الولد قال لي عفواً ! قلتا ليهو انت بتشرب في شنو ؟ وانا ببكي و بقش في عيوني بالطرحه .. قال لي انتي مجنونه ولا حاجه ! قلت ليهو مجنون انت يا اخوي😒 تتذكر لمن لقيتني في الاستاد وقعدتا تكورك لي يا مزززه راجلك عزااال و ترفع في يدك زي ضابط المرور 👋 ولا لمن خبطتا العمود و قايلوا راجلي ! هسي المجنون فينا منو الله يسألك يا مسطول يا بتاع البنقو .. الولد قام على حيلو جسمي لمن هبط خفتا يديني كف مع عيونو الحمر ديك بعد اللسان السليتو طووول السكه حديد ده خفتا .. قال لي انتي شكلك ما واعيه للبتقولي فيهو امشي من وشي لاني ما ناقصك يلا امشي😒👋 بي نهره و عيونو محمممرة ما عارفه انا البجد كنتا مسطوله اللحظه ديك ! بكيييت بصوووت ودموعي جرت الولد طوالي رخا قال لي انتي حاصل ليك شنو ! مالك خير ؟ ممكن اساعدك وريني بتبكي مالك و قال لي اقعدي واهدي كدي قعدتا في المصطبه كان خاتي عطر جنبو شالوا اتبخبخ كلوووو ملا نفسو عطر وجرا دخل بيتهم عرفتو عمل كده عشان ناس البيت ما يشموا ريحة السيجاير .. جرا جاب لي مويه في جك و كبايه و جا قعد في المصطبه كبا لي مويه قال لي اشربي و غسلي و شك شربتا و غسلتا وشي و يديني و شلتا من عطرو الخاتيهو في المصطبه ده و بخيت روحي زاتي بالله انتعشتا انتعاش😂😂💔 .. بعدها لقيت طرحتي و ده كلو هو بعاين لي لمن استوعبتا اني كنت بتعولق قمتا على حيلي قلتا ليهو اسفه ومعليش و بعتذر على الازعاج قال لي ولا يهمك مدا لي شنطتي الرميتها وانا ببكي وهو مخلوع بعاين لي .. قلت ليهو شكرا للمساعدة وجيت ماشه قال لي عموما الحاجه المزعلاك ما بتستاهل قدر ده ما تزعلي نفسك و عيشي حياتك كلها حياه وحده بس .. عاينتا ابتسمتا ليهو ومشيت كملتا للبيت لقيت الشارع فااااضي جرييت جررري قبل ما زول يشوفني😂💔 و كأنوا ح اتخطف مثلا! المهم لازم استقل فرصه الشارع فاضي و اقوم جاريه ..
مرا علي اسبوع وانا منعزله من الناس بس بمشي الشغل و برجع بتجنب مواعيد اسمر و ما بشوف البلكونه و حظرتاا رقمو من الواتس و لغيت الصداقه والمتابعة و ده كلو عشان انساهو شويه و بعد ده لمن ارقد بالليل كل يوم بتذكروا و ببكي براي 💔 زهره ما بلاقيها الا في الزومبا لاحظت لي بديت انحف بطريقه سريعه كانت مبسوطه و ماعارفه السر ورا ده الحزن السدا نفسي من الاكل 😭💔 لاول مره اوقف اكل كتير بسبب زول مزعلني و انا طول عمري ما بشتغل بي زول اسمر يعمل فيني كده 💔 حتى الشاي الاخضر الما بحبو بقيت بشربو اربع وسته مرات في اليوم و شعري الماوبسرحو بقيت كل يوم اسرحو و اواسي ضفوري ومرات اعمل منكير و ده كلو عشان اسد الفراغ و ما عايز يتسدا .. مرا شهر و انا قضيتو بدون اسمر و زهره كانت فاكراني بسفهه فيهو عشان تعليماتها هي ما عارفاهو طلع مرتبط 💔😭 .. بعد الشهر و نص مشينا نوزن لقيت نفسي من ٨٢ نزل لي ٦٥ زهره كانت مبسوووطه بالنزول ده اكتر مني وححلففت الا تمشي معاي السوق عشان اغير استايلي بقيت بقول اي و حاضر لي اي زول و مابعاند زول كانت نفسي مسدوووده من كل شي ما عارفه ملامحي اتغيرت من الضعفه ولا الحزن ! عموما الناس لاحظوا لي اني بقيت مززه و رشيقه و ملامحي ظهرت حلووه .. شعري كان ماشي في تحسن واااضح جدا و بدا يطول و سبيبتو اتغيرت وكنت بعمل ليهو حمام زيت في الشهر مرتين .. لما نزلت معاها السوق ما خلت لبسه وماطقمتها و ما خلت شنطه و جزمه و شبط ما اشترتو لي رجعنا البيت ونحنا شبه مكملين السوق😂😂💔 حتى عزمتني وافلي ❤️ ما اتخيلتا اني ما اقدر اتم الصحن وانا كنت بطلب تلاته طلبات! بالجد اتغيرتا ونفسيتي ماشه للزفت .. منوشدة ما اتغيرتا بقيت بتابع حاجات البنات على الفيسبوك و الاهتمام و النضافه والميكب و شلت رقم وحده بتبيع ميكب اشتريت منها ومشيت سوق بحري جبتا اكسسوارات و سعد قشره جبتا منو قماشات و طلعت قصات للفساتين بتاعت الاعراس وامي طبعا كانت مبسووطه انو بنتها بقت بنت عديييييل .. بمشي العرس بفستان بنات راقي و شبط وميك اب و حتى ناس الشغل و خالتو نفيسه لاحظت لي اتغيرتا رغم انو التغيير من بره كان ظاهر حلوو بس من جوه انا مدمره نفسيا و كاتمه احساسي ده جواي حتى شوقي كاتماهو جواي لي اسمر 💔 بعد شهرين ونص من عدم ملاقاتو اشتقت ليهو شوووق رهيييب قدر ما اقول ارجع اسال منو بتذكر انو مرتبط وانو اساسا ما حاول يسال من غيابي المفاجيء ده فياسندس انسيهو وشيليهو من راسك ..
