غايتو الولد ده عوير خلاص😂😂 ساعه بستوعب في الباب انا منو ، قال لي الجايبك شنو من الصباح! اصبحنا واصبح الملك لله قلتا ليهو كويس انك بتعرفها قال لي يابت انتي قايلاني من آل ابو لهب😒👋 انا ما كافر والله قلتا ليهو ما حنك كدي اسمعني انا ح امشي الشغل واجي بعدين غاشياك تاني سمعتا، لحدي ما اجيك عايزاك تكون جهزتا لي سيره ذاتيه عنك ؟ قال لي عشان شنو بسم الله قلتا ليهو انتي مالك بس لحدي ما الاقيك قال لي سمح غايتو انتي الحمد لله بس ، طوالي مشيت على شغلي فتحتا الاابتوب و بقيت بقرا عن المخدرات و اسبابها و علاجها وكلام حبوبه صاح اول حاجه لازم تتعالج الوازع الديني بعد كده الطب النفسي قلتا ياسندس انتي لما تختي هدف في راسك الكبير ده بتقدري عليهو 😂 نمارق الشمار حارقها سندس دي بتجي بقت ومشغوووله كده في شنو ! تمشي وتجي في راسي لمن قبضتني بفتش عن المخدرات قالت لي ايوااا بس انا عرفتك بتكوني عامله ليك عمله وعايزه تتوبي عاينتا ليها بنظره حقاره كده وقلتا ليها يابت اجري شوفي كريمك بي وين👋 قالت لي اسمر سااافهك صح😒👋 قلتا ليها ومنو القال ليك انا شغاله بيهو قالت لي شفتو منزل بوست عن الشوق و كده شكلوا مرتبط قلتا ليها نمارق داااك اسمر خشي اسأليهو انا ما لي دخل بيهو 😒 عكرت لي مزاجي و جرت قعدت في كرسيها ، قمتا خليت ليها المكتب ورجعت بيتنا بس افتش واقرا عن المخدرات لمن راسي ضرب زاتو، عرفت انو التفكك الاسري هو السبب ، قعدتا غايتو ارتحت ونمتا بعد المغرب لبستا واتظبطتا و قلتا كدي ماشه لي بيت عبد الله نزلتا لقيت اسمر جاي من الشغل عاين لي من بعيد السلام عليكم قلتا ليهو و عليكم السلام و عايزة امشي وقفني جاني في مكاني قال لي انتي مالك ؟ قلتا ليهو بخلعه مالي! قال لي كنتي بتقيفي و تتونسي و تهظري معاي مرات حاسي انك بتتجنبي تشوفيني قلت ليهو لا ابدا بس بكون مشغوله قال لي شفتا البوستات البتنزليها في القروبات وحسيت كاني ضايقتك بدون قصد ؟ قلت ليهو لا والله ساي بس كلام و بكتبو قال لي متأكده ! قلتا ليهو اي والله قلت ليهو انت كيفك ؟ و حبيبتك ولا خطيبتك ! قال لي انا الحمد لله كويس و ضحك قلتا ليهو مالك بتضحك ؟ قال لي لأنو الهظار مابنفع معاك انتي صدقتي اني مرتبط؟ بالله الساعه ديك دايره ارقص من الفرحه بس عملتا فيها تقيله قلتا ليهو يعني انت ما مرتبط طيب يا استاذ ياكبير ياكاتب بتكتب لي منو الكلام ده؟ قال لي الكتابه ما دايره ليها حاله يمكن تكون الكتابه حاله ماعاشها الكاتب و كان نفسو يعيشها و قدر يعبر عنها بالكلام بس ، قلتا ليهو ايوااا يعني انت مامرتبط😍 قال لي اي ما مرتبط😂😂 قلتا ليهو كويس والله داير شنو بوجع الراس قال لي عطلتك ماشه وين انتي؟ قلتا ليهو ماشه مشوار مهم والله قال لي اوصلك ! قلتا ليهو ما بحتاج يلا سلام ، مشييت مبسوووطه بعد الخبر السمح ده لمن غشيت البقاله واشتريت علبة ماكنتوش💕💜 و مشيت لبيت ناس عبد الله اتبسم براي دقيت الباب فتح لي هو قال لي كيفك ياسندس؟ قلتا ليهو تمام الحمد لله قال لي كنت عارفك ح تمري لأنك ما عندك موضوع وفارغه شديد 😂😂 قلتا ليهو بالله زح من وشي و دخلتا البيت قال لي ماشه وين انتي😳 دخلتا طوالي جا وقف لي في وشي قال لي يابت انتي جنيتي اطلعي هسي لو شافك زول ! انتي ماممكن تكوني جريئه للدرجه دي ؟ قلتا ليهو عرفني على خالتك وهاجر وحبوبتك قال لي ماكفايه انا الفلقتي راسي و دي شنو الحلاوه دي جايه تخطبي منو انتي عاينت ليهو وضحكتا قلتا ليهو اخطبك انتي ، و هو بقنع فيني اطلع من البيت حلفتا ما اتحرك و طبعا شايفني واقفه ما اتزحزحتا بتكلم معاي بصوت واطي عشان اطلع .. عندهم سلم نازل في الحوش وبعدها باب الشارع نحنا كنا بنتناقش في الحوش و انا مقبله على السلم لمحتا بت جايه نازله قبل ما تشوفني شفتها اول ، بس طوالي عاينتا لعبد الله وقلتا ليهو عبد الله يعني انت هسي جايبني من البيت عشان تقول لي خالتك دي البت الدايرها ! طيب ما كان ممكن نتلاقى في مطعم معاها انت عارفني انا بخجل قدر شنو كمان غشيتني وقلت لي عيانه عشان ازوركم ! ياخ انا لو ما هي عيانه ما كان جيت عبد الله انا وريتك لحدي ما انت تخلص سنة الجامعه دي حتى بعداك نكام اهلنا بموضوعنا ليه مستعجل تعرفني على اهلك هسي😂😂😂😂 الولد بقى بعاين لي بخلعه😳 كنت عايزة البت تسمع وسمعت فعلا لما نزلت من السلم لفتتو عبد الله هو الساعه ديك ماقادر يفهم ويستوعب القلتو .. عاين ليها هاجر جيتي بتين عاينت لي نظام دي منو ؟ قال ليها هاجر سندس سندس هاجر بت خالتي قلتا ليها اتشرفنا قالت لي انا اكتر والله و ابتسمت قالت لي اتفضلي طبعا هو اللحظه دييك مابقدر الكلب يعمل حاجه 😂😂😂 قال ليها اي جايين يلا ياسندس 😒 هي اتقدمت قدامنا واحنا الاتنين بي وراها قال لي بصوت واطي والله هاجر دي تكون سمعت الكلام الفارغ القلتيهو نهايتك ح تكون على يدي ، قلتا ليهو بي مكاوه سمعت ياحبي😂😂 اساسا انا قصدتا اسمعها عشان تاني ادخل البيت ده بمزاااجي، عبد الله نطط لي عيونو قدر الفنجان😳😳 مشيت قدامو اعا دخلنا جوه الصاله بيتهم غريب زاتو تحت الحوش و السلم ده بدخل للبيت و في سلم نازل لتحت فيهو شقه كده واااو ، المهم هاجر تتبسم سااااي لمن شافتني وانا عايشه دور مرت الوحيد قعدنا انا وهو في الصاله وختيت علبة الشكولاته دخلت جوه نادت لي امها وحبوبتها سايقنها بكرسي المشلولين😿💔 جات سايقاها هاجر امها سلمت علي بترحيب و ناس بشوشييين شديييد وهو قااعد على اعصابو و متوتر ويهزز في رجولو ، هاجر جرت حابت لي العصير و المويه قلتا لي خالتو الف سلامه ليك ياخالتو والله عبد الله لما كلمني بالتلفون اصريت اجي اشوفك بقيتي كيف من اللوز ؟؟ قال لي التهابك تقيييل وهو بس ينطط في عيونو لي😳😳😳وطبعا المره عاينت لينا الاتنين بهجمه هي ولا عاينه ولا حاجه ختتها في عبد الله قالت احتمال يكون سكران لما قال ليها المهم ما دايره تحرجو قالت لي الله يسلمك بقيت كويسه الحمد لله ، قلتا ليها الحمد لله والحبوبه ديك تفحص فيني من فوق لتحت ، قالت لي عبد الله البت الحلوة دي زميلتك ! قال ليها اي زميلتي جات تشيل ورق الجامعه الكنت بجهز فيهو الصباح😒 قالت ليهو ايواا عاينت ليهو بطرف عيني وقربتا اضحك ، هاجر قالت لي ما حصل شفتك لما كنت بمشي الجامعه ليهو مرات قلتا ليها عشان انا اتخرجتا و بس بجي عشان عبد الله هسي الايام دي التسجيل فتح و قلتا ليهو الجامعه في طريقي بدل تقطع مشوار بسجل ليك انا ' الحبوبه دي اتبسطت انبساطه قالت ليهو اجري ياولد جيب ليها ورقك قال لي اي يايمى حاضر' عبد الله ده لما قال كلمة يا يمى دي😿💔 قلبي اتقطع، قام على حيلو ونزل غايتو بيتهم ده استايل تركي ولاكيف ما فهمتو المهم شي كده عجييب اها لما نزل بقيت انا ونسابتي الجداد ديل😂😂 اتبسم واتخجل وماعرفتا امشي وين قربتا ادخل تحت الكرسي .. خالتو جات قعدت جنبي قالت لي اهلك وين حبيبتي؟ قلتا ليها الشارع البعديكم قالت لي ايوا عليك الله لو محتاج مساعده في قرايه ولا كده ساعديهو لو لقيتي زمن من شغلك قلتا ليها والله بس عشان الشغل لكن ان شاء الله بحاول قالت لي عليك الله الود ده يتيم 💔 طبعا انا قلبي هنا بدا يرق شديد قربتا ابكي لأني كذبتا عليهم .. قلنا ليها ان شاء الله و سكتا هاجر قالت لي و الله انتي بس الاقنعتيهو يسجل لسنتو الاخيره دي وهو طول من الدراسه ياريت تديهو زمن وتفهميهو بما انك قريتي اداره اعمال برضو ، يادووب هنا حسيت بقيمة الكذبه💔 الناس ديل ختوا امل فيني طوالي هسي افهمهم كيف اني محاميه 😿 قلت ليها بإذن الله ، لما جا عبد الله طوالي هم سكتوا و غيرو الموضوع انا حسيت بي اني لعبتا بيهم 😿 وهم اعتمدوا علي حلفوا الا اشرب معاهم شاي المغرب هاجر وخالتها جروا جهزوه و جابو بالكيك و شربتا معاهم واتونسنا في الحكومه و البلد و الغلا و كده عبد الله كان ساكت اها قمت وقلتا ليهم يلا انا اتاخرتا الخاله حلفت الا اعيدها تاني😿💔 قلت ليها سمح ان شاء الله اها كلهم طبعا قعدوا و بس عبد الله ركبنا السلم ونزلنا للحوش😿 لما إتأكد انو مافي زول سامعنا كراني من يدي و طلعني باب الشارع و قفلو قال لي دي اخر مره تدخلي بيتنا ده سمعتي ، وانا سااكته قال لي الكذب الكذبتيو ده انا ح ادخل اوريهم انك وحده بتتعاطي برضو ، انا كنت ساكته وبعاين ليهو متأثرة من اهلوا ومن لهفتهم عليهو 😿 كملتا طريقي وخليتو يتم كلامو براهو ، قايل انو دي اخر مره اجيهم بس ما عارفني كوويس ، تاني يوم الصباح و انا ماشه للشغل ضربتا ليهو قلتا ليهو تلبس و تلاقيني في العربي والا والله اعمل فيها مرتك تاني و عارفني جني كذب قال لي دايره شنو قلتا ليهو اوراقك كلها عندي ورقمك الوطني وكل حاجه في الملف الجبتو لي ودخلتو شنطتي قال لي ما جاي ، قلتا ليهو ح تجي تلاقيني في جامعتك و ما على كيفك حتجي😒 اخدتا اذن من الشغل و طلعتا ركبتا لجامعتو منتظراهو وعارفاهو حيجي.. لما مرت ساعتين وانا منتظره بقيت بسأل في نفسي ياربي حيجي ولا ما حيجي😿؟
