وووب علي انا ، اسوي شنو تاني اذا لقيتو اعاين ليهو كييفن في وشو 😭💔 غايتو بعد يومين كده و انا ماشه الشغل الصباح لاقيتو في الشارع داخل بيتهم شكلوا جايب حاجات من البقاله كوركت ليهو اسمرررر اتلفت عاين لي ووقف و مافي اي ابتسامه بالغلط جريت عليهو قلتا ليهو كيفك ؟ قال لي الحمد لله بخير كيفك انتي و اهلك ؟ قلت ليهو الحمد لله و عايز يدخل طوالي قلت ليهو دقييقه يا اسمر انت زعلان من حركتي؟ انا اسفه والله ما قصدتا شي كنت بهظر مع صحبتي و خلاص قال لي ما مشكله حصل خير ما زعلان ولا حاجه عااد انا ابتسمتا لي هناك و مشيت للشغل بعد ما ابتسم في وشي .. اول ما وصلتا الشغل لقيت نمارق قاعده سلمت عليها مبسووطه قالت لي سندس اسمر كيف عليك الله ؟ قلت ليها ح يكون كيف مش شفتيهو قبل يومين ! قالت لي ممكن تجيبيهو تاني قلت ليها هي شغله ولا كيف بعدين انتي اشتغلتي لي شغلي بتاع المره الفاتت مش كان بينا اتفاق قالت لي لسه والله ما اشتغلتوا قلت ليها يلا بالله على شغلك وشغلي سريييع😂😂😂 قعدتا خلفتا رجل فوق رجل و فتختا اللابتوب و بديت اتصفح في صفحه حبيب القلب لقيتو منزل بوست بعد ما انا لاقيتو طوااالي " وماذا ان كان الصبح يبدأ بصوت حبيب قريب! اللهم هذا الصباح كل يوم " عاد انا لمن قريت البوست الابتسامه دايره تشرط خشمي قسمييين 😂 الكلام ده لي 😍 بعد لاقاني مباااشرة كتب كده اها انا اتحمستا و رسلت ليهو طلب قام قبلوا 😍 قمتا انطط في المكتب ونمارق تعاين لي بقعر عينها ..لمن هديت وقعدتا اها طبعا صفحتي كلها كلام خارم بارم كده لا فيها لغه زي الناس ولا مشاعر ولا احاسيس ولا اساسا بعرف اكتب .. قمتا رسلت ليهو في المسنجر نورت الصفحه الخربانه والله 💕 رسل لي ايموشنات ضحك كده و قال لي بي نورك الصفحه الخربانه منوره و على فكره قريت ليك بوستين ضحك كده على السريع .. انا بحب الناس البتدخل البهجه على قلوب غيرها و انتي من النوع البنزل بوستات ضحك 💜 و بفرح الناس وبخليهم يضحكوا صراحه شخصيتك حلوه حافظي على روحك المرحه دي يا سندس❤️ عااد انا بعد الرساله دي فرحه فرحه كده خلتني اتصدم من الفطور و جررري شلتا التلفون وضربتا لي زهره احكي ليها بعد رصيت الرساله كلها قالت لي ما تشتغلي بيهو و اوووعك تردي عليهو ما كفايه انك خربتيها و رسلتي ليهو الطلب انتي😒👋 عليك الله ما تذلي روحك اكتر من كده .. قفلت منها بالله البت قفلت نفسي 😒 ما اشتغلت بكلامها و مشيت رديت ليهو " وانت والله شخصيه محبوبه و حلوه وجذابه و كتاباتك تعبر عن مشاعر كل الناس و ياريت نكون اصحاب بجد ممكن ؟ قام ضحك و قال لي بتشرف والله " عاااد انا الفرحه ما سايعاااني لملمت عفشي و طلعتا من المكتب بدري لقيت المواصلات واااقفه يحنسوا في الناس يركبوا و بالليل نحنا نجري وندردق ورا الحافله و يقفل شبابيكو ويقول بينا ما ماشي مزاج كده بس👋😒 وبعد شويه تشوفيهو مدردق جاري يشحن .. اها وصلتا بيتنا منشرحه و حلفتا ما امشي لي زهره تسد لي نفسي .. اسبوووع عدا و ما لاقيتها شغاله ونسه صباح مساء مع اسمر و كل ما اشوفو داخل اتكلم و ارسل ليهو و اصبح و امسي ولحدي ما اداني رقم الوتساب بتاعهو و بعد كده استلمت المواضيع كلها ببدا برسل ليهو انا لانو هو مستحييل يرسل براهو زهره قدر ما تضرب ما برد اها يوم بعد ما انا رجعتا من الشغل هي لبست وجاتني اول ما امي فتحت ليها قالت ليها بتك الفثر البايره وينها ! جيتها طالعه بايره انتي ده كان زمان قالت لي انتي نحنا سجلنا في الزومبا عشان تغيبي اسبوع قلت ليها هي كلها تلاته ايام في الاسبوع الدنيا خربت يعني لما ما مشيت قالت لي سندس ما تتعوقلي معاي و من بعدين المغرب القاك هناك سمعتي 😒👋 قلتا ليها حاااضر قالت لي على فكره لاقيت اسمر تحت سلمت عليهو قلت ليها صحي😍 والله ياصحبتي و شااايل تلفونو بتكلم و يتضحم برااهو .. قلتا ليها يتكلم 😳 قالت لي برري ما اظن لي ده تلفون رجال مع بعض .. اها قامت مارقه بعد ما فورتني البت و هي ما عارفاني انا برسل ليهو كل يوم 😳 .. قمتا ضربتا لقيتو مشغول وتاني مشغول و تالت مشغول قلبي اكلني لفيت البيت عشره مرات وقفتا في البلكونه ما شفتو 😭 لما خلص رجع لي قلبي قعد ينقز كده 💕 بعداك رديت قلت ليهو كنت دايره اجرب الرقم قام ضحك قال لي ظريفه 😂😂 قلت ليهو رجل اعمال مهم و لا كيف ! قام ضحك تاني و قال لي يعني انتي مزعجه كده و طلع من باب بيتهم و انا واقفه في البلكونه شفتو اشرت ليهو و بقى بعاين لي قال لي يعني الزول ما يخلط معاك ! قلتا ليهو يخلط ؟ قال لي قفلت الخط في حبيبتي بسببك .. لما قال لي كده حسيت بغصه جوووه قلبي قربتا ابكي بس لأنو واقف وشايفني مسكتا نفسي بالقوهه قلتا ليهو يعني انت مرتبط ؟ قال لي ايوه مرتبط ارتباط وثيق كمان وضحك وهو بعاين لي عملتا فيها امي بتناديني قلت ليهو دقيقه ماما بتناديني قال لي اخدي وقتك .. جررريت جوه الحمام قفلتو وقعدتا في الارض ابكي و اقش في دموعي و خاته قطعه في خشمي عشان صوتي ما يطلع بكيييت بكيييت لما فترت والمغرب اذن لي وانا ببكي جوه الحمام 😭 اها لما جا وقت الزومبا و طلعت بره جهزتا نفسي وقلت لي امي انا ماشه مع زهراء جينا ماريين بالميدان انا وزهره شافتو هناك قالت لي سندس عايني عرفتها قصدها اسمر قلتا ليها ما دايره اعاين استغربت فيني و مشينا للمعهد .. اول مره ارقص زي المدربه😭💔 وحاسه نفسي عايزه ابكي لما انتهينا قلت لي زهره امشي انتي انا دايره اتمشى قالت لي امشي معاك قلتا ليها لا قالت لي سندس ما تكوني عايزة تلاقي اسمر 😒قلتا ليها زهره خليني بس في حالي وامشي لما لقتني متضايقه فعلا ما حبت تكترها معاي و مشت .. انا قعدت في باب المعهد و ابكي في الشارع زي الهبله 😭😭😭 لمن رفعتا راسي اشوف المسطول طااالع و بسجر و قاعد في مصطبتهم بس من غير اي عقل قومي يا سندس اقطعي الظلط وامشي اقيفي في وشو الولد بقى بعاين لي و رفع حاجبو يعني في شنو! و انا بقشقش في دموعي بي الطرحه وبجر معاها انفي😂💔 قلتا ليهو اديني بس من البتشرب فيهو ده 😭😭
