يوم الجمعه عندنا كيف 😒 تجي حبوبتي من الصباح ماسكه جرس الباب ما بتفكوا الا نجي نحنا نقلعوا منها 😒 اول ما تدخل و تقول بسم الله كده تسأل مني امي . بتك البايره وينها !😒 اقول ليها يا حبوبه البايره فتحتا ليك الباب قبل شويه بس الخرف مشكله .. تقرصني من اضاني و تجرني جوه لحدي ما تقعدني في الارض انتي يابت ما جاكي عريس! اجي يا حبوبه نفس السؤال بتسأليني ليهو كل يوم جمعه و برد عليك نفس الجواب مافي عريس 😒 ويعني كان في ح ندس منك عليك الله يا امي تعالي شوفي امك الخرفانه دي مني .. و تديني تاني قرصه وتقول لي يا بت انا في عمرك شاييله سته شفع! سته يا حبوبه 😳 دي جديده الجمعه الفاتت قلتي كنتي شايله خمسه في عمري😂💔 قالت لي انتي لسانك الطويل ده كان اتكلمتي بيهو مع الرجال سممح ما كان عرستي ! هسي مافي محامي بالغلط جا المكتب الخلا ده .. و اقول ليها يا حبوبه و حاجات الله غير الشحادين مافي راجل بالغلط بجي و بعدين لو في رجال ح يعاينوا لي انا و يخلوا العوالق الهناك ديل😂😂💔 يا حبوبه عليك والله عايني لي روحك مرتين .. وتديني لبعه في نص ضهري انتي التعليمي لي روحك يا ماشبه البنات .. طيب يا حبوبه انتي عارفه وانا عارفه لزومو شنو كل يوم جمعه نعيد نفس الفيلم يعني😒 .. اقوم على حيلي اخليها تشبك امي بتك دي ح تقعد كده بس عااارض كيفن يعاينوا ليها و هي مبشتنه كده تأكل و تترقد من سرير لي سرير لما بقت قدر برميل جارتنا كلتوم الله يرحمها .. لازم اكورك ليها من المطبخ الله يرحمها الجمعه الفاتت كانت كلتوم عاايشه هسي قتلتيها 😂💔 والله لكن مره خرفانه صحي 😂 .. نتناقر كده انا و هي لحدي المغرب بحي اقعد تحت رجليها حبوبه عصري لي عندي قطيعه .. تديني لبعه تزيدها علي تقول لي قطيعه من شنو و انتي اليوم كلو مدردقه من المطبخ ل السرير .. قلتا ليها بس شفتي عينك دي هي سبب القطيعه 😂💔 تقعد تخبت فيني كدهه لحدي ما تمشي و تشبكنا سااعه في الباب الله يسلمك الله يبارك فيك .. نخلص من فيلم الجمعه البتعاد كل جمعه و اقول امشي ارتاح شويه يجيني اخوي الصغير مصطفى و ده اخر العنقود بعديني طوالي .. وانا طبعا بت وسط سته اولاد مزز و بعد ده بايره 😒 عريس واحد جاني من اخواني العوالق مافي اي واحد يجي داخل بيتنا يقول ليهو بس شفتا سندس دي زي اختنا و واحد 😒 اختكم يا كلاب هسي لو كنتا النوع السمح داك كان جو طايرين هواا .. اختك ما بنضيعها و اختك زيها وين 💔😒 اها اخوي الصغير ده في تالته جامعه جنو يشحدني قروش كل يومين يجي يحنكني و الله عايز اعزم حبيبتي و الليله عيد ميلاد صحبتي .. وانا يا يمى قريت الجامعه و طلعتا ساااي كدهه زول كان بجي يقعد جنبي مافي💔 كم عيد ميلاد بمروا كده بالسلام 😂💔 المهم انا بتحنك ليهو و بديهو و بقول ليهو اسمع انا دي يعتبرها صدقه جاااريه لي اخرتي😂 تتصدقها في حبيبتك و لا صحبتك و لا اي عولاق ما شغلتي اعرف اني مطلعاها صدقه .. و هو الكلب يشيلها و يقوم جاري يعديها رصيد و نقه و ونسه ليل كده دقاااق😳 اخوي الكان بلعب بالعجله اول امس بتكلم مع بت و بقول ليها اولادنا ح نسميهم كده وكده😳 و اولادي طيب مافي زول سائل عنهم ليه 😭💔 يوم السبت برضو معطله و قاعده في البيت ما عندي شغله غير اراقب الشغاله امسحي تحت الدولاب و جري الارض دي كويس و اجدع ليها