قعدتا مع زهره صحبتي عشان تفهمني اعجب أسمر ده كيفن😂 و اوصلوا البيت للعرس عديل .. اها تقوم و تقعد و عاشت لي الدور وتنصح سااي اول حاجه قالتها لي لازم تضعفي ياسندس انتي ماشايفه نفسك برمييله قدر شنو! قلتا ليها لااا كلو الا الضعفه 😂 انا ممكن اعيش من غير أسمر و ما اعيش من غير اكل كتير😂😂 قالت لي مش قلتي خ تسمعي الكلام ! قلتا ليها خلاص ما ح اقاطعك واصلي اها وبعد اتقسم نصين الله يقسم راسو ده قالت لي يابت😳هسي ماقلتي حبيب القلب و بتاع .. قلتي ليها تمي عليك الله راجيني شغل بكره 👋 قالت لي ح اعمل معاك رجيم ظااابط يضعفك شويه شويه كده لانو بصراحه ياصحبتي الزومبا ما ح تقدري عليها قلت ليها ما تخليني اقوم اوريك بترتر كييف🐸 قالت لي لا عليك الله ما تتخجي لي زي قزازه البارد .. تاني حاجه انتي ما تهربي كل ما تلاقيهو يعني مثلا لما تشوفيهو في الشارع سلمي عاادي بدون ما تتعاوري عادي يعني هو ولد جيرانا وكده 😒 ما لازم تتكبكبي كل ما تشوفيهو قدامك قلتا ليها عاد لكن عيونو دي ما شي كده خطييير مابقدر عليهو 😘😍 قالت لي تالت حاجه يا ستي ح نزور الكوفير كل يوم سبت تظبطي شعرك و اضافرك و لونك ده خليهو زي ما هو لأنو لو جيتي تفسخي ح تحتاجي براااميل كريمات و انا عارفااك قروشك دي ما بتطلعيها بالساهل كلو كلو ..قلت ليها كلووو الا لوووني الدايرني وانا زيتونه كده اهلا بيهو و المادايرني الباب يفوت بقر قالت لي والله بقره غيرك هنا مافي ياصحبتي😂😂 قلتا ليها طيب خلاص عشان اسمر ح اخفف العيش من تمنيه لي سته و بدل الشعيريه باللبن بتاعت الصباح ممكن اكل بسكويت ده كلو عشان عيونو الاسمر الجميل ده 😘😍 قالت لي يلا اتفضلي اطلعي سرررعه من خلقتي لأنك جبتي لي الشلل و عليك الله ما تمعطيني في التلفون بس اسمر عمل و عمل و بقترح البلكونه دي ما تعتبيها تاتي قلتا ليها الا البلكووونه دي بدايه قصه حبي هناك 😍 .. طلعتا منها وقلتا بالجد اقوي عزيمتي و بعد ده ابقى شبه البنات ياخ بي ليلي داك جريت شلتا الفازلين واتجلبطتا وشلتا تلفوني فتحتا الفيسبوك و القى ليك في وشي 😍 اشخاص قد تعرفهم اسمر منهم 😘 طوالي دخلتا الصفحه وقعدتا اقلب و اقلب و اسمر طلع كاتب ياسلاااام 😍 لمن قلبي انشرح الصفحه كلها كلام حب و كلام موزون و لغه عربيه فصحه و انا طبعا اسمي ما بقدر اكتبو بالعربي😂😂 .. قلت كدي اجيب لي قلم و ورقه و بدل شغل المحاماه الما جايب حقو ده كدي النطلع موهبه الكتابه الدفينه جواي دي عسى ولعل اقرب لي قلب أسمر 😍 قدر ماعصرتا مخي كلمتين سمحات ما طلعوا رميت الورق ده هناااك و اتلفلفتا بالغطا ونمتا .. صحيت الصباح متأخره بسبب السهر ما متعوده لكن على السهر و لا يوم اتخلطتا بالليل 💔 و ما جربتا احساس تلفونات الليل دي قمتا اتنفضتا من سرير و عاينت لي روحي في المرايه والله كلام زهره صحي ! انا ليه مبشتنه قدر ده 😳 حنيت على روحي و حااات الله و لبستا عبايتي و رقدتا الشعر