أيمن : ناقِصك حاجه؟رحمة : لا لا ، بس ، يعنيايمن : مالِك؟رحمة : هناي ،ايمن : رحمه ، في شنو خوفتيني؟رحمة : لالا ، ماتخاف الموضوع بسيط ، بس.. * تأخذ نفساً وتزفره * ، إحنا .. بناكل أي أكلَه من صحن واحد ، بس إنتو ما كِدا ، فـ ماعارفه اعمل شنوأيمن بابتسامة : البترتاحي فيهو أعمليه ، اليوم دا حقّك لانهم في بيتِكتبتسم باطمئنان : حاضرأيمن : انا حَ اجهِّز السُفره يلارحمة : يلا *اسطنبول - فيلّا محمد عُثمان :مازِن : ماتشِيل هم يا أبوي ! انا حَ اديرها برايمحمد : مادا هو اصلاً المخوّفنيتضحك نغم بسُخريه : تَم نسف الجبههمازن : شكراً يا ابوي تسلممحمد بضحكه : ماتزعل ، بس بو ما اثبتت لي كفاءتك من تاني اسبوع حترجَع بي وشَّك هناسناء : هاك حبيبيمازن : دي شنوسناء : مصحف ، خليهو معاك يحفظَكمازن : حااضرمحمد : يلا خلخلِّي بالك لي روحَكمازن : عان ديل ماصدقو على الله يخارجوني !ترتمي نغم لـصدره : لأ انا ح اشتاق ليكمازن : خلاص ماوقت البِكانغم : اصلا مين اللي قالِّيك ح ابكي ! كريهيقترب ليقبّل جبينها ، وكفّ أُمه : أنا كمان ح افقدكم ، يلا ابوي عشان موعد الطيارهمحمد : تمام يلاسناء : لا اله الا اللهمازن : محمداً رسول اللهالخرطوم - اركويت :بعد ان جلسَ الجميع ؛ساميه : دا شنُو؟يلتفت إليها الجميع بإستغرابعبدالله : مالك يا ساميه؟ساميه : وين الصحُون؟رحمة بارتباك : خالتو لو عاوزه اجيب ليك صحن..تقاطعها بنبره مُخيفه : اولاً ما اسمي خالتو اسمي ساميه ، تانيا دي طريقه ياكلو بيها بشَر !رحمه بخوف : انا آسفه بس..تعود لتقاطعها : جادّه عاوز بشر ياكلو بالطريقه الفوضويه دي؟تقاطعها آمال بغضب : انتي هِيي في شنو !! صارّه خلقتِك زي اليوم الأسوَد من دخلتي ! ، دي طريقة أكلنا كُلنا العاجبو عاجبو الماعاجبو يشرب من البحر !ماجده : اهدي يا آمال ماكدا عيبآمال : وهي ماف زول بقولّيها عيب لـشنو؟ كان بتعرِف العيب !ساميه : دي ماطريقه تكلميني بيها وانتي في بيت ولدي !!عبدالله : يا جماعه استهدو باللهتنهض ميساء : أمي أرحآمال : ااي ماشّه ! عندي طبِع البشر بفهم متين امشِ ومتين أقعد، لكن الكلام على الطبعو حيواني وجاي يتشطّر على البشر ! عديمة اخلاقميساء : ارح أمي ارح ، يلا يا فارسأيمن : ا ، استنو ! خالتو ، يا فارس ..يعود لأمه غاضباً : عجبِك كدا؟ساميه بارتباك : ه.. هم الغلطانين !أيمن بنبره عصبيّه : انتي الغلطااانه !!! إنتي !عبدالله : اهدا ياولدي ، رُوقأيمن : ماعاوز اشوفها هِنا تانييندهش الجميع..ساميه : الكلام دا لَي اما يا أيمن؟ايمن : لِيك ، ليك أيوهساميه : البيت دا بيتي ياولَد ماتنسى نفسسك !يهروِل الى الباب : ح أسيبُو ليك ! أشبعِي بيه.رحمه : أ.. ايمن! ايمن استنىحبوبه : استنى يا ولدِي ، كُلنا طالعين ، الاهانه ما بنقبلَا ، وسُكنتَك معاها ، جيبي حاجاتِك وابقي مارقه يا رحمهحامد : بس يخو..حبوبه بنبره صارمه : مابخلّي بتي في الاهانه وافوت ! كلام واحد والله واحِد . * الخرطوم - بحرِي :يُغلق الباب خلف ضيوفه ويعود ،أحمد : ما ورّيتيني ليه انو جايين يطلبو يدك؟تسنيم بارتباك : خ..خجلتَأحمد : بتعرفيهو من وين؟ترتبك، وتصمتأحمد : ح اسأل منو ، وبناءاً على ذلك يكون الردتسنيم : بس..احمد : انتهَى .يُتبع..
