انتظرتو ياجماعه وما جا 😿 ساعتين وتلاته و اكتر من كده و ما جاني💔 كمية الإحباط الحسيت بيها الساعه دييك .. رجعتا البيت زعلانه منو شديد ومقهوره حلفتا تاني ما ارد عليهو يومين بدق لي ابيت ارد عليهو تالت يوم لمن غلبوا خلاص رسل لي سندس انا جيت حلتكم واقف في الميدان ما عارف بيتكم بي وين ! ممكن تجيني ! الساعه ديك قلبي وقف 😳 الليله اخووي لو شافو بس قمتا لبستا التوب و بي شعري الملفوف كعكات و اساسا هو متعود على المنظر دهه ، نزلت بسفنجة ابو حمامه ديك من الرهبه جريت لفيت الميدان لقيتو واااقف منتظر فعلا ، قلت ليهو انت مجنون ! الجابك حلتنا شنو امشي من هنا سرييع هسي لو شافك اخوي ح يضبحني 😒 قال لي انتي لسه زعلانه مني؟ قلتا ليهو ياخي ما زعلانه ولا حاجه بس عليك الله امشي من هنا سرييع قبل ما يشوفك زول واقف معاي😳 قال لي انا اسف ، قلت ليهو عبد الله انا الأسفه اني اتدخلتا في حياتك اكتر من اللزوم و عموما اعتبر انك ما بتعرفني ، اسمر جا ماري من بعيد من وراي وشافنا بنتكلم وقف بعيييد يعاين لي ، قلت ليهو يا عبدالله انت ما بتعرف اخواني عليك الله امشي من هنا قال لي ما لي دخل بي اخوانك انتي متضايقه مني لسه ؟ قلت ليهو عبد الله استغفر الله النبي فيك امشي من هنا سريع ، قال لي سندس ح أسجل في الجامعه كده راضيه! بعد ما كنت منفعله طوالي رخيت قلت ليهو متأكد؟ قال لي بكره بمشي معاك عشان تتأكدي اللحظه ديك اتبسطتا شديييد قلت ليهو من الصباح ح اخد اذن من الشغل وامشي معاك تمام قال لي طيب متفقين ابتسمنا لي بعض وهو مشى انتظرتو لمن لفى وقبلتا امشي لقيت اسمر في وشي 😳 واقف بعاين لي مشيت عليهو بمنظري القاسي داك وقلت ليهو كيفك! قال لي تمام ببرود كده ردا لي قلتا ليهو انت هنا من بتين! قال لي من انتي واقفه مع الود البشرب ده قلتا ليهو عفوا! قال لي انتي عارفه انو الولد ده ببلع حبوب؟ قلتا ليهو اي عارفه ، عاين لي بخلعه! عارفه و لسه مواصله عرفتك ليهو؟ قلت ليهو دي حاجه بتخصني افتكر وجيت ماشه كورك لي اخوانك عارفين؟ هنا قلبي وقف المشكله انو بعرف اصعب اخواني مهند قلتا ليهو ممكن تمشي تكلمهم اذا عايز 'قال لي سندس الولد ده ما كويس ابعدي من سكتو احسن ليك قلتا ليهو وانت مالك ؟ قال لي الولد ده كعب واخلاقو كعبه قلتا ليهو انا بعرف اذا هو كعب او لا قال لي هو صحبك بس ولا حاجه تانيه؟ عاينتا ليهو كدهه جوووه عيونو ما عرفت دي غيره ولا شنو؟ المهم اتبسطتا قلت ليهو صحبي بس قال لي تمام وعمل فيها كأنو ماهاميهو ، مفتررري خلاص الزول ده😒👋 كملتا للبيت و هو مشى قدامي كمان وخلاني عشان حركاتو دي مشيت بالليل كتبت بوست " شوفتك ترد الروح❤️" الزول اتغااظ تاني ورسل لي في المسنجر ، انا ما اخوك عشان انتي تخميني في الرد كان ممكن تقولي لي انك مرتبطه بيهو بس رديت ليهو انت حيهمك شنو يا أسمر؟ قال لي ما بهمني شي واعملي البريحك ، اتغظتا منو شدييد وقلت ليهو اساسا قاعده اسوي في البريحني .. تاني يوم اخدتا اجازة ومشيت لاقيت عبد الله مشينا الجامعه فعلا جاني شايل ملفو ❤️ سجلنا ودفعنا قروش السمستر عاندني وابى يمشي القاعه عشان يحضر ، قلتا ليهو خلاص انا ح امشي وأسأل مشيت القاعه و بحكم اني بت وبقيت مزه دخلتا و سلمتا على بت سألتها البروف هنا منو ! طبعا هم صغااار بالنسبه لي خلي بالنسبه لي عبد الله البت ابت توريني الغتيته😒 مشيت لي البعدها من النوع البقعد قداااام للمحاضره وقلتا ليها بروف الدفعه منو! قالت لي اسمها اسمهان قلت ليها ايووه طيب وين هي قالت لي مشت تفطر ، قلت الشفع ديل قليلين ادب خلاص😂😂😂 انتظرتا الست اسمهان لمن شرفت وظاااهر من بعيد النوع الما بتديك معلومه ولا بجنيه مشيت سلمتا وقعدتا معاها قلتا ليها انا بصراحه مفروض انزل و اداوم معاكم و انا وقفتا الدراسه لي زمن بصراحه عشان اتزوجتا 