رجعتا البيت مبسووطه من كلام المسطول 😂 اتضاحك واتبسم براي في الشارع وكل ما اتذكر جملة عزااال لكن بضحك لما بطني توجعني 😂 وصلتا البيت و يومي انتهى كده .. صحيت الصباح على كمية من رسايل من زهره " سندس صباح الخير . رسلتا ليك عيش رجيم اسمر مع اخوك فيهو اربعه عيشات كل وجبه تاكلي فيها وحده سمعتي؛ وحااات الله اغشاك المغرب القاك لهطتي الكيس كلو من الصباح ما بخليك 😒 الريجيم ببدوهو حبه حبه يلا سلام " اجي يا حبه حبه 😳 عاينتا للكيس لقيت الطرقات ديل 😳 غايتو غصبتا روحي و اكلتا وحده مع الشاي وخميت الكيس و قمتا اتجهزتا ومرقتا اول ما فتحتا باب الشارع القى أسمر بفتح في عربيتو😍 بالله احساس الإنتعاش بالليمون 😍 وقفتا عاينتا ليهو كده وكان عايز يدور بس كوركتا قبل ما يركب أسممممر ..الولد اتلفت مخلوووع 😳 معقوووله الصوت ده طالع من بت 😳 معقوووله الكوراك واللعلعه دي من البت دي 😳 .. قمتا جرييت عليهو قلت ليهو اهلا قال لي اهلا ..قلت ليهو معليش مابتعرفني انا اخت مهند ! قال لي مهند ولد جيرانا ! ياسلاام اتشرفنا ياخ ماكنت عارف عندو اخت وبعاين لي بإستغراب كده 😳 قلت ليهو معليش بس كنت عايزة اسالك اذا واصل الخرطوم ممكن توصلني المكتب ! " وانا عاد عارفه مكان شغلوا ومكانات حوامتو و كل التفاصيل عندي " قال لي طبعا العفو اتفضلي .. بالله فتحت الباب منشرحه كده كأني خطيبتو ولا حاجه وقعدتا قداااام معاهو 😂😂 الطريق كلوو هو يتبسم وانا اتبسم غير وصفتا ليهو الشارع ما اتكلمنا في حاجه وانا رجليني بتحت اي ركبه تضرب اختها 😂😂 اها اتخجلتا كده لحدي ما وصلني المكتب جنب الباااب خالتو نفيسه من بعيد الشمار قاااتلها قربت تجي داخله جوه العربيه تشوف السمح ده منو 😂 نزلتا وودعتو و كأنوا خطيبي وحاات الله 😂😂 مشيت ليها سلمتا عليها قلتا ليها صباح الخير قالت لي صباااح الورد لكن الورد ماعندك .. قلتا ليها يامره عليك الله خليك في علب الشاي حقك 😂😂 دخلتا المكتب الإبتسامه لي اخر سنه لقيت البنات مافي 😳 قعدتا كده مستمخه شويتين كده جات داخله نمارق صاااره وقالبه خلقتها من شفتها ليك ما عامله حواجبها وضع طيران 😳عرفتها منفسسسنه اها نمارق دي كلوو ولا حواجبها عاد كان ما ظبطتهم معناها في كااارثه قووويه حاصله يا ضفرها اتكسر يا ما عملت استشوار امبارح .. جريت كرسيني كده عليها وقعدتا جنبها قلتا ليها اها يا بت قولي مشكلتك شنو جايه كده قالت لي لو سمحتي خليني في همي .. دايره اضحك لكن ماقادره 😂قلتا ليها اها همك ده يطلع شنو يا اللخت قالت لي سندس😒 قلتا ليها قولي و فضفضي قالت لي زعلانه لانو امبارح حفله الكتاب و الشعراء والروائييين❤️ الكانوا عاملنها في الكافي فاتتني .. اجي😳 من بتيييين انتي بتعرفي للكتابه كمان ياحجه ! قالت لي انا كنتا عايزة احضرها عشان اشوف واحد هناك ماعشان الكتب قلتا ليها ايوااا قولي كده من الاول 😂😂 قلتا ليها و