والله غايتو يوم السبت داك كان يوم ما بتنسي كلو كلو .. بسبب شماراتي الكتيره ماقدرت انوم كلو كلو طالعه و داخلهه بفكر في عبد الله 😂👋 احل ليهو مشاكلو كيف غايتو بس بقى عندي هم جديد كماان قلت مافي زول استشيرو و بفيدني غير حبوبه .. لفحتا توب امي و بي كعكاتي و سفنجة اخوي طلعتا عاد دي ما حبوبهه مادايره اجتهاد كتيير😂😂👋 .. اول ما نزلتا القى اسمر في خلقتي بالله الولد التقول بنتظرني اتبهدل المره دي بالجد ما كنت فاضيه ليهو ليت موضوع جدييد شاغلني قلتا ليهو السلام عليكم و قبل ما يرد مشيت بقى بعاين لي مستغرب ! دي جات نازله من ياتو كوكب و السفنجه الابساها دي شنو😳 اساسا هو حارقو اني بقيت سافهاهو المهم ركبتا ركشتي ومشيت لي حبوبه دخلتا و سلمتا على ناس البيت خالي و خالتي ، متعودييين يشوفوني بالمنظر ده 😂👋 قعدتا معاها و انتظرتهم طلعوا من الغرفه كده طواالي جريت الباب قفلتوا وقعدتا في الارض قلتا ليها حبوبه اسمعيني في موضوع ضروري ولازم تلقي ليهو حل ، قالت لي انا من شفتا جيتك دي ما طمنتني اها في عريس جاكي! قلتا ليها الله يسالك عريس شنو يامره اقول ليك موضوع مهم وضروري قالت لي قولي في شنو ! قلتا ليها في واحد بتاع مخدرات وقبل ما اتم قالت لي سجممممي بقيتي بتاعت مخدرات 😳 انا قلتا لي امك السجمانه دي بتك دي الايام دي ماااعاجباني بقت بتحبس روحها طبيعي في الغرفه زي الشيطانه و ضعفتا اتسلت كده بسررعه .. اخوانك السجمانين البره ديل كان جوا ربوك ما كان خربتي كده ، قلتا ليها حبوبه استغفر الله بس تندمي الزول على الجيه بالله عرفتا امي الايام الفاتت كل مل تلقاني قافله باب الغرفه تحلف وتقول الا اخليها فاتحه اتاريها كانت بتراقبني بسبب نقتك مش😒 وافكارك الدخلتيها للمره في راسها . المهم انا وحاات الله سليمه و مامدمنه و ماتقاطعيني لحدي ما اتم ليك قالت لي قولي 😒👋 قلتا ليها في واحد مسكين شدييد قااطع قلبي طبعا عاارفه قلبها حنين ومن اقول مسكين دي ح تسكت وتسمعني حكيت ليها قصة عبد الله كلهااا كااامله و المره اتاثرت وشبكتني كرر علي و شبابو ضااع و يحليلو ، قلتا ليها حبوبه اديني الزيت بالله و بعداك اتبكبكي قالت لي والله زول زي ده ما عارفه يصلحوا حالو كيف بعدين احتمال مايسمع ليك .. لكن الما عندو خير في صلاتو ما بجيهو الخير قلتا ليها هو ولد طيييب بس ما لقى الزول البكون حنين معاهو و يمسك ليهو يدو و يوريهو الصح ، قالت لي والله موضوع زي ده صعب شديد لكن بنصحك بي حاجه واحده اذا صلى الولد ده حالو بنصلح ، غايتو ده كل الطلعتا بيهو من حبوبه دي اها قمتا على حيلي و اتنفضتا وقلتا البدايه الصلاه ح تكون ح اخليهو يصلي حتى لو مره بي مره بسكر انا اساسا مقتنعه انو الزول لو بصلي و بغلط في يوم ح يسيب الغلط ده بسبب الصلاه ، قمتا من هناك ركبتا ركشه ومشييت لي بيت ناس عبد الله ضربتا ليهو تلفون قلتا ليهو انا منتظراك بره قام طلع اول ماشافني ضحك وضحك وضحك😂😂😂 قلتا ليهو اضحك لما تموت ارح سايقاك معاي مشوار قال لي وين؟ قلتا ليهو ارح بس ، ركبنا الركشه و مشينا اول ما وصلنا الجامع نزلنا قال لي انتي جبتيني وين؟ قلتا ليهو جينا هنا نصلي لي امك قال لي لما افضى بصلي و عايز يمشي لاحظتا ليهو زعل و طوالي ملامحو اتغيرت جريت وقفتا جنبو وقلتا ليهو انت عارف امك ح تتعذب في النار بسببك ! طبعا ما جبتا سيرة الابو لاني عارفاهو بكره ابوهو كيفن ..قال لي امي دي طيبه و صلايه البخليها تخش النار شنو ؟ قلتا ليهو انت انت ولد عاق حتى و هي عايشه كنت بتشرب وهي ما ضرتك بشي .. قال لي خلاص اسكتي غلطان انا الحكيت ليك عني اوعك تاني تتصلي علي و مشى تاني لحقتو و وقفتا ليهو في وشو قلتا ليهو لو ما مصدقني اسال اي زول او امشي المقابر و أسأل هناك امك بتتعذب و انت السبب قام لزاني بي يدو بعيييد قربتا اقع وقال لي امي دي انضف منك و من اي زول في الدنيا سمعتي و مشى كمل طريقو زعلاان مني ، ضربتو كانت قويه بس استحملتها و جريت بي وراهو ركب ركشه و انا تابعتو بي ركشه كنت عارفاهو ح يمشي بعد كلامي المقابر وفعلا ظني طلع صح مشى دخل لقبرها و قعد يعاين فيهو مسافهه تقريبا الاهبل صدقني و شكلوا كان بحاول يعرفها بتتعذب بجد! بقيت بستغفر لي الله و بقول يارب اغفر لي انا كذبتا عشان اخليهو يصلي بس المهم بقيت بعاين ليهو من بعيييد و الولد بدا يبكي 😭 بدون ما احس بكيت معاهو اول مره اشوف ولد كبير ببكي! ببكي زي الشفع .. غايتو عرفتا اني حساسه من اللحظه دييك بكيت جنس بكا معاهو 😭😭 لما جا طالع من المقابر لقاني واقفه في الباب هو بقش في دموعو وانا لسه ببكي و بقش بي توب امي ، قال لي لحقتيني ليه! قلتا ليهو ربنا يرحمها ويغفر ليها قال لي انتي ما بتتوبي ! انا عرفتا الولد داك ما دايرك ليه لانك وحده حشريه وبتدخلي في حياة الناس و بتفرضي روحك بالغصب ياخ اطلعي من حياتي ياخ ندمتا على اليوم العرفتك فيهو و مشى .. انا طبعا الكلام حرقني اتذكرتا اسمر الفعلا ما دايرني💔 بكييت زيادة و جريت ركبتا الركشه مشيت بيتنا زعلتا زعل غريب اليوم دااك زعل بقووه كده بديت اكره سندس الجواي البتحب اسمر لأني بديت احس الحب ده زاليني وين ما مشيت و من كل زول ، يومين ما مشيت الشغل و ما طلعتا من البيت و تالت يوم ماقدرتا اقعد لبستا عبايتي ومشيت طلعتا لقيت اسمر جنب باب بيتهم برضو ما سلمتا عليهو كتير و مشيت كملتا طريقي تاني استغرب اني طنشتو ! مشيت لي عبد الله رزعتا ليهو الباب رزع قلت تاني لو زول زعلني ولا اهاني ما ح اسكت ليهو وحاابدا من عبد الله ده ، فتح الباب مهجوم لقاني واقفه قلتا ليهو انت واحد ملعون و امك و ابوك ح يتعذبو و اخوك كمان كلكم ح تخشوا النار لأنكم بتستاهلوا انت بتستاهل المووت الغلط ما منك من امك الماعرفتا تربيك طبعا الردح ده كلو قدام الباب و كويس انو مافي زول سمعني عبد الله بس وقف تنح فيني ماعارفاهو صبر علي كيف لما نبذتا ليهو امو بعد خلصتا من كلامي قال لي عايزة شنو انتي! قلتا ليهو انا مابسمح ليك تزلني كل مره لاني حكيت ليك بي اسمر قال لي ما كفايه لعلعه في نص الشارع ! قلتا ليهو فهمتا ولا لأ ! نزل من المصطبه و جا وقف قدامي طبعا خفتا خوووف اللحظه دييك 💔 عيونو كانت محمره زي الدم قال لي انتي مالك معاي يابت الناس؟ قلتا ليهو بصووت وااطي عايزاك تصلي معاي لي امك و نقرا ليها قرآن قال لي امي ولا امك ؟ قلتا ليهو انا عارفه انك بتحبها شدييد انت طيب و كويس ليه عايز تكون الزول الكعب ؟ كلامي ده غير ملامحو شويه ، قال لي طيب ح اصلي معاك في المسجد وبعدها ما توريني خلقتك ! ابتسمتا لي اخر ضرس ومشينا المسجد قلتا ليهو بصلوا ركعتين اول تحيه للمسجد كويس؟ حمر لي وقال لي عارف قلتا ليهو مدام عارف ما بتصلي مالك 😒👋 المهم دخلنا وصلينا وانتظرنا الضهر بعد صلينا الضهر صلينا ركعتين الأساسا مفهماهو لي امو .. طلع من باب الرجال و انا طلعتا من جهه النسوان مبسووطه عشان حصل العايزاهو ، قال لي خلاص؟ قمتا فتحتا ليهو يدينو الاتنين للدعاء وقلتا ليهو الله يرحمها ويغفر ليها ويحسن اليها ويثبتها ويجعلها من اهل اليمين و يدخلها الجنه و يجعلك من الاولاد الصالحين البدعوا ليها ، عبد الله كانت ايدينو بترجف ! قال آميين وصوتو برجف كنت عارفه انو امو هي نقطة ضعفو الح اقدر اغيرو بيها و اخليهو يصلي بعد الدعاء ده عاين لي بعين فيها طمأنينه كدهه قال لي امين مشينا رجعنا مشي المره دي المسافهه ما كانت بعيده من البيت هو بصل اول ، لما وصلنا لبيتهم قدام بابهم قال لي شكرا 💜 قلتا ليهو عفوا و مشيت قام كورك لي في الشارع قال لي على فكره أسمر الخسران لأنو ماعرف يحافظ عليك و ابتسم كده و دخل البيت .. دي كانت اول خطوهه لي مع عبد الله وطبعا اتحمستا كيف واتبسطتا تاني يوم من الصباح بدري😂😂 قبل ما انزل الشغل مشيت بهناك لي حلتهم دقيت ليهو الباب من الصباح فتح لي هو نص مغمض ونص مفتح😂😂😂
