لأجل أمي أصبحت خادمة🌺

البارت التاسع

الاء : والله لما نكسر راسه الي يفكر انه يتكلم علها عاد كل شي الا الشرف ...

رغد : لازم نساعداها و نحاولو مانخلوش اي حد يتكلم علها ...

وقعدو يهدرزو ...

_________________

سيمارا : طاولة الرجال مشان الاكل نيبار و ماري و الحريم كالا مفهوم ...

كالا و نيبار : حاضر ...

براءة اشرت ب اوك ...

سيمارا : مابغى اي نقص بالسفرة وتكون متكاملة فاهمين يالله تقدرون تبدون ...

دخلو قسم الضيوف وبدو يوتو في العشي ...

•••••••

وسيم : بنمشي للحمام ( أكرمكم الله ) ...

عزام " يقلد ف ابلات المدارس " : خمس دقايق وتكون هني فاهم ...

اياد : ايه شطور يستأذن من الاستاد ...

وسيم : بتسكت ولا كف ليك انت وياه ...

اياد و عزام : هههههه ...

وقف وطلع من بحداهم ماشي للحمام ( أكرمكم الله ) ...

انتبه لغرفة الاكل ...

نيبار : ماري اني فيه يمشي حمام خمس دقيقة ويجي ...

براءة اشرتلها ب أوك ...

طلعت نيبار وبراءة قعدت توتي في الطاولة ...

وسيم طلع من الحمام ( أكرمكم الله ) شافها بروحها ...

دخل بهدوء ...

شافتله براءة ولفت بتوتر ...

تنهد وجي وقف وراها ...

وسيم : علاش درتي هكي ؟...

براءة انصدمت خافت انه عرفها ...

وسيم : كان هما صدقوك وانخدعو اني ماتقدريش تخدعيني ...

بلعت ريقها وجت بتبعد عليه لكن شدلها ايدها ...

وسيم : جاوبيني براءة علاش درتي هكي اني خلاص عرفتك ...

قعدت ساكته ...

وسيم : تمام ماتبيش تتكلمي اني بنمشي نقوللهم عليك ...

طلق يدها وجي بيمشي ...

شداته من يده وهادة اول مرة تشد واحد غريب ...

براءة " بهمس " : لا ارجوك ...

وسيم " شافلها " : باهي قوليلي علاش ...

براءة : مانقدرش نتكلم خايفة حد يسمعني ...

وسيم " طلع ورقه مكتوب فها رقمه " : كلميني ع هادا الرقم اليوم قبل ماترقدي فاهمة  وكان ماكلمتينيش غدوة الصبح نقوللهم ...

خدت الورقه وايدها ترعش وحطتها في جيبها ...

ابتسم وسيم وطلع ...