عاينت للمسطول مخلوعه وحات الله الولد ده مستحيل يكون بيتهم كده😳 بالله مصطبة بيتهم انضف من وشي 😂👋 دخلنا الصاله وانا مصدوومه من الشفتو لاقينا الكوتش وعامله كده زي الزرافه ضعييفه وطوييله و خاته روج بنفسجي في خشمها و تلوك في لبانتها قلتا لي زهره بس ما تكوني ناويه تبقيني سلك اقاشي زي البت دي😳 قالت لي والله انا شايفه احسن ليك تلمي لسانك ده عليك و ارح .. اعا طلعنا العبايات ووقفنا البت في اتجاه و الصف كلو قي اتحاه وانا في اتجاه برااي يمشوا يمين امشي شمال يطلعوا فوق انزل تحت 😂 يهزوا يمييين انا بشتغل هزاز كلي ما قادره افرز يمين من شمال وين😂😂 اتعولقنا كده ونفسي قام وقعد قطعت الرقصه مليون مره اطلع ابل ريقي بالمويه واجي داخله تاني القاهم بترتروا لي وراا😂😂 وانا لما اجي اترتر بدي البي ورا لزه لي هناااك غاادي .. الساعه مرت كيف ماعارفه لبسنا عباياتنا وطلعنا انا وزهره لما ماشين كشفتا يمين شمال مالقيت المسطول ! اجي مشى يسطل وين ده كمان .. واصلنا مشي لحدي البيت لما جينا بالميدان لقيت اسمر بلعب في الكورة😍 وخلاص شكلوا اخر شوط .. شايل منشفه كده و قزازة مويه بشرب و بنشف في عرقو بالله وقفت زي العويره اعاين ماقدرتا افوت المنظر السمح ده مني زهره واقفه تحمر لي لمن لقت مافي امل اجيها 😂👋 قبلت علي قالت لي عليك الله أكلي الولد 😒 قلت ليها اححح ده كان بيتأكل كنت أكلتوا جاتو بالله ولد زي كعك السكر💜 هو اتلفت كده لقانا بنتكلم من بعيد اها انا ما صدقتا قلتا لي زهره شفتي ح يجينا لانو بعرفني طبعا من اليوم داك خلاص اتعرفنا قالت لي بالله يعني تفتكري ح يجي من هناك عشان يسلم على حضرتك ! قلتا ليها طبعا ح يجي قالت لي سندس😒 ماتوهمي نفسك ساي بالله اها اتشارطنا ح يجي يسلم و الزول من بعيد واقف عاين لي جوه عيوني و كمل طريقو بهناك .. زهره دي ضحكت في نص الشارع وانا تمليت ملا منو😒 شميتو شدييييد اللحظه ديك كملنا طريقنا و اي وحده دخلت بيتها جريت غرفتي شلت لابتوبي دخلت صفحتو بتصفح وبنبز فيهو ..و انا داخله كده هو نزل بوست فيهو " ذات ليله ، رأيت القمر في منامي آتاني يمشي على استحلاء ،، ما كنت أدرك أن القمر ينزل أرضاً حتى في المنام ،، ذاك التواضع أخجلني حقاً " مافهمتا شيء من البوست صراحه 😂 بس كلمة تواضع دي حرقتني و قمتا كده علقتا ليهو انت اكبر واحد مفتري على وجه الكره الارضيه .. ما اتوقعتو يرد علي بعد نص ساعه كدهه دخل ولقاني اول كومنت انا طبعا😂😂 شاف الاسم سندس زاتها زي ماهي عرفني طبعا اخت مهند قام رد لي بي زهور حمر بس .. ما اشتغلت بيهو وطلعتا من الفيسبوك الصباح انا ماشه للشغل لاقيتو عايز يركب برضو عربيتو بس اول ما لمحتو قلت انا مستحييل اسلم عليهو زعلتي ماراحت يحرجني انا ! بس جيت ماره ولا كأني بعرفو عاينت ليهو في عيونو واستمريت غااظتوا السفهه و كورك لي سندس ! قلت ليهو خييير ؟؟ قال لي اسف والله امبارح انا جنبي شباب ما قدرتا اجي اسلم عليك وسط الكم الهائل من الاولاد ده عشان ما تقولي سفهتك ولا طنشتك امبارح قريت الكومنت بتاعك و عرفتك متضايقه كانت معاك صحبتك .. قلتا ليهو احرجتني قدام صحبتي و على فكره انت لو ما بتعرف اخوي انا اساسا ما بقيف اسلم عليك و كلو هو سلام الله بس قال لي بعتذر بعتذر والله اسف 💜 قلت ليهو ما حصل شي بس اتغظتا من حركتك لكن يازول عادي بتحصل يلا عشان ما اتاخر من شغلي قال لي ممكن اوصلك طيب! بالله قلبي وقف الساعة ديك😳 اسمر عايز يوصلني براهو كده ؟ 😳 ريحة الودك عملت سحر ولا شنو 😂😂 قلتا ليهو مادايره ازعجك ونهائي ما كانت طالعه من قلبي لكن اصر قلت خلاص اركب وما اتعاور فرصه وحده في العمر اها ركبتا قداام مكاني💜😂😂 وطلعنا انا في الطريق بس اتذكرتا نمارق قلتا كده شلتا تلفوني وفتحت الوتساب رسلتا ليها قلتا ليها مش نفسك تتعرفي على اسمر هو جاي يوصلني خليك مع خالتو نفيسه بره لانو ماشي سريع بس اتاكدتا انو الرساله وصلت 😂😂 قبلتا عليهو اتبسم قلتا ليهو بما انك عذبت نفسك و اتكلفت بي توصيلي انا ح اعزمك كباية شاي بي نعناع من يد خالتو نفيسه رهييبه 💕 ضحك وقال لي مره تاني عشان وراي شغل قلتا ليهو لااا مستحيييل مره تانيه لااا😳😳😳 هو اتخلع دي مالها بتكورك ومنفعله ماعرفني سمعتي ح تضييع اذا ما مشى نمارق ح تمسح بي البلاط ..هو يحلف وانا احلف لحدي ما اقنعتو وقلبي برد وصلنا و نول معاي لقيت ننارق قاااعده مع نفيسه 😂😂 عااد من شافتو دايره تجي مدردقه ملفوفه زي فطيره الطعميه .. غليتو ثبتت نفسها بالرجاله قلت ليهو اسمر دي خالتو نفيسه سلم عليها و دي زميلتي نمارق سلمت عليهو استاذ اسمر لي الشرف والله كان نفسي اقابلك ولسه دايره ترغي اديتها حميره😒 قلتا ليها نمارق خليهو يتفضل يقعد عشان هو مستعجل اها قععدنا التلاته مع خالتو نفيسه و عملت لينا الشاي الاحمر ابونعناع حاااايم اخضر💜😍 اسمر قال ليها زي ماقالت سندس ما شاء الله الطعم مافي زيو قالت ليهو كتر خيرك يا ولدي ❤️ نمارق تشيل وتعاين ليهووالكلام ما بقعد في خشمها كلووو كلووو قامت قالت ليهو والله يا استاذ انت كاتب رهيييب بمعنى الكلمه انا من زمان بقرا كتاباتك واسلوبك في السرد مبالغه وعندك قدره بتاعت وصف رهييبه كده ماشاء الله يعني الزول بعيش الحاجه معاك وبزعل وبفرح بنفس طريقة سردك و مشاعرك بتصل للطرف البقرا بنفس الاسلوب والله يا استاذ لو كنت عارفاك صديق سندس من زماان وعشرة عمر و صاحبها القريب ما كنت ضيعتا فرصه لقاك والله لمن سندس قالت لي واعترفت اخيرا انها بتعرفك من زمااان و انتو اصحاب شديييد لمتها وقلتا ليها ليه ما قلتي لي من زمان .. بالله انا قدر ما قلعتا ليها عيوني عشان تسكت ما سكتت الا لما فضحتني و المطره صبت فووقي 💔 اودي وشي ويين انا من اسمر هسي .. هو شرب الشاي و كملوا و لا كأنوا سمع حاجه و بعد هي خلصت كلامها ابتسم ليها وقال ليها سندس بطبعها كتومه من زماان كده وعاين لي بعين جااادهه💔😭 ماعرفتا دي بعني اصبري لي ولا شنو 💔😭وقام على حيلوا قال لينا يلا سلام عليكم عشان وراي شغل كتير ..
