ماري الحلوة !! تحسابني مجنون و بعدين علاش ما ناديتونيش امتى جو الشباب ...

أحمد يشوفله مصدوم ...

فهد : هيا شويه و جايكم ...

دخل لداره و سكر الباب ...

أحمد اتستك في مكانه معش عرف فهد يبصر و لا بجديات مش عارف شن دار ...

نزل للمربوعة و قعمز و قاعد مصدوم ...

وسيم : ما تقولش بصارة ...

اياد : بصارته بايخه ما فيش داعي لها ...

أحمد " شافلهم بصدمه " : توا كلمته ...

عزام " استغرب من صدمت أحمد " : شن قلك ...

أحمد : ما يتفكرش في شيء و قالي خيركم ما قلتوليش الشباب جو خمس دقايق و ننزل ...

عزام رفع حاجبه و شافو فهد دخل يسلم عليهم ...

كلهم مصدومين و يشوفوله ...

فهد " قعمز " : يا خاينين جيتو و ماقلتوليش " شافلهم " خيركم تشوفولي هكي ...

عزام : اه ؟ ...

وسيم : شكله مقلب و يمثل علينا ...

فهد : مقلب !! مقلب شنو ...

اياد : الي قبل شويه ...

أحمد : انت قبل ربع ساعة وين كنت ...

فهد : في داري كنت ندوش  ...

أحمد : و قبلها ...

فهد : راقد ، علاش ؟ ...

أحمد : اها تمام ...

وسيم حك راسه معش فهم شيء ...

فهد " وقف " : شن تعودتو لازم اني نمدلكم القهوة ...

قعد يدور ع الموس شافها ملوحه لوطه ...

فهد : شن صغار تلعبو بالموس ملوحينها ...

كلهم يشوفو ل بعضهم  مصدومين و خلاص ...

عزام " يهمس ل أحمد " : فهد شارب حاجه ...

أحمد : مستحيل ...

عزام : مش طبيعي ...

أحمد : ان شاء الله يطلع يبصر علينا ...

كلهم يشوفو ل فهد ...

فهد خدي قهوته و صحنه متع الحلويات و قعمز ...

فهد " شافلهم " : مش ح نمدلكم اونه نادو ماري تمدلكم تعودتو ديما نمدلكم معش تبو تنوضو .. باسم الله خيرك تشوفولي و خلاص فيا حاجة ...