😂😂 بعد جبتا احمد و محمد و عباس تاني اتقطعتا علينت لي مخلوعه انتي ام 😳 قلتا ليها اي ام لي تؤام والكبير عباس قالت لي ماظاهر عليك ماشاء الله قلتا ليها هسي راجلي ح يرسل لي هو في ايرلندا و بعد كده مفروض اسافر ليهو اها بس السنه دي وقفت لي عارض . حلقي نشف من الكذب والتأليف😂👋 و البت لمن اقتنعت لي وقامت طلعت لي ديييك يا الشيتات السمحه و دفاترها قالت لي ارح بمشي معاك تصوري ده كلو عشان تضمن ما ح ادي زول😂 مشت وحرستني صورتا جيت خااامه الشيتات والاخ عبد الله قااعد حارسني التقول موادي انا😒👋 قلتا ليهو جيب ال٩٠ جنيه بتاعت التصوير ، طلع ميه جنيه اداني ليها قلت ليهو العشره دي عشان المراسيل😂😂 الشيتات دي ما تطلع من بيتكم كلو كلو البت دي ما تشوفك شايلها في الجامعه عاين لي بحقاره ومشى قدامي سكيتو ، المهم ركبنا المواصلات ووصلنا اي زول لبيتو ، بقيت لما اخلص من الشغل ما برجع البيت ولا بمشي لزهراء، مشيت لعبد الله في بيتهم فتحت لي هاجر سلمت علي و دخلتني قالت لي عبد الله طلع مشوار قلت ليها بنتظرو جوه ، الحبوبه بتفرح شديد لما تشوفني ضيفوني واتغديت معاهم و حارسه الاستاذ ما جا لسه قدر ما ضربتا ليهو ما ردا ، في الاخر بعد المغرب جا و انا كان مفروض امشي المعهد و قلتا ليهم خلاص بجي وقت تاني انا جيت اراجع معاهو ، وانا طالعه كان هو جا داخل البيت عيونو حمرررر و متعطر عرفتو طوالي كان سااطل غضبتا شديييد هاجر عملت رايحه من المنظر و دخلت ، هو سلم علي وقعد قال لي شايفك حابه تكوني مرتي وضحك 😂 ابيت ابتسم زاتو هاجر جابت ليهو مويه وقالت ليهو من قبيل كانت حارساك قالت ح تراجعوا قال ليها اي اي صاح ، اتفضلي ياسندس نزلنا سوا البيت التحت 😍 بنيان فظيييع جدا جدا 💜 بس دخلنا لمكتبه البيت فيها كمية من الكتب و مكتب للقرايه كانت بتدرس فيها هاجر ، جات ختت لينا عصير و مشت ، لما بقينا برانا قال لي سندس مراجعة شنو ؟ قلتا ليهو انت كنت بتشرب سيجاره؟ قال لي اي عندك مانع! قلتا ليهو عبد الله انت ما بتخاف على نفسك قال لي لو عايزة تديني محاضره انا ح اطلع واخليك براك ، قلتا ليهو تمام طلعتا الشيت وختيتو قلتا ليهو ح نبدا بالماده دي اول ، قعد يضحك لمن دمع قال لي انتي يابت انا اكبر منك بي عشره سنين 😂😂 عايزة تعملي فيها استاذتي 😂😂 قلتا ليهو ماتتريق .. تاني ضحك فيني و انا اساسا غضبانه لانو شرب قمتا كوركتا فيهو انت قايل نفسك براك العندك مشاكل! انا ابوي مات بعد ولدوني طوالي ، اخواني الكبار كانوا بعذبوني بالحبسه في البيت انت قايل اني كنت سمينه ساي ولا بحب الاكل بس؟ انا كنت ببلع حبوب نفسيات .. انا لمن حبيت واحد كان برضو ما بحبني و لعب بي كمان لما عرفني دايراهو يفهمني مرتبط ولما يشوفني بقيت سمحه يحاول يخليني تاني احبو ، انا اخوي الكبير كل مره بقول لي انتي ح تقعدي لبتين كده وكان عايز يعرس لي بالغصب من راجل كبير عشان عندو معاهو شغل ، انت ما براك العندك مشاكل في الدنيا دي ياخ وبس بقيت ببكي وبعزي 💔😭 عبد الله صنا صنا واااحده وسكت خلاني بقيت وقشيت دموعي ، قال لي هاك اشربي مويه شربتها وختيتها قلتا ليهو انا ماشه بيتنا قال لي ما تمشي قلنا ليهو لا دايره امشي خلاص ، قال لي انا عايز اقرا لكن ممكن تقريني ؟ ضحكتا وعاينت ليهو قلتا ليهو عذبتني ياخ 💔💔 فتحنا الشيت وانا بقرا الصفحه و هو بسمع فيني بعدين بلخصها براهو في ورقه قعدنا كده لحدي ما العشاء جا وطلعتا منهم ، في باب الشارع قال لي " انتي أقوى بت انا اشوفها في حياتي" قلتا ليهو ده على اساس كنتا واعي للبنات 😂😂قال لي سندس بجد شكر ليك ، قلتا ليهو حتمشي بكره الجامعه قال لي ايوه ح امشي ، كان مفروض يدخل البيت بس طلع قلتا ليهو انا ماشه بيتنا انت ماشي وين ؟ قال لي ماشي الجامع أصلي العشاء ، اتبسطتا بسطه بعد شفتو ماشي للجامع😍💜
#