يطلع منو الاخ ده ! قالت لي واااو كاتب فظيييع ما شفتيهو وزوق و ماشفتي كومنتاتو للناس و ردودو ببريستيج كيييف ! قلتا ليها كفايه كاتب واحد عليك الله الفي حياتي مكفيني .. قالت لي اسمو اسمر تعالي اوريك صفحتو . وقفتا على حيلي قلتا ليها اسمر😳 قالت لي بتعرفيهو قلتا ليها انتي يابت عويره نحنا عشره عمر كمان ده كلاامك 🐸 يابت ده صحبي الروووح بالرووح اي طلعه و مشوار مع بعض عاينت لي وقالت لي سندس بطلي الكذب قلتا ليها يابت انا من بتييين بكذب🐸 اقول ليك الولد ده فردتي عديييل " اها انا كمان عشتا الدور لما صدقتا و فتا صحبتي زهره في الكذب والدراما " قالت لي مستحيييل اساسا يصاحبك قلتا ليها دييك خالتو نفيسه اجري اساليها الوصلني الليله الصباح منو ح تقول ليك اسمر 😍 قالت لي الا نمشي نسالها عشان احددها معاك .. اها اتعاورت معاي كده لمن نزلنا جرت ليها يا خالتو الوصل سندس منو اليله .. بالله نفيسه دي كمان التقول مورنها عاينت لي وابتسمت قالت ليها عاد لكن ما راجل السرووور والهنا اريتو راجلك يا نمارق كان شفتي الوسامه والجيهه والعربيه الما خمج .. عقبال البايرات الهنا كلهن كده شاحده ربي يديكن زي عريس سندس.. قربتا اجري غليها واقول ليها ده شنو الاوفر ده ياخالتو😂😂 عايشه الدور كده مالك .. المهم زولتنا دي طلعت فوق مصدقه باقي اليةم ملو تعاين لي 😒 قالت لي خلاص عرفيني عليهو يوم عليك الله نفسي اشوفو من قريب و اسألوا كتاباتك السمحه دي لمنو .. عاينتا ليها كده مرتين قلنا ياربي البت دب ناويه تشلبني بسماحتها دي 👋 قلتا ليها بشوف طيب يوم بجيبو ليكم تتعرفوا بيهو كلكم هنا لكن اليوم داك شغلي كلووو عليك فهمتي قالت لي زي الهبله خلاص تمام .. اليوم ده رجعتا مبسوووطه من المكتب والمعنويات طايره السماء المواصلات كانت قاعده فااضيه 😳 دي رجل اسمر السمحه ولا شنو .. رجعتا البيت وضربت لي زهره قالت لي اها اكلتي القلتو ليك ؟ قلتا ليها اي و انا نسيت العيش لمن خمر 😂😂 اتذكرتا اني اكلتا فته عدس ظااابطه بالشطه والليمون مع خالتو نفيسه ..قالت لي سندس بكره ح نمشي الكوفير قلتا ليها بكره شنو هو ذكريني ! قالت لي الجمعه .. وووب انا من الجمعه وحبوبه 😂😂😂قلتا ليها بس وراك عشان حبوبه دي .. قعدتا غيرتا و جيت اكل اتذكرتا اسمر قلتا لي نفسي انا ليه ما اتغير واضعف و ابقى سمحه ! بي لوووني الأسمر ده وشعري القبل الكتف ده ! بس انا ملامحي حلوه لو ضعفتا كمان بظهر زياده .. والهاشميه والعزيمه شالوني فوووق للريجيم😂😂 ضربتا لي زهره قلتا ليها انا عايزة انزل زومبا و رياضه مع الريجيم قعدت تضحك قالت لي بقيتي بتخوفي قلتا ليها انا جاده وحاااات الله قالت لي طيب في معهد نهاية الشارع نسجل فيهو السبت ! قلتا ليها تمام وقفلتا ..هي المعهد ده وين 😳 نهايه الشارع يعني كل يوم ح اجي ماره جنب ميدان الكوره 😍 .. رياضه السرورو يا يما وقمتا ارقص💃
