When the Princess in Disguise Meets the Arrogant Prince (EDITING)

Chapter 38: One week after

Nagugutom na ako pero wala pa akong naiisip na gusto kong kainin. Nag-sasawa na ako sa pagkain dito. Hay... Ano kaya ang masarap na kainin?

"Maam Czarina, nasa phone po si Ma'am Shaomei. I-koconnect ko na lang po sa phone niyo." 

"Ate Agnes?"

"Yes po?" 

"Wala po. Paki-connect na lang po yung call ni Shao sa line dito. Salamat."

Kinuha ko agad ang wireless phone ko dito sa kwarto at bumungad sa akin ang napakatinis na boses ni Shao.

" Yow!

"Czarieeee! Gala tayo!"

"Eh? Di ba may pasok kayo?" Kung makapag-aya naman itong si Shao parang walang pasok ah. Mukhang hindi maganda ang naiisip ko. 

"Nag-cutting ako." Bullseye. Tsk! Ano kaya ang nasa isip nitong babaeng ito at naisipang mag-cutting.

"Hindi lang ako pumapasok, naisipan mo agad mag-cutting. Tsk! Kapag nalaman 'yan nila Tito malalagot ka."

"Gusto lang kita makasama Czar. Isang linggo na rin ang nakaraan simula ng nakita, nakausap at nakasama kita." Sa pamamagitan ng tono ng boses niya, alam ko na agad na nakanguso ito at parang bata na nag-dedemand ng gustong bagay.

"Pero..."

"Walang pero pero. Papunta na ako diyan. Wait for me. Okay? Ciao!" And she didn't even wait for my answer. 

Binalik ko ang telephone sa kinalagyan nito. Nakarinig ako ng tatlong katok sa pinto. 

"Ma'am Czarina, si Ma'am Shaomei po ay nasa baba po."

"Ate, nasa likod mo na ako. Papasok na ako sa kwato." rinig kong sabi ni Shao na nag-pangisi sa akin. Kung ano talaga ang maisip niyang gawin ay gagawin niya.

Bumukas ang pintuan ng kwarto at iniluwa nito ang mukha ni Shao na may malawak na ngiti sa labi.

"Oi~ bruha, bakit ka nag-cutting?"