بمويه و بالفرشه سريع سريع و نزلتا طبعا فوتا مواعيد اسمر البطلع فيها 😭💔 مشيت الشغل زهجااانه ومعكرره من الزعل ما فطرتا البوش مع خالتو نفيسه 😭😭 لقيت في المكتب ورق بتاع و حده عايزه توثق بيتها قلتا اشتغل فيهو لحدي ما يومي المعفن ده يخلص 🐸 .. هو بخلص كيييف و انا لسه ما عتبتا جاكسون وغايتو اليوم الكعب ده بااااين من عنوانو مشيت جاكسون لقيت الارض صحراااء بس و الدنيا كلها فارشه جرايدها و قاعده .. اجي! في شنو الليله حفله شاي😳 اي بتين خاتين في نصهم كيس تسالي و بتونسو و في النوع المستغل حكايه الضلام دي تلقاهو خاللط حبيبتو بعيييد من الناس 😒 و النوع البتشاورو في مواضيع العرس و الشيله غايتو في واحد و خطيبتو لقيتهم بتشاكلوا لما لقيت لي فرقه كده في الارض افرش فيها جريدتي اعاين لي جوز اللوز ديلك اتصالحوا 😂😂 هي لكن ما الفراغ بعمل اكتر من كده .. و المره البتقري في شافعها تحت النور و وحده شكلها ماشه عرس واقفه ورا الهايس تظبط في وشها قالت احسن نكسب زمني😂 .. اها انا لا وراي زول بسأل مني ولا زول يدق لي بالغلط انتي وين ناس البيت التقول مأجرين لي في داخليه بس فالحين يسألوا صرفتي و لا لسه👋😒 .. اتربعتا في الارض اعاين لي ديل و ديل و جنبي بتين ما خلن بت ما قطعن فيها وغايتو بنات حواء ديل لمن يقومن صعبات خلاص .. وانا منتظره كده اشوف ليك طرف حافله من بعيييد لمحتو شلتا شنطني وقمتا جاريه قبل ما الخلق ديل يلمحوا معاي و اول ما وصلتا وسألتو ماشي على وين ! شاف وشي ما بستاهل التوصيل قال لي ما ماشي يا اختنا😒 يمشي فيك قطر انت يايمى بالله ما اتحرك دقيقتين لقتو وحده نجفه بس لابسه بنطلون و فاكه الشعر وشكلها مضيفه سألتوا ماشي وين ! بس ما سمع الصوت المعفن قال ليها ماشه وين انتي ! قالت ليهو مدينة النيل قال ليها لو مامشي مدينه النيل هسي بشحن عشان خاطر عيونك .. ادتو ليك بسمه بسمتين كده ركبها 😳 اجي و انا الواقفه الملطوعه لي خمسين ساعه دي😳 .. قعدتا انبز فيهو و انا ماشه ارجع ادخل جوه الاستاد بس سمعتا زول بكورك لي من بعييد انتي 👋 ااي انتي 👋 اتلفتا ليهو لقيتو ولد حلاتو كده سكران لاخر حد ماشي يترتح .. قايلاهو بتكلم ساااي قال لي انتي👋 و راجلك ده عزاااال لكن يااامان 😘😍 .. قلتا في سري بسم الله الرحمن الرحيم راجلي وينو 😳 بس الولد شغال يقرب و يكورك انتي .. راجلك عزااال لكن 😳😳 الخلعه مسكتني و خوفتا عدييل ما عرفتا اتحرك بي وين .. الولد لما قرب لي اتخيلتو ح يضربني .. بس هبش العمود الجنبي اداهو ضربتين زي كانوا بضرب في زول في كتفو و قال ليهو مرتك سمحه يا اصلي😘 .. وعاين لي ومشى بقيت بعاين في روحي من فوق لي تحت 😳 انا و راجلي ماعرفتا اضحك ولا اعمل شنو .. الغريبه انو الولد ده ولد ناس و لبسوا كويس 😳 ما زول سكران ساي .. حيرني والله لأنو زول شاب وجيه و صغير البخليهو يسطل كده شنو 😳 ..
ملاحظة
القصه دي تفاصيلها حقيقيه يا جماعه ..
