كانت اول مره اطلع فيها مشوار مع عبد الله، مشينا برشلونه بعربية هاجر ساقها عبد الله رغم انو كان تعبان وما مفروض يرهق نفسو ، وصلنا هناك وقعدنا وطلبنا اول مره كانت اتأمل فيها عبد الله كان شايل المنيو وبعاين في الطلبات أنا كنت بعاين ليهو في ملامحو💕 عيونو كانت حلوه شدييد و حواجبو غزيره ولونو أسمر سمار اكتر مني , أول مره كان هو زاتو يتأنق ويلبس قميص أبيض وبنطلون جينز وجزمه كلاسيك بالبني😍 مع ساعه من ck لما جينا داخلين كل البنات كانوا بعاينوا ليهو لاحظتا للمعجبات الكتااار الما نزلوا عيونهم منو واحنا قاعدين ، طلب و قال لي تاكلي معاي البطلبوا قلت ليهو طيب، في بتين ورانا كانوا بياكلوا مانزلوا عيونهم منو كلو كلو عينهم قويه وبيقطعوا فينا ونحنا قاعدين حتى ما عملوا لي اعتبار ، اللحظه ديك أنا ماعارفه الاحساس الجاني ده غيره ولا زعل ولا اسمو شنو المهم اتضايقتا من البنتين ديل حتى ماقدرتا اقعد مواجهاهم قلتا ليهو عبد الله انا عايزة اقعد هناك ، التربيزه فيها اربعه كراسي قال لي ليه! قلت ليهو ما مرتاحه هنا بس قمنا غيرنا مكانا بعيد من البنتين وقعدنا في التربيزه الفيها اربعه كراسي 😂😂 ناس المحل استغربوا فينا 😂👋 ، المهم بنتونس بمزاج وهو بحكي لي عن الجامعه وكان حاصل فيها شنو ، قلتا ليهو الامتحانات قرربت لازم تراجع حتى وانت في السرير قال لي اي ح اراجع بس لو انتي استاذتي قلتا ليهو اذا بتدفع لي قروش ماعندي مانع تاني مابقريك ساي 😂 قال لي انتي كعبه خلاص😂😂 لما جابوا لينا الأكل تلفوني دقا كان اسمر مارديت عليهو و اكلنا ، هو لاحظ لي صريت لما التلفون رنا قال لي ده منو؟ قلت ليهو اخوي بس ما تشغل بالك ، اكلنا وقعدنا اتونسنا وطلعنا قال لي الجو حلو نتمشى؟ قلت ليهو حاضر تمام .. مشينا شارع النيل ونزلنا من العربيه شربنا قهوه اول لما جابوها لينا وكنت بكب في السكر كان عبد الله بعاين لي قال لي قهوه ولا عصير منقا؟ قلت ليهو 😂😂 اي عارفه روحي بجغمسها خليك في روحك ، قام شال السكر وكب تلاته ملاعق زي ما انا كبيت و شربها قال لي مش العزومه على شرفك خلاص يبقى نمشي الاتنين بمزاجك , عاينتا ليهو وابتسمتا وشربناها بعدها قمنا اتمشينا كتير شديد لما المغرب اذن ، ركبنا سوا و لما قربنا للبيت قلت ليهو عبد الله ما تنزلني قريب قال لي ليه؟ قلت ليهو اخوي مصطفى لو شافني مشكله كبيره قال لي طيب على راحتك ، نزلني بعيد ودعتو ومشيت كان يوم حلو شديييد حسيت فيهو براحه رغم انو كنا متشاكلين ، لاقيت اسمر جنب بيتنا سلمتا عليهو ووقفتا قال لي إتأخرتي مالك ؟ كنتي وين! قلت ليهو ما عندك دخل ولا ليك حق تسألني ، قال لي سندس! قلت ليهو زي ما المره الفاتت مشيت وخليتني براي وما شلت هم ارجع بتين هسي ما تدخل ، قال لي سندس مشاكلنا كده ما حتتحلا قلتا ليهو وح تتحلا كيف بالله ! قال لي لما تكوني معاي في بيت واحد وقدام عيوني كده ح اتطمن وبالي يرتاح .. نططتا عيوني مخلووعه 😳 قلت ليهو قصدك شنو قال لي مهند أخوك و معاذ نازلين شهر واحد السودان يعني باقي ليهم شهرين اول ماويصلوا انا عايز اتقدم ليك واطلب يدك منهم رسمي ، الساعه ديك انا اتصدمتا ماعارفه الفرحه الغلبتني ولا عشان الموضوع خلعني ولا لأنو اساسا مافي زول قبل كده قال لي ح اعرسك ، قلت ليهو أسمر قام ابتسم لي وطوالي جهجهني😍 قال لي عيون أسمر قلت ليهو بس أنا ما كلمت امي ولا زهره صحبتي قال لي