قشر البرتقال في الارض و املا ليها الغرفه تسالي و ده كلو عشان اخلص قروش ابوي البتدفع دي😳 عاد البت بتكره يومها لما اكون قاعده و هي تجي تنضف .. اها بعد اكرهها عيشتها بشيل تلفوني و اضرب بي زهره اقول ليها جايه اشرب معاك الجبنه جهزيها و انا متأكده انها ما حتتحرك من سريرها و تجهزها لي 😒 .. طبعا الوقت ده أسمر بكون بلعب كوره في الميدان 😍 ولاازم اطلع مجيهه اعا بقوم ادعك دعك في الحمام و بجري اقسم شعري المنتف ده لي كعكتين وحده لافه شرق و وحده لافه غرب 😂👋 و بلبس شبشب امي السمح داك مليان ودع بي قدام لانو انا ما عندي شبشب اساسا غير سفنجه ابو حمامه ديك عايشه معاي تلاته سنين كل ما تتقلع اغز لي فيها مسمار 😂 و على كده بربط توب امي الهزاز و بلفو سبعه مرات في وشي و بطلع .. لازم اغير الشارع و الف بي ورا عشان اشوف فلان 😍 بجي ماره كده اول ما المحو من بعيد بفرمل حته حته و اقعد اتأمل وهو بلعب كده بالبرمودا و تشيرت الكوره و الشعر السمح 😍 و كل ما زهره تضرب افصل في وشها لحدي ما اصلها .. و تشبكني انتي يابت كنتي وين 😒 كان ما مسافه الزقاق الضيق ده .. اقول ليها ياخ مالك معاي انتي يا ام وش حرير ..القاها لسه بتحمر و تقلب لي في عيونها الكبار 😳 طيب مالك هسي في شنو ! تقول لي انتي متريحه بي خمره مالك 😳 اجي يا كدا خمره شنو 😳 يعني ماشاماها قلتا ليها والله ده توب امي لفحتو وجيت .. تديني تاني حميره و تمشي تجيب القهوه تختها و انا عارفه جبنتها مرره وانا بحبها بسكر لكن بس عشان خاطر الجميل النزلتا عشانو ده بشربها.. و اجغمها سرييع سريييع كده 😂 قبل ما تجي راجعه اللخت .. اها طبعا دايره افتح معاها موضوع أسمر عشان توريني حل اتصرف معاهو ❤️ اصلها هي تجي ماره بالشارع يجروا وراها عشره عرسان وانا يا يمى غيى كلاب حاج الخضر مافي حاجه بتسكني😂👋 .. المهم قعدتها كده و قلتا ليها اسمعيني انا بصراحه كده بحب واحد القى ليك البت بتضحك و تدردق من الضحك 😂 يعني انتي بتحسي و كده يا سندس 😒 طيب ما لي سنييين بقول ليك اشتري شامبو بانتين يرقد شعرك الناشف ده ماحسيتي مالك 😒 هسي زي دي بفضفضوا ليها .. قلتا ليها الله ينشف دمك 😒هسي ده وقت شامبو و شعرك الناشف يامعولقه اقول ليك انا بحب و عندي مشاعر و كده 😒 قالت لي بالجد يعني😳 و ده منو الموضوع ماعافيه عنو ده .. قلتا بيها أسمر💗😘 و البت اتشرطت تاااني من الضحك لما دموعها جرت .. قالت لي أسمر يا سندس بحااالو يا بت الراجل ده ما فضل الا يبقوهو ممثل 😍 يعاين ليك انتي 😒 قلتا ليها عارفاك وحده حقيره بس اقيفي معاي و ارفعي معنويات شويه قالت لي يعني اغشك 😂😳 قلنا ليها مش قلتي كده طيييب و شلتا شبشبي لبستو و قمتا على حيلي 😒 قلتا ليها من بكره بشوف لي اخوي معاذ الشغال في قطر و عندو عربيه و بيت هناك عروووس سمحه كده بتشبهو🐸 .. طوالي المعفنه جات جاريه وراي قالت لي كدي اصبري نتفاهم .. عارفاها الكلبه ميته فيهو من زمااان و مالاقيه فرصه عاد لكن ما اخوي الكبير و المروق😄 .. جات جرتني قعدتني و قالت لي يعني الزول ما يهظر معاك ياقمييل انت 😘 قلتا ليها قميييل بتاعت الساعه كم 😒 اها ح توريني اتصرف كيف ولا لا ! قالت لي ح اوريك و أسمر ده ح اخليهو يحبك بس لازم تسمعي كلامي و تعملي البقولوا ليك بالكربووون عشان يتلفت ليك
