أنا بعتذر جدا جدا عن التأخير .. والله لحد ٣ الصبح مكان راضي الفصل ينزل معرفش ليه ونمت لأني مكنتش قادرة وصحيت تاني وحاولت ومنزلش غير دلوقتي
.......
الفصل الثامن
أخذ يجوب الممر ذهاباً وإياباً وهو يتطلع كل لحظة للغرفة , لمَ لا تخرج إحداهن لتطمأنه على من تمكث بالداخل بين الحياة والموت وبسببه هو , ضرب الحائط بيده وحينها إستمع لرنين هاتفه فأخرجه سريعاً كى يجيب المتصل والذى علم هويته فهو قد تأخر بالفعل على موعدهم
- أنت فين يا بنى كل ده ؟ .. أنت شكلك كنت نايم وبت.............................
قاطعه قائلاً بقلق
- يامن إلحقنى أنا عملت حادثة وخبطت واحدة
...
بعد مرور فترة قصيرة
وقفت رهف فى منتصف الغرفة وسط الفتايات تتابعهم بعينها , معظمهم بنفس عمر لارا تقريباً وهذا جيد بالنسبة لها فعقليتهم متشابهة إلى حد كبير وهذا سيسهل عملها , إبتسمت ما إن إلتقت عينيها بعينى لارا والتى يبدو عليها الضيق بوضوح وهذا ما شجع رهف على البدأ
- أولاً أحب أعرفكم بنفسى .. أنا رهف .. اللى بتقوم بإدارة الجلسات مع كل الحالات اللى بتيجى
قاطعتها إحداهن قائلة بسخرية
- حالات !!
إبتسمت رهف قائلة
- أه حالات .. الكلمة مفيهاش أى شىء يعيبكم ولا فيها أى شىء يقلل منكم .. تعرفوا إنى وأنا أقدكم فى السن كان عندى فضول كبير أوى أعرف كل حاجة .. كنت تقريباً بسأل ماما عن كل حاجة أسمعها وهى كانت بتجاوبنى بكل معلومة أسأل عنها ووقت متقولى لما تكبرى هتعرفى كنت بسمع كلامها بس كان ...................................
قاطعتها إحدى الفتايات وهى تلوى فمها فتمالكت رهف أعصابها فهى تعلم أنها ستواجه كل هذا وعليها الصبر فقط لإجتياز تلك المرحلة معهم ليصبحوا رفيقاتها فيما بعد
- كانت ماما لما تقولى كدا كنت ببقى هتجنن وكنت ببقى عايزة أعرف فكنت بروح وأسأل صحابى واللى فى الغالب كانوا بيدونى إجابات غلط وفى منها بيبقى صح .. مش كلها طبعاً غلط بس الأساس والصح فى المعلومات كانت بتبقى ماما
قاطعتها الفتاة الأولى مجدداً قائلة بإستنكار
- ده معناه إن مامتنا بقى لما تقول ده مش وقته نعرفه نقول أمين ؟
أجابتها رهف بهدوء
- أيوة نسمع الكلام ساعتها .. عارفة إن تفكيرنا وقتها بيكون عامل زى المجنون بيروح هنا وهنا والفضول بيبقى قوى جداً عندنا لكن كل فترة بنمر بيها بيبقى ليها حاجات خاصة بيها .. حاجات مناسبة إننا نعرفها وقتها وبس .. هديكوا مثال الطفل اللى بيرضع ممكن نأكله شوكولاته أو نشربه قهوة حتى لو هو شبط فيها
YOU ARE READING
شهوه بإسم الحب " الجزء التانى من ما بين الحب والرغبه "
Romanceهل للقلب أن يُخطىء يوماً في من وهبهُ حُبه ؟ , هل يتحول الحب بداخل القلوب لِكره مهما إشتدت الخلافات ؟ , هل مازالت هناك تلك المشاعر بين الأزواج أم أن الشهوه قد تغلبت على الجميع فلم يعد مكان للحب بيننا ؟! لن أنتظر تلك المرة إجابة محددة فالشهوه عند الب...