يوم راجعه من الشغل قلتا اتمشى اساسا بقيت بحب المشي الكتير مشيت الصيدليه اشتريت فيتامين سي و بلعتو مع موية صحه كان بحافظ على نورتي و بخلي البشره مشرقه كدهه وقستا وزني طلع ٦٠ اتبسطتا شديد على الانجاز العملتو ده و كملت المشي .. جيت بجنب المعهد عاينتا من بعيد لي بيت المسطول ما لقيتو ! ضحكتا و اتذكرتا الدراما العملتها ليهو قبل شهرين كنتا عويرة شديد اليوم داك ياخي💔😭 .. لفيت بي شارعهم ومشيت طوييييل لما جيت راجعه لقيتو راجع في نفس اتجاهي و انا ماشه بي وراهو ماعرفتا اناديهو بي شنو ! جرررييت لحقتو لمن قربتا ليهو بقيت بمشي براحهه وعايزة الفتو ما عارفه كيف بس وقعتا شنطتي و قلتا يا الله بصوت عالي😂💔كان الولد اتلفت عاين لي ما اتعرف علي كنت لابسه اسكيرت جينز و الميكب و الحواجب و الحجاب بالطرحه النبيتي ❤️ وانا سماري مع لون القميص الابيض و اسبورتيني الابيض كنت نجفه تسو كدي👋 ولابسه شنطة ضهر كيووته باللون البيج الغااامق في علاقه منزله زي كديسه كده من الريش .. الولد ابتسم لما اتلفت انا شلتا الشنطه نفضتها و لبستها لمن عاينت ليهو عملتا فيها كاني يادوب شفتو قلتا ليهو انت😳 قال لي شكلك مااغرييب علي طبعا الجسم اتقسم وخصري قدر رقبتي بقى .. قلتا ليهو وانا بضحك طبعا ما حتعرفني ومديت ليهو يدي انا سندس عاين للساعه الابساها وقال لي و انا عبد الله ❤️ قلتا ليهو اتشرفنا ياعبد الله و مدام انت عبد الله ما تعبد الله و تسيب البتعمل فيهو دا .. قال لي 😒 عفوا 😒 قلتا ليهو بهظر ياخ قصدي السيجاير كان ماسكها في يدو الشمال لما سلم علي .. ضحك و قال لي سيجاير عادي غير مضر بالصحه بس عاين لي كده قال لي ايواااا اتذكرتك انتي الكنتي بتبكي 😂😂 اليوم داااك ايواااا .. بالله الولد لمن خلعني بالجد مسطول بعد مسافه حتى يتذكر قلتا ليهو ياني انا زاااتها سندس .. قال لي اتغيرتي لكن 😳 قلتا ليهو ما اتغيرتا بس انت شفتني في الضلام على فكره. انت لاقيتني في الاستاد و قلتا لي قام وقفني قال لي ما تعيدي لي قصصك دي عليك الله .. عايز يمشي قمتا لحقتو تاني بي وراهو ماشه قلتا ليهو انا محاميه قال لي كويس طيب جيتو بالناحيه التانيه و انا ساكنه في الحله الجنبكم قال لي طيب بالهنا عليك .. قلتا ليهو انت ثقيل كده ليه 😒 قال لي انتي دايره مني شنو ؟؟. قلتا ليهو عايزة احكي ليك انت الوحيد الحتفهمني . عاين لي مخلووع وماقادر يعبر 💔😳 قال لي انا ما قادر اصدق البتقولي فيهو ده اناي يابت غريبة كده مالك ؟ .. قلتا ليهو مامشكله خلاص ما ح احكي ليك و جبت امشي عارفاااهو ح يوقفني خلاني وصلتا نهايه الشارع ناداني سندس! وقفتا ليهو جاني في مكاني و قعد في مصطبه جنب باب بيت ناس بي فوقها شجره كبيره كده قال لي تعالي اقعدي و احكي كنتي مالك رغم انو قصه حياتك ما بتهمني لكن شخصيتك غريبه وعجيبه بس ابتسمتا ليك ليهو كده وجيت قعدتا .. كنتا بحب اللحظات الغريبه زي لما اتونس مع الكمساري او اشرب شاي مع بتاع الاورنيش او الم الزباله مع البنضف لينا المكتب كنت كده احتمال الناس كانوا بشوفوني مجنونه او قليله ادب بس انا كنت بحب الحاجات الغريبه مثلا اقول لي واحد في الحافله قميصك حلو وعجبني وهو يكون قميصو زي وشو😂😂💔 عموما كنت شخصيه كده صعب يتفهم في راسها شنو ولا هي عايزة تصل لشنو .. قعدتا مع عبد الله وانا كان نفسي اتعرف عليهو ليه مابعرف! قعدتا معاهو ووبديت احكي ليهو قصتي مع اسمر من بدايتها لحدي لحظه الشاكوش💔 والمهم انو عبد الله ما سيء للدرجه الكنتا متخيلاها قعد يسمعني و انصت لي كأنوا مهتم للقصه في الحقيقه لفت انتباهي ليه ما بعرف برضو فيهو شنو خلاني اركز معاهو😂💔