لو عايزة تعملي بوست في القروب زاتو اعملي😂 كلمي الدايراهم كلهم لأني منتظر بفارغ الصبر بس اخوانك ينزلوا السودان .. خجلتا شويه كده و قلت ليهو يعني نتخطب💕 اللحظه دي انا استنيتها سنييين يا اسمر قال لي نتخطب ونعقد طوالي زاتو 💜 قلت ليهو طيب خليني اطلع بيتنا لاني هسي اتوترتا شديييد .. ضحك وقال لي طيب خلي بالك من نفسك ،، ركبتا السلم بالعافيه اللحظه ديك أنا ابقى مرت اسمر💋 ياخ من بتييين انا راجيه اللحظه دي ، دخلتا غرفتي مبسوطه شديييد .. رسلتا لي اخوي معاذ هو كان الكبير فيهم قلت ليهو نازل بتين انت ! قال لي وهو بضحك عريسك اتكلم معاي امبارح وانتي الليله قلت ليهو عريسي😳 قال لي اسمر كلمني ربنا يتم ليك على خير .. انا الصباح كنت بتكلم مع امي بس قالت ما بتفتح الموضوع معاك الا انتي تحكي ليها قلت ليهو واخواني! قال لي عارفين كلهم بس كلام عقد ده ما ح يحصل انا اتكلمت مع اسمر وقلت ليهو خطوبه لحدي ماتجهزوا سوا للعرس ، قفلتا من معاذ مشيت المطبخ لقيت بلح ختيتو في صحن و بقيت باكل فيهو لا إراديا دخلت علي ماما قالت لي سندس الجرس ده بدق من قبيل ما سامعاهو ! زهره جات ودخلت غرفتك سرحانه مالك ، هي بتتكلم وانا برضو سرحانه وباكل بس نهرتني سندس😳 قلت ليها مالك بتكوركي يا ماما قالت لي انتي الايام دي بتسرحي كتير كده مالك 😒 قلت ليها مافي شي ارح لي زهره ، دخلت سلمت عليها وقعدتا قالت لي يعني لمن الزول يشتاق ليك كده 💜 قلت ليها كنت مشغوله الايام الفاتت ، ماما كانت عايزة تطلع ناديتها قعدت قلت ليها انتو الاتنين عارفين بي اسمر امي قالت لي اخوك كلمني الصباح بيهو قال دايرك ، قلت ليها اي زهره نطت قالت لي سندس اسمر ده انتظرتيهو السنين دي كلها هسي الحماس راح ! ماما قالت لي ما كنت بسألك لما تقيفي في البلكونه وطلعت وقفتك بي فايده وبقت بتضحك مع زهره😂😂 وبتذكروا في عمايلي عشان أصل لي أسمر ، جاني تلفون من محمد المحامي و قال لي بعد بكره عبد الله ح يمشي معاهو المحكمه قلت ليهو حاول تخلص الموضوع من جلسه وحده عشان عبد الله ما يتجرجر في المحكمه ، قفلت منو عبد الله رسل لي سندس ممكن اقول ليك حاجه! اللحظه دي ما عارفه ليه حسيت انو عايز يصارحني قمتا سبقتو ورديت ليهو " على فكره عندي ليك خبر حلوووو شديييد اسمر بعد شهرين حيخطبني" قفلت تلفوني لأني خفتا بعد رسالتي دي وتوتري زاد زياده ، زهره طلعت وخلتنا انا وامي .. ماما كانت عارفه اي شي عني و عن عبد الله كانت صحبتي شدييد عارفه اي شي عني بحكي ليها ، عملت فيها متفاجأه لي اخوي معاذ ، جاتني بعد خلاص عايزة انوم سألتني سندس انتي مبسوطه! قلت ليها طبعا ياماما انتي اكتر زول عارفه يعني شنو اسمر ، قالت لي ليه حاسه بيك ما كده قلت ليها متوتره لانو عبد الله ح يمشي المحكمه وانا ما ح اكون معاهو قالت لي ربنا يعينو وطلعت خلتني ، نمتا و فتحتا تلفوني الصباح لقيت رساله من عبد الله " صحبتي البايره ياخ الففف مبروك فرحتيني والله" ما قدرت افهم رساله عبد الله دي قاصد بيها شنو يعني راضي! ولا زعلان وكاتمها؟ قلت مدام هو اتعامل كده انا اتعامل برضو كأني ماعارفه شي ، بعد خلصت من شغلي ما مشيت عليهو كنت خايفه اواجهو وش لي وش ومافهمت خوفي ده من شنو ! اذا هو بارك لي عادي جدا .. يوم المحكمه الصباح رسل لي ادعي لي صحبك انا ماشي المحكمه مع المحامي قلتا ليهو موفق .. انتظرتهم في البيت لحدي ما المحكمه خلصت و لما رسلتا ليهو حصل شنو ! قال لي ما بوريك الا تجي البيت ، لبستا ومشيت ليهم البيت لقيت هاجر وخالتو وحبوبتو فرحانين ومبسوطين بي لما دخلتا .. لقيتهم جايبين جاتو قلت ليهم ده لشنو! قالو لي شوفي الورق القاعد فوق المكتبه .. نزلتا تحت لما شفت الورق 😍 لقيت المحكمه رجعت لي عبد الله كل ورثتو بما انو تقارير المحكمه والطب الشرعي سليمه فرحتا شديييد وقعدت اكورك ليهم فووق ماااقادره اصدق😍😍 .. طلعت ليهم وسالتهم عبد الله وين ! قالوا لي مشى يجيب بسكويت يانسون قال انتي بتحبيهو قلت ليهم الليله ح نعمل حفله عديل😂😂 ،، جبتا سماعاتهم وشغلتا التلفون بي اغاني سودانيه وقعدنا نرقص انا وهاجر ، هالتو وحبوبتو بعاينوا لينا مبسووطين كانوا شديد ، عبد الله لما جا وقف برا ورا الباب وكان بعاين لي وانا برقص مع هاجر وقف مسااافهه💜 بعد الغنيه انتهت انتبهنا انو جا ، دخل سلم وقال لينا وللله يا نسوان طلعتن رقاصاات😂😂 . اول مره احس بالخجل منو قام قرب علي انا وهاجر قال لي هاجر مزتنا العيله امشي كبي لينا الشاي قبل ما يبرد ، بقينا برانا واقفين قال لي اقول ليك مبروك اول ولا تقولي لي ! قلت ليهو مبروك لينا الاتنين .. ابتسم لي بملامحو الحلوه ياخوانا😭💕💕 اتكسرتا عديييل بعد الابتسامه دييك.. قلت ليهو يعني بقيت مليونير وكده قال لي اييك لسه بدري انا عندي خطط كتيره قلت ليهو المهم اعرف كيف تحافظ عليها و تديرها كويس وانت ياخ ح تكون خريج ادارة اعمال💜 قال لي ان شاء الله ، مشينا قعدنا وقطعوا الجاتو وادونا الشاي بي اللبن واي واحد ونصيبو كانوا بتونسو كلهم فرحانين عبد الله كان بحكي عن منظر اعمامو وهم يشوفو في التقرير و بضحك فيهم ، انا شفتا ابتسامتو قدر شنو حلوه💕 لما خلصنا من الاحتفال المبهج ده قلت ليهو يلا ياعبد الله انا ح امشي ودعتهم وطلعتا وهو طلع يقدمني ، في بابا الشارع جاني احساس كدهه ما مفهوم ما حسيت بي نفسي عايزة امشي و الوقت اتاخر والضلام جا بس برضو حاسه اني ما دايره امشي من هنا ، سالتوا عبد الله العلاج ماشي كيف قال لي كويس الحمد لله اتبسطتا شديد الليله لما حقي رجع لي والفضل يرجع ليك قلتا ليهو ماتقول كدهه طيب و القرايه كيف ! قال لي الشهر الجاي نازلين امتحانات السمستر بس اخد الشهاده و افتح المشروع العايز ابداهو , قلتا ليهو شنو ! قال لي ح افتح مصنع زيت سمسم الايام دي ماشي بطريقه سمحه في البلد ، قلت ليهو كويسه الفكره على فكره كمان انا بعملوا في شعري😂😂 قال لي شعرك 😂 قلتا ليهو ايوه ثال لي طويل ان شاء الله😂😂 قلتا ليهو ياسخيف ماظاهر يعني الطول الشديد ده😂😂 قال لي بتريقه شديدة ظاهر ظاهر ، انتي ح تقيفي كده في الباب قلتا ليهو يعني طاردني تاني من بيتكم صح 😒👋 ماشه زاتو وتاني ما تعزموني حاجه و انا ما ح اعزمك خطوبتي ولا عرسي يا كلب😒 ، عايزة امشي مسك يدي ماقدرتا اتلفت اللحظه دي قلبي دقا بطريقه سريييعه , جاني بي قدام وعاين لي في عيوني قال لي " أنا بكره أسمر لدرجه انتي ما بتتوقعيها ، ما ح احضر خطوبتك ولا عرسك وما تسأليني ليه ، لما ربنا اداني نعمه هو عايز يشيلها مني زي ما عملوا اعمامي ، انا بكرهو شديد قبل مايهو وقلتا ليهو بزعله انت منو القال ليك انها منوقسمة اسمر انت كان تعمل العليك بس ، عاين لي صاره وزعلانه ضحك لي وقال لي فجأة أنا بريييدك 💜 بريييدك شديييد💜 انتي حبيبتي الاولى والاخيره و اللحظه ديك بكيت بس